Ezekieli 35
35
Ngaakasinsima aaba-Edomu baku-Seiri
1 #
Is 34:5-17; 63:1-6; Jer 49:7-22; Ezk 25:12-14; Am 1:11-12; Ob 1-14; Mal 1:2-5 Lino ijwi lya-Jehova lyakandisikila, liti, 2#Am 1:11; Ob 1:10O mwana amuntu, langa cilundu ca-Seiri cankayikayi, ukasinsime aancico. 3Kocaambila kuti, Mbuboobu mbwaamba Mwami Jehova. Ncobeni ndi sinkondonyoko, O cilundu ca-Seiri, Njootandabika ijanza lyangu alinduwe akukulobya kuti ube matongo buyo. 4Njoosaala minzi yako mane yaba matongo, lino uyooziba kuti ndime Jehova. 5#Int 137:7Tokwe nowakaleka bukali bwako abuniini, pe, wakaaba bana ba-Israyeli munguzu zyapanga kuciindi camafwabi aabo, nkukuti kuciindi nibakapegwa mulandu wakumaninizya. 6#Int 109:17Nkaambo kako, mbuli mbundi muumi, mbwaamba Mwami Jehova, ncobeni njookubambila bulowa, abulowa buyookutobela, Ulijisi mulandu wabulowa, aboobo bulowa buyookutobela. 7Njoosaala cilundu ca-Seiri cibe matongo buyo. Njoomaninizya kulincico boonse beendeenda. 8Njoozuzya zilundu zyakwe bantu bajayidwe. Atala amalundu aako amumakuti aako amumagombela aako, koonse buyo kuyoowa bajayidwe apanga. 9#Jer 49:17; Mal 1:3,4Njoocita kuti ube ibbubu litamani, aminzi yako tiikooyookalwa limbi. Lino muyooziba kuti ndime Jehova.
10 #
Int 83:4
Wakaamba kuti, Ezi zisi zyobile anyika ezi zyobile, zyoonse ziyooba zyangu, kuti nkazivube, nekubaboobo Jehova wakaciliwo. 11#Mt 7:2; Is 26:9Nkaambo kako mbubonya mbundi muumi, mbwaamba Mwami Jehova, ncobeni njookucitila mbubonya mbukweelede bukali bwako abbivwe lyako izyakaboneka munsulo zyako nzowakabasuzya. Lino njoozibwa akati kabo nenoozookubetekede. 12#Int 9:16Lino uyooziba kuti mebo nde-Jehova ndimvwide insampaulo zyako zyoonse nzowasampauzya zilundu zya-Israyeli. Wakaamba kuti, Balisaalidwe, bapegwa mumaanza esu kuti tubasyukutye. 13Mwakalisumpwida ndime amajwi aamilomo yanu. Mwakavuzya majwi aanu aakundisampaula. Ndimvwide. 14#Is 14:7,8Mbuboobu mbwaamba Mwami Jehova. Nyika yoonse buyo niizoosekelela, njoocita kuti webo usaalwe. 15#Tus 17:5; Ob 1:12Mbubonya mbowakasekelela lukono lwaluzubo lwa-Israyeli nilwakasaalwa, njookucitila mbubonya. Uyooba matongo webo, O cilundu ca-Seiri, acisi ca-Edomu coonse buyo. Lino bayooziba kuti ndime Jehova.
Currently Selected:
Ezekieli 35: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
