Matalikilo 42

Lweendo lutaanzi lwababunyina Josefa lwakusunza ku-Egepita

1 # Inc 7:12 Lino Jakobo naakamvwa kuti maila nkwaali ku-Egepita, Jakobo wakabuzya bana bakwe kuti, Ino nkaambonzi mulalangana buyo. 2#Matl 43:8; Int 33:18,19; Is 38:1Wakaamba kuti, Amuswiilile! Ndamvwa kuti maila nkwaali ku-Egepita, Amwiinke nkuko, mukatuulile, kuti tupone, tutafwi. 3Aboobo babunyina Josefa bali ikumi bakainka kuyoosunza ku-Egepita. 4#Matl 42:38Pele Benjamini mwanike wa-Josefa, Jakobo takamutumide ababunyina, nkaambo wakati, Ambweni bubi bulamujana. 5#Matl 12:10; 26:1; Inc 7:11Elyo bana ba-Israyeli bakasika kuyoosunza akati kabamwi basikusunza, nkaambo kakuli inzala munyika ya-Kanana.

6 # Matl 41:41; 27:29; 33:6; 37:7; Rut 2:10; 1 Bam 1:16; Is 60:14 Lino Josefa kali mweendelezi wacisi coonse. Ngonguwe iwakali kuuzizya bantu boonse banyika. Aboobo babunyina Josefa bakeza, bamukotamina cakuvundama ansi. 7Nkabela Josefa naakabona babunyina wakabaziba, elyo wakalifulunganya mbuli mweenzu, wabaambila cakuhalamuka. Wakababuzya kuti, Mwazwa kuli? Bakati, Twazwa kunyika ya-Kanana kuzoosunza zyakulya. 8Lino Josefa wakaziba bakulana bakwe, pele balo tabakamuzibide. 9#Matl 37:5-10Elyo Josefa wakaibalukwa ziloto zyakwe nzyaakalota aambabo, nkabela wakabaambila kuti, Pe, muli basimutambatamba, mweza kuzoobona butete bwanyika. 10Bakamuvwiila kuti, Pe, mwami, balanda bako beza kuzoosunza zyakulya. 11Toonse biyo tuli bana bamuntu omwe. Tuli bantu baluleme. Balanda bako tabali basimutambatamba pe. 12Wakati, Nee! mweza kuzoobona butete bwanyika. 13#Matl 37:30; 44:20; Malo 5:7Bakati, Pe, swebo tobalanda bako tuli babunyina bali ikumi ababili, bana bamuntu omwe munyika ya-Kanana, Muniini wasyaala kulitateesu, aumwi taciwo. 14Pele Josefa wakabaambila kuti, Ncobeni makani ali mbubonya mbundaamba, Muli basimutambatamba. 15#1 Sam 1:26; 17:55Mbuboobu mbumuyoosolekwa. Ncobeni Farao mbali muumi, tamukoyooinka kuzwa okuno, cita mwanike wanu akasike okuno. 16Amutume umwi wanu kuti akete mwanike wanu, pele nywebo mulaangwa. Mbuboobo majwi aanu mbwaayoosolekwa, kuzibwe na ngaalusinizyo, Na takuli boobo, ncobeni Farao mbacili muumi, muli basimutambatamba. 17Mpuwo wakabaanga muntolongo mazuba otatwe.

18 # Lev 25:43; Neh 5:15 Lino buzuba bwatatu nebwakaca, Josefa wakabaambila kuti, Amucite obo, mupone, nkaambo mebo ndayoowa Leza. 19Na muli bantu baluleme, umwi munyoko wanu asyaale muntolongo yanu, pele nywebo kamuya, mutolele maanda aanu zilyo zyabusunzi. 20#Matl 43:5; 44:23Lino amulete mwanike wanu kulindime, aboobo lusinizyo lwamajwi aanu luyoozibwa, kuti mutafwi. Mpawo bakacita obo. 21#Job 36:8,9; Hos 5:15; Int 107:17; Tus 5:22; 11:21; Mt 7:2Nkabela bakaamba umwi aumwi kumweenzinyina kuti, Ncobeni tulijisi mulandu mumakani aamwanike wesu, nkaambo twakabona kunyonyongana kwamoyo wakwe naakali kutukombelezya, nekubaboobo twakakaka kuswiilila: Nciceeco mapenzi aya ncaasikila kulindiswe. 22#Matl 9:5; 37:21-22; 1 Bam 2:32; 2 Mak 24:22; Int 9:12; Lk 11:50,51Lino Rubeni wakabaambila kuti, Sa teendakamwaambila kuti, Mutabisizyi mwana! Nekubaboobo mwakakaka kuswiilila. Aboobo sunu twapegwa mulandu wabulowa bwakwe. 23Teebakaziba kuti Josefa ulamvwa, nkaambo bakali kwaambilana amutoloki. 24Mpawo wakabafutatila, walila. Amane wakaboola alimwi kulimbabo, wabaambila, wagwisya Simeoni akati kabo, wamwaanga kumeso aabo. 25#Mt 5:44; Rom 12:17-21; 1 Pet 3:9Elyo Josefa wakalailila kuti inkomo zyabo zizuzigwe maila, amali aabo aboozegwe umwi aumwi munkomo yakwe, alimwi bapegwe bulilu bwakulya munzila. Lino kwakacitwa obo.

26Mpoonya awo bakabopa imbongolo zyabo amaila, bainka. 27#Matl 43:21Pele kucile, umwi wabo wakajula inkomo yakwe kuti asanine imbongolo yakwe, elyo wakabona mali aakwe, mwaali mumulomo wasaka lyakwe. 28Lino wakaambila beenzinyina kuti, Amubone! mali aangu apilusigwa, Mwaali mumulomo wasaka lyangu, Bamvwe obo, myoyo yabo yakazwa, nkabela bakalangana umwi aumwi kumweenzinyina cakukankama, bati, Ino ncinzi eci Leza ncatucitila?

29Lino nebakasika kuli-Jakobo wisaabo munyika ya-Kanana, bakamwaambila makani oonse aakabacitikila, bati, 30#Matl 42:7Ulya muntu, mwami wacisi, wakatukalamukila, watwaambila kuti, Muli basimutambatamba banyika. 31Pele twakaamwaambila kuti, Ne! Tuli bantu baluleme. Tatuli basimutambatamba pe. 32Tuli babunyina bali ikumi ababili, bana bamuntu omwe, Umwi taciwo, amuniini wasyaala kuliwiseesu munyika ya-Kanana. 33#Matl 42:15,19,20Elyo oyo muntu, mwami wacisi, wakatwaambila kuti, Mbuboobu mbunkonzya kuziba kuti muli balulami. Amusie munyoko umwi kulindime. Lino amutole zilyo zyakusunza kumaanda aanu, mwiinke. 34#Matl 34:10Pele amundiletele munyoko muniini, aboobo njooziba kuti tamuli basimutambatamba, muli bantu baluleme, Mwaakucita obo, njoomuboozezya munyoko, nkabela muyookonzya kusambala munyika.

35 # Matl 43:21 Lino nebakali kutaula masaka aabo, bakajana umwi aumwi ciputizyo camali aakwe musaka lyakwe. Mpawo nebakabona ziputizyo zyamali aabo, bakayoowa boonse awisaabo. 36#Matl 43:14Nkabela Jakobo wisaabo wakabaambila kuti, Mwandilobya! Josefa taciwo, alakwe Simeoni taciwo, lino mulayanda kutola Benjamini. Andilemena mapenzi! 37Mpawo Rubeni wakaambila wisi kuti, Ukajaye bana bangu bobile na ndabula kumuboozya kulinduwe. Umubike mumaanza aangu, Ndamuboozya. 38#Matl 37:33; 44:28-31Pele wakati, Nel Mwanaangu takooyooinka anywebo, nkaambo mupati wakwe wakafwa, lino wasyaala alike. Na wasikilwa bubi mulweendo ndomutola, muyooselusya imvwi zyangu cabuusu mukabanda.

Currently Selected:

Matalikilo 42: Ibbaib63

Highlight

Copy