Isaya 8
8
Sikubinzyalusaalo Sikufwanzyalunyanzyo
1Lino Jehova wakandaambila kuti, Ulibwezele ibbwe ipati lyakulembela, ukalembye alindilyo cilembyo camuntu. Lemba kuti, Eci ncica-Sikubi nzyalusaalo Sikufwanzyalunyanzyo. 2#2 Bam 16:10Nkabela njoolibwezela bakamboni basyomesi, Uriya mupaizi a-Zekariya mwana wa-Jeberekiya. 3Elyo nindakaswanaana amukamusinsimi, wakaminta, wazyala mwana mulombe. Nkabela Jehova wakandaambila kuti, Umuulike izina lya-Sikubinzyalusaalo Sikufwanzyalunyanzyo. 4#Is 7:16Nkaambo mwana natana kuba aluzibo lwakwaamba kuti “Ta” a “Ma”, imbono zya-Damasko abuvubi bwa-Samariya zyoonse ziyootolwa kumwami wa-Asuri.
Mwami wa-Asuri mbwazoolwisya zisi
5Lino Jehova wakandaambila lwabili kuti, 6#Neh 3:15; Joh 9:7Bantu aba mbubakaka maanzi aa-Siloamu aaenda caluumuno, alimwi babika myoyo yabo ku-Rezini akumwana wa-Remaliya, 7lino amubone! Mwami ulabapazizya maanzi aamulonga, amaanzi manji aali anguzu, nkukuti mwami wa-Asuri abulemu bwakwe boonse. Ulapayila mafolo aawo oonse akusotoka myuuma yawo yoonse, 8#Is 7:14; Mt 1:23ulaya bufuta mane kusikila kucisi ca-Juda, Ulapaya akufutisya, ulatana kunsingo. Kutandabala kwamababa aakwe kuyoozuzya nyika yako yoonse, O Imanueli.
Leza uli aswe
9Amupyopyongane, nubantu—pele mulapwayigwa. Amuswiilile, nyoonse numuzwa kule. Amulyaange kucibuno—pele mulapwayigwa. Amulyaange kucibuno—pele mulapwayigwa. 10#Job 5:12; Dt 20:1; Jos 1:5; Int 46:7,11; Is 9:6; Mt 1:23; Rom 8:31Amubuzyanye makani. Pele makanze aanu ayooloba. Amwaambe majwi. Pele majwi aanu taakooyooba pe, nkaambo Leza uli aswe.
Musinsimi abasikwiiya bakwe
11Nkaambo mbuboobu Jehova mbwaakandaambila, ijanza lyakwe nilyakandijata. Wakandicenjezya kuteenda munzila yabantu aba. Wakati, 12#1 Pet 3:14-15Mutaambi kuti, Twaabwa, ciindi coonse bantu aba nibaamba kuti, Twaabwa. Mutayoowi ncibayoowa balo, nikuba kukankama nkaambo kaco. 13#My 20:12; Lk 12:5Jehova wamakamu ngumweelede kusalazya, Nguwe ngumweelede kuyoowa akukankama kubusyu bwakwe. 14#Ezk 11:16; Lk 2:24; Rom 9:33; 1 Pet 2:8Nkabela uyooba macijilo aasalala. Alimwi uyoobeda inzubo zyoonse zyobile zya-Israyeli ibbwe lilebya amwala uufumpuzya. Uyoobeda bantu bakede mu-Jerusalemu kooze acigece. 15#Lk 20:18Bantu banji bayooleba alinguwe, bayoowa akupwayigwa, bayooteegwa akujatwa.
16 #
Dan 12:4
Anga bukamboni, namatizya mulao, akati kabasikwiiya bangu. 17#Hab 2:3; Lk 2:25; Heb 2:13Elyo njoolindila Jehova uusisila luzubo lwa-Jakobo busyu bwakwe. Njoomulangila. 18#Zek 3:8; Heb 2:13Amubone! Mebo abana Jehova mbaakandipa twaba zitondezyo amalele mucisi ca-Israyeli. Aya makani azwa kuli-Jehova wamakamu uukede mucilundu ca-Ziyoni.
19 #
Int 106:28
Lino kufumbwa ciindi nibamwaambila kuti, Amuyandaule basibusangu abasondi balizya inkakata akuvuluvuta-sa bantu tabeelede kuyandaula Leza wabo? Sa ncibotu kuyandaula bafu kukugwasya baumi? 20Amubike myoyo yanu kumulao akubukamboni! Na tabaambi mbuli ijwi eli, nkukuti tamukwe mumuni mulimbabo. 21Balainda akati kanyika balipengede akufwa inzala, Elyo kuyooba kuti, ciindi eco nibayoofwa inzala, bayoocimwa, bayootukila mwami wabo a-Leza wabo, akupungula ajulu. 22Lino nibalanga ansi, bayoobona mapenzi amudima. Kulasia mbi nkaambo kamafwabi. Nkabela bayootandwa oko kumudima.
Currently Selected:
Isaya 8: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
