Jeremiya 20
20
Pasuri mbwaakakataazya Jeremiya
1 #
1 Mak 24:14
Lino Pasuri mwana wa-Imeri, silutwe iwakabikidwe mumilimo yaŋanda ya-Jehova, naakamvwa Jeremiya ulasinsima makani aya, 2wakauma Jeremiya musinsimi akumwaanga muziliba mumulyango wakujulu wa-Benjamini muŋanda ya-Jehova. 3Lino nibwakaca, Pasuri naakaangununa Jeremiya kuzwa kuziliba, Jeremiya wakamwaambila kuti, Izina Jehova ndyakupa tocili Pasuri pe, wakupa izina lya-Ciyoosyakoonsekoonse. 4#Job 18:11; Jer 6:25; 46:5Nkaambo mbuboobu mbwaamba Jehova. Njookubika kuti ube ciyoosyo kulinduwe omwini akubeenzinyoko boonse, Mumeso aako bayoojazigwa ipanga lyabasinkondonyina, nkabela cisi coonse ca-Juda njoocaaba mumaanzanza aamwami wa-Babuloni, elyo uyoobatola mubuzike bwaku-Babuloni akubajazya ipanga. 5#2 Bam 20:17; Jer 3:24Abwalo buvubi boonse bwamunzi uno, ambono zyawo zyoonse, azintu zyawo ziyandisi, azilondwedo zyoonse zyabami ba-Juda, zyoonse buyo njoozyaaba mumaanza aabasinkondonyina, nkabela bazoozisaala akuzitola akuya azyo ku-Babuloni. 6#Jer 14:13,14; 28:15Ayebo, Pasuri, aboonse bakede muŋanda yako, muyootolwa mubuzike. Uyoosika ku-Babuloni, nkukonya oko nkoyoofwida akuzikwa, webo abeenzinyoko boonse mbowakasinsimina zyakubeja.
Jeremiya mbwaakatongauka nkaambo kamapenzi ngaakajana mumilimo yakwe
7 #
Jer 1:6,7; Job 12:4; Malo 3:14 O Jehova, nduwe wakandoongelezya, lino ndakazumina. Nduwe wakandisinikizya, aboobo ndakazundwa. Lino sunu ndaba cisekesyo buzuba boonse. Bantu boonse buyo balandiweela. 8#Jer 6:7Kufumbwa ciindi nindaamba, ndoonzomoka cakwaamba kuti, Maawe! Ndasaalwa! Ndafwa! Nkaambo ijwi lya-Jehova lyandibeda cisampauzyo acisekesyo buzuba boonse. 9#1 Bam 19:10; Int 39:3; Job 32:18,19,20; Inc 18:5Na ndaamba kuti, Nsikooyeeya limbi makani aakwe, nsikooyooamba limbi muzina lyakwe, ndajana kuti mumoyo wangu muli anga mulilo uuyakisya uujalilidwe mukati kazifuwa zyangu, mane lumwi candikataazya kundikasya, amoyo wangu waata. 10#Int 31:13Nkaambo ndateelela bantu banji balavwiya. Ciyoosyo nkucili koonse koonse, Kwaaba atumwaabe! mbubaamba beenzuma boonse bandiziba. Balalindila buwe bwangu. Bati, Ambweni ulakonzya kucegwa, kuti tumuzunde akuliya inkoto,
11 #
Is 41:13; Rom 8:31; Jer 1:8; 15:20; 17:18 Pele Jehova uli ambe, ngusinguzu uuyoosya. Nkaambo kako basikundipenzya bayoolebwa, tabakooyoozunda pe. Bayoousa insoni loko, nkaambo kakuti tabakooyookonzya kucita mbubakanza. Bweeme bwabo tabukooyoomana, tabukooyoolubwa pe. 12#Jer 11:20; 17:10; Int 54:7; 50:10; 109:6-20; Jer 12:3; 17:18O Jehova wamakamu oobeteka baluleme, oolingula myoyo amiyeeyo yabantu, nkaliye inkoto yabubi bwabo, nkaambo mumaanza aako mondaabide makani aangu. 13#Int 35:9; Jak 2:5,6Amwiimbile Jehova! Amutembaule Jehova! Nkaambo wavuna buumi bwayooyo uupengede kuzwa kumaanza aabasizibi.
14 #
Jer 15:10; Job 3:1-19 Bube alutuko buzuba bwakuzyalwa kwangu! Buzuba obuya bama nibakandizyala butabi acoolwe pe! 15Abe alutuko muntu oyo iwakaletela bata makani aakuti, Wazyalilwa mwana mulombe, akumubotezya loko. 16#Matl 19:25; Jer 18:22Muntu oyo abe mbubonya mbuli minzi Jehova njaakanyonyoona, iyatakafwidwa luzyalo, Cifumofumo ateelele kulila, akuciindi casikati amvwe cikwala, 17#Job 3:10nkaambo wakabula kundijaya nindakacili mwida, kuti bula bwabama bube kabanda kangu, azyalilo lyabo lindijate lyoonse. 18#Job 3:20; Malo 3:1Ino nkaambonzi ndakazwa muzyalilo kukujana mapenzi amakataazyo akusowa mazuba aangu mubuusu?
Currently Selected:
Jeremiya 20: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
