Isaya 3
3
Zibi zyacisi ca-Juda mbuzibetekwa
1 #
Lev 26:26; Jer 37:21; Ezk 14:13 Nkaambo amubone! Jehova Mwami wamakamu ulagwisya mu-Jerusalemu amucisi ca-Juda bulelo abulilu boonse, Ulagwisya bulilu boonse bwansima abwamaanzi. 2Ulagwisya mupati asilumamba, mubetesi amu sinsimi amusondi amudala, 3silutwe wankamu yabantu bali makumi osanwe amuntu mulemu, mubuli ayooyo uucenjede kukufula ayooyo uubwene kulowa, boonse buyo. 4#Muk 10:16Nzoobika banike, babe bami babo. Twana tuyoobeendelezya. 5#Mik 3:1; Dt 28:50; Malo 4:16Elyo bantu bayoopenzegwa, umwi aumwi kumuntunyina, umwi aumwi kumaanza aabeenzinyina. Mwanike uyoolisumpula kumupati, alakwe musampusi uyoolisumpula kumulemu. 6Muntu naazoojata mweenzinyina wamuluzubo lwawisi cakwa amba kuti, Uwe nojisi zyakusama, koba mweendelezi wesu, cisi eci cipilingene cibe mumaanza aako, 7elyo mubuzuba obo uyooamba kuti, Nsikooyooba musiliki pe, nkaambo muŋanda yangu tamukwe ncinjisi, niciba cilyo niziba zyakusama. Tamukonzyi kundibika mebo kuti mbe mweendelezi wabantu aba. 8Nkaambo Jerusalemu ulisaalidwe, acalo cisi ca-Juda cawa, nkaambo majwi aabo ancito zyabo zyoonse zilabisizya Jehova, zilakalazya meso aakwe aabulemu. 9Kusalaula kwabo nkokubapa mulandu, Azibi zyabo balazikanana mbuli Sodoma, tabazisisi pe, Maawe kulimbabo! Baliboozezya bulumbu bwabubi. 10Amwaambile baluleme kuti balalijanina bubotu, nkaambo bayoolya mi ee lo yamilimo yabo. 11Maawe kulisizibi! Ulalijanina bubi, nkaambo bulumbu bweelede bwamaa-nza aakwe buyoomucitilwa. 12Bantu bangu, mwanike ngumwami wabo, abanakazi mbobaendelezya, Nubantu bangu, basikweenzya bako balakuleesya, balabisizya inzila yakweenda kwako. 13Jehova uliimvwi kuti akazyanye. Wanyampuka kuti abeteke bantu bakwe. 14#Mt 21:33Jehova uleza kukubeteka bapati babantu bakwe abasilutwe babo, Wati, Ndinywe mwakabisizya muunda wamasaansa. Imbono zisaalidwe zyabatengwana zili mumaanda aanu. 15Mwaba anzi? Nkaambonzi mulapwaya bantu bangu akuziya masyu aabatengwana? Mbwaamba Jehova Mwami wamakamu,
Zibi zyabanakazi balemu ba-Jerusalemu
16Alimwi Jehova wakati, Nkaambo kakuti bana basimbi ba-Ziyoni balisumpula, alimwi baleenda ansingo ziimvwi ameso aalanga-langa, kuya busyansyaila akucokola-cokola kumaulu aabo, 17Mwami ulaumya bana basimbi ba-Ziyoni zilonda kulubwebwe akuvumbulula cinswe cabo, 18Mubuzuba obo Mwami uyoogwisya bweebesi bwatuntu twabo, incoko atukozyano twazuba atukozyano twamwezi, 19tucaca ankaya amasambambi, 20misini ancoko antambo at ukwa ti twamalonze ansengo, 21anwenwe atusita, 22azikobela azizwaato aruputi azikwama, 23azibonimbeni azisani zituba azitambala azivumbyo. 24Elyo mucibaka camisamu iinunka kabotu muyooba bubozi, mucibaka calutambo muyooba loozi, mucibaka camasusu aabambidwe kabotu muyooba lubala, mucibaka cazyakusama zyeebesi muyooba kuzwaata masaka, mucibaka cabweebesi muyooba caando. 25Baalumi bako bayoowisigwa ipanga, abasilumamba bako bayoojayigwa munkondo. 26#Jer 14:2; Malo 1:4Milyango yakwe iyoolila akoomoka, nkabela uyoosaalwa akukala ansi.
Currently Selected:
Isaya 3: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
