Matalikilo 21

Izaka mbwaakazyalwa

1 # 1 Sam 2:21; Matl 17:19; 18:10; Gal 4:23 Lino Jehova wakaswaya Sara, mbubonya mbwaakaambide, nkabela Jehova wakacitila Sara mbubonya mbwaakaamba. 2#Heb 11:11; Inc 7:8Elyo Sara wakamima, wazyalila Abrahamu mwana mulombe mubucembele bwakwe, kuciindi ceelede Leza ncaakamwaambilide. 3#Matl 17:19Nkabela Abrahamu wakaulika oyo mwanaakwe ngwaakazyalilwa, Sara ngwaakamuzyalila, izina lya-Izaka. 4#Matl 17:12; Inc 7:8Mpawo Abrahamu wakapalula mwanaakwe Izaka naakajisi mazuba aali musanu aatatu aakuzyalwa, mbubonya mbuli Leza mbwaakamulailila. 5Abrahamu kajisi myaka iili mwanda, mwanaakwe Izaka naakazyalwa. 6#Int 126:2; Is 54:1; Lk 1:14,58Lino Sara wakati, Leza wandipa cisesyo; kufumbwa uumvwa impuwo ulaseka ambebo. 7#Matl 18:11Wakati, Nguni wakakonzya kwaambila Abrahamu kuti Sara uyoonyonsya bana? Nkaambo ndamuzyalila mwana mubucembele bwakwe.

Hagare a-Ismayeli mbubakatandsaa

8Elyo mwana wakakula. Cibe ciindi wakalesegwa, nkabela Abrahamu wakacita ipobwe ipati mubuzuba obo Izaka naakalesegwa. 9#Matl 16:1,4,15; Gal 4:29Lino Sara wakabona mwana wa-Hagare mu-Egepita ngwaakazyalila Abrahamu ulaseka. 10#Gal 4:29-30; Matl 25:6; 36:6,7Mpawo wakaambila Abrahamu kuti, Tanda oyu mwanakazi muzike amwanaakwe, nkaambo mwana wamuzike oyu takooyooba alukono antoomwe amwanaangu Izaka. 11#Matl 17:18Lino makani akabija loko mumeso aa-Abrahamu nkaambo kamwanaakwe. 12#Rom 9:7; Heb 11:18Pele Leza wakaambila Abrahamu kuti, Makani atabiji mumeso aako. Utalipenzyi nkaambo kamwanaako amwanakazi muzike wako. Zyoonse buyo Sara nzyaakwaambila, swiilila ijwi lyakwe muzintu zyoonse, nkaambo muli-Izaka moziyooambwa imbuto zyako. 13#Matl 16:10; 17:20; 25:12Alakwe mwana wamwanakazi muzike, njoocita kuti abe cisi cipati, nkaambo nimbuto yako. 14#Joh 8:35Lino nibwakaca, Abrahamu wakafuma, wabweza zinkwa ankomo yamaanzi, wapa Hagare, wazibika akuko lyakwe, amwana, aboobo wakamutanda. Nkabela naakainka, wakali kuya bweendeenda munkanda ya-Bcereseba,

15 # My 20:5; Int 63:1 Lino maanzi aamunkomo naakamaninina, wakasowa mwana kunsi lyaciteu cimwi, 16#Matl 44:34waakukala alike kulekule, mbuli intaamu yamuvwi, nkaambo wakati, Ntaboni kufwa kwamwana. Wakakala bulangene awe, woomoka, walila. 17#Kul 3:7; 2 Bam 13:4,23Mpawo Leza wakamvwa ijwi lyamulombe, nkabela angelo wa-Leza wakaita Hagare kuzwa kujulu, wamwaambila kuti, Waba anzi, Hagare? Utayoowi, nkaambo Leza wamvwa ijwi lyamulombe awo mpabede. 18#Matl 21:13; 25:12; Bab 8:24Nyampuka, bweza mulombe, umujate kujanza, nkaambo njoocita kuti abe musyobo mupati. 19#My 22:31; 2 Bam 6:17; Lk 24:16Elyo Leza wakabbanuna meso aakwe, nkabela wakabona cikala camaanzi, wainka, wazuzya inkomo maanzi, wanywisya mulombe. 20#Matl 16:12; 39:2,3Lino Leza kali amulombe, nkabela naakakomena wakakala munkanda, waba simata. 21#Matl 24:4; 20:2; 26:28; Is 8:10Kakede munkanda ya-Parani, nkabela banyina bakamujanina mukazi munyika ya-Egepita.

Abrahamu mbwaakatanga cizuminano a-Abimeleki

22 # Matl 26:26 Lino kuciindi eco Abimeleki a-Fikolo silutwe wampi yakwe bakaambila Abrahamu kuti, Leza uli ayebo muzintu zyoonse nzyocita. 23#Jos 2:12; 1 Sam 24:21Lino kondikonkela muzina lya-Leza mpoonya ano kuti tokooyoocita cakweena kulindime nikuba kubana bangu nikuba kulibasikamukowa bangu boonse. Mbubonya mbundakakufwida luzyalo, ayebo uleelede kucita mbubonya kulindime akucisi nkokala-kala. 24Abrahamu wakati, Ndakonka.

25 # Matl 26:15-22 Lino Abrahamu wakanyontokela Abimeleki nkaambo kacikala camaanzi balanda ba-Abimeleki ncobakakasizye. 26Pele Abimeleki wakati, Nsizi na ngwani wakacita obo. Tokwe nowakandaambila pe, akumvwa nsina kunvwa pe mane sunu. 27#Matl 26:28-31Mpawo Abrahamu wakabweza imbelele aŋombe, wapa Abimeleki, nkabela boonse bobile bakatangana cizuminano. 28Alimwi Abrahamu wakabweza intumbe zyambelele zili musanu azibili, wazibika zilike. 29#Matl 33:8Lino Abimeleki wakabuzya kuli-Abrahamu kuti, Ino nkokutyeni ezi intumbe zili musanu azibili nzowabika zilike? 30#Matl 31:48Wakavuwa kuti, Ezi intumbe zili musanu azibili, uleelede kuzitambula kumaanza aangu, zibe citondezyo cakuti ndime ndasya cikala eci. 31#Matl 26:33Nkaambo kako kuntu oko kwakaulikwa izina lya-Beereseba, nkaambo nkonkuko boonse bobile nkubakakonkela. 32#Jos 13:2Bakatangana cizuminano oko ku-Beereseba, elyo Abimeleki a-Fikolo silutwe wampi yakwe bakanyamuka, bapiluka kunyika yaba-Filisti. 33#Dt 33:27; Int 9:7; Is 9:6; Rom 16:26; Heb 13:8; 1 Tim 1:17; Ciy 10:6Lino Abrahamu wakazikila musika nkukonya oko ku-Beereseba, wakomba izina lya-Jehova Leza Uuteeli. 34Nkabela Abrahamu kakede munyika yaba-Filisti mazuba manji.

Currently Selected:

Matalikilo 21: Ibbaib63

Highlight

Copy