Jeremiya 23
23
Beembeli bacisi tabasyomeki. Leza mbwasyomezya kubika mweembeli mubotu
1 #
Joh 10:10-12; Zek 11:5-7,15-17 Maawe kubeembeli banyonyoona akumwaisya imbelele zyabutanga bwangu, mbwaamba Jehova. 2#Kul 32:34Mbuboobu Jehova Leza wa-Israyeli mbwaamba aabeembeli beembela bantu bangu. Mwamwaisya imbelele zyangu, mwazitanda, tamuzibambide pe. Lino njoomubweedezya bulumbu bweelede milimo yanu mibi, mbwaamba Jehova. 3#Jer 32:37Njooyobolola imbelele zyangu zicisyeede kuzwa kuzisi zyoonse nkundakazitandilide, njooziboozya kucimpati cazyo, lino ziyoozyalisya akuvula. 4Nkabela njoozibikila beembeli bakuzyeembela, aboobo tazikoonooyoowa limbi nikuba kukankama nikuba kubulila, mbwaamba Jehova.
5 #
Is 4:2; 11:1; 32:1; Jer 33:14; Dan 9:24; Int 72:2 Amubone! Mumazuba aaboola, mbwaamba Jehova, njoobusizya Davida mutabi uululeme, mwami uuyooendelezya cabusongo akubeteka cakululama munyika. 6#Dt 33:28; Zek 14:11; Jer 33:16; 1 Kor 1:30Mumazuba aakwe Juda uyoofutulwa a-Israyeli uyookala cakuliiba, Azina lyakwe ndyayooulikwa ndeeli: Jehova mbululami bwesu. 7Nkaambo kako mumazuba aaboola, mbwaamba Jehova, takukooyooambwa limbi kuti, Mbwali muumi Jehova iwakagwisya bana ba-Israyeli kuzwa kunyika ya-Egepita, 8#Is 43:5pele kuyooambwa kuti, Mbwali muumi Jehova iwakagwisya bana baluzubo lwa-Israyeli kuzwa kucisi cakunyika akuzisi zyoonse nkwaakabatandide, Lino bayookala munyika yabo beni.
Basinsimi babeja mbubapegwa mulandu
9 #
Hab 3:15
Ngaaya makani aabasinsimi. Moyo wangu watyoka mucamba cangu, azifuwa zyangu zyoonse zilakankama. Ndikozyene amuntu uukoledwe, mbuli muntu iwaindilizya kunywa bukoko, nkaambo ka-Jehova amajwi aakwe aasalala. 10#Hos 4:2Nkaambo nyika ilizwide basimamambe, akaambo kalutuko nyika ilalila amacelelo aabuwa aliyumide. Inzila njibatola nimbi, anguzu zyabo taziluleme. 11#Zef 3:4; Ezk 8:11#Tus 4:19Nkaambo bapaizi abasinsimi boonse mbasizibi, amuŋanda yangu ndemwini ndijene bubi bwabo, mbwaamba Jehova. 12Nkaambo kako inzila yabo iyoobabeda mbuli inzila zyabutezi ciindi camudima. Bayootandilwa mulinjiyo mane lumwi bawe, nkaambo njoobaletela mapenzi mumwaka wakuswayigwa kwabo, mbwaamba Jehova.
13 #
1 Bam 18:18; Is 9:16 Mubasinsimi ba-Samariya ndakabona malweza. Balasinsima muzina lya-Baala akuleesya bantu bangu ba-Israyeli munzila imbi. 14#Ezk 13:22; Is 1:9; Matl 18:20; Ezk 16:49Pele mubasinsimi baku-Jerusalemu ndibwene cintu ciinda kusesemya. Balacita bumambe, baleenda mukubeja, balagwasya maanza aabasizibi akubakasya kuleka umwi aumwi bubi bwakwe. Boonse bandibeda mbubonya mbuli Sodoma, abantu bakede mulinguwo bali mbuli bantu ba-Gomora. 15Nkaambo kako mbuboobu Jehova wamakamu mbwaamba aabasinsimi. Ncobeni njoobasanizya kabindaula akubanywisya maanzi aamululwe, nkaambo kubasinsimi baku-Jerusalemu nkokwazwa kasampusampu munyika yoonse.
16 #
Tus 19:27; Mt 7:15 Mbuboobu mbwaamba Jehova wamakamu. Mutaswiilili majwi aabasinsimi bamusinsimina. Balamuzuzya bulangizi bwa buyo, balaamba zilengano zyamyoyo yabo beni zitazwi kumulomo wa-Jehova. 17#Zek 10:2; Mik 3:11Lyoonse balaambila basikusampaula ijwi lya-Jehova kuti, Muyooba aluumuno. Abaabo beenda muzinguni zyamyoyo yabo balabaambila kuti, Tamukooyoojana mapenzi pe. 18#Job 15:8; 1 Kor 2:16Ma! Nguni akati kabo wakaima munkuta ya-Jehova kuti abone akuswiilila majwi aakwe? Nguni wakamvwa ijwi lyakwe akuliteelela? 19#Jer 25:32Amubone! Kwazwa iguwo kuli-Jehova! Bukali bwakwe bwa buka! Ndiguwo lilundumuna! Lilawida amutwe wabasizibi. 20#2 Bam 23:26,27; Matl 49:1Bukali bwa-Jehova tabukooyoomana mane lumwi akacite makanze aakwe amiyeeyo yamoyo wakwe, Lino kumamanino aaciindi muyoomvwisya makani oonse. 21Teensi ndime ndakatuma abo basinsimi, nekubaboobo bakazuzaana. Nsikwe nindakabaambila, nekubaboobo bakasinsima. 22Pele nibakaima mulubeta lwangu, nibakaswiilizya bantu majwi aangu, lino nibakaleka inzila yabo imbi abubi bwamilimo yabo.
23 #
1 Bam 20:23,28; Int 113:6 Sa ndi Leza uuli kufwaafwi? mbwaamba Jehova. Sa nsili Leza uuli kule? 24#Int 11:4; 139:7; Am 9:2; Heb 4:13; 1 Bam 8:27; 2 Mak 2:6; Is 66:1Sa muntu ulakonzya kuyuba muciyubilo nkuntakonzyi kumubona? mbwaamba Jehova. Sa nsizuzyi nyika ajulu zyoonse? mbwaamba Jehova. 25#Heb 4:13Ndimvwide majwi aabasinsimi basinsima cakubeja muzina lyangu, bati, Ndalota! Ndalota! 26Zyakubeja ziyooleka lili mumyoyo yabasinsimi basinsima cakubeja akwaamba lweeno lwamyoyo yabo? 27#Dt 13:11; Inc 13:8; 2 Tim 3:6-8; Bab 3:7Balayeeya kulubya bantu bangu izina lyangu kuziloto zyabo nzibakanana umwi aumwi kumweenzinyina, mbubonya mbuli bamawisaabo mbubakaluba izina lyangu nkaambo ka-Baala. 28#2 Kor 2:17; 1 Pet 4:10Musinsimi uulota ciloto akanane ciloto cakwe, pele oyo uujisi ijwi lyangu aambe ijwi lyangu cakusyomeka. Sa ncibotu kuvwelanya buungu amaila? mbwaamba Jehova. 29Sa ijwi lyangu talili mbuli mulilo? mbwaamba Jehova. Sa talili mbuli insando iipwayaula mabwe? 30#Dt 18:20; Jer 14:14,15Nkaambo kako, ncobeni nsibayandi aba basinsimi babba majwi aangu, umwi aumwi kumweenzinyina, mbwaamba Jehova. 31Ncobeni nsibayandi, mbwaamba Jehova, aba basinsimi babelesya indimi zyabo cakwaamba kuti, Mbuboobu mbwaamba! Mbuboobu mbwaamba! 32#Zef 3:4Ncobeni nsibayandi abo basinsima ziloto zyabuyo, mbwaamba Jehova, bazikanana, baleesya bantu ba ngu mumbejo zyabo amukamikami kabo, anukuti mebo nsikwe nindakabatuma nikuba kubalailila, Tabagwasyi bantu aba abuniini, mbwaamba Jehova.
33 #
Is 13:1; Jer 17:15; Mal 1:1 Kufumbwa muntu naba musinsimi naba mupaizi uukubuzya kuti, Makaninzi ngemuyumwide kuzwa kuli-Jehova? uleelede kubaambila kuti, Mukuli ngutuyumwide ndinywe. Njoomusoowa, nkalilemunune, mbwaamba Jehova. 34Kufumbwa musinsimi naba mupaizi naba muntu buyo uubelesya ijwi eli lyakuti makani aa-Jehova ngemuyumwide, njoomupa mulandu, oyo muntu aluzubo lwakwe loonse. 35Mbuboobu mbumweelede kwaamba, umwi aumwi kumweenzinyina, umwi aumwi kusimukowanyina, Amwaambe kuti, Ncinzi Jehova ncaavuwa? nanka, Ncinzi Jehova ncaakaamba? 36#Mt 12:36; Inc 13:10,11; Gal 1:7,8Pele ijwi eli lyamakani aa-Jehova ngemuyumwide talikooyooambwa limbi, nkaambo makani muntu ngayumwide ndijwi lyakwe mwini; mulasandula-sandula majwi aa-Leza muumi, Jehova wamakamu, Leza wesu. 37Mbuboobu mbumweelede kwaambila musinsimi. Amwaambe kuti, Ncinzi Jehova ncaavuwa? nanka, Ncinzi Jehova ncaakaamba? 38Pele na mwaamba kuti, Makani aa-Jehova ngemuyumwide, mbuboobu mbwaamba Jehova. Mbuli mbumwabelesya ijwi eli lyakuti makani aa-Jehova ngemuyumwide, nekuba kuti ndakamutumina mulazyo wakuti, Mutaambi kuti makani aa-Jehova ngemuyumwide, 39#Dt 31:17,18; Hos 4:6lino ncobeni njoomunyampula akumusoowa kuzwa kubusyu bwangu, inywe amunzi woonse ngundakapa bamausowanu. 40#Jer 20:11; Dan 9:16Njoomuletela lusampaulo lutamani abweeme butakonzyi kulubwa mazuba oonse mane kukabe kutamani.
Currently Selected:
Jeremiya 23: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
