Kulonga 9

Ba-Egepita mbubakafwidwa jyombe zyabo

1 # Kul 8:1; Jer 22:1 Lino Jehova wakaambila Musa kuti, Koya kuli-Farao, ukamwaambile kuti, Mbuboobu mbwaamba Jehova Leza waba-Hebrayo. Leka bantu bangu, baye, bandikombe. 2#Kul 8:2; Rom 2:5Na wakaka kubaleka, waakucibajisi, 3#Kul 7:4; 1 Sam 6:3,5; Job 27:11; Int 39:10; Lk 11:20; Inc 13:11ncobeni ijanza lya-Jehova lilaba aŋombe zyako zili musokwe, ambizi ambongolo ankamele abasune ambelele, nkabela kuyooba bulwazi buyoosya loko. 4#Kul 8:22Pele Jehova ulaanzaanya iŋombe zyaba-Israyeli aŋombe zyaba-Egepita. Takukoofwa cintu neciba comwe akati kambono zyabana ba-Israyeli. 5Alimwi Jehova wakabika ciindi, wati, Junza Jehova ulacita cintu eci munyika. 6#Int 78:50Lino nebwakaca Jehova wakacita obo, nkabela iŋombe zyoonse zyabaEgepita zyakafwa, pele akati kaŋombe zyabana ba-Israyeli taakwe niiba yomwe iyakafwa. 7#Kul 8:32Lino Farao wakatuma, wajana kuti taakwe niiba yomwe akati kaŋombe zyaba-Israyeli iyakafwa. Elyo moyo wa-Farao wakayumisigwa, taakwe naakaleka bantu kuti baye.

Ba-Egepita mbubakapenzegwa zilonda

8Lino Jehova wakaambila ba-Musa a-Aroni kuti, Amubweze inkankamaanza zyatwe lyaciko, kuti Musa akalyuululule kujulu kumeso aa-Farao. 9#Ciy 16:2Elyo lilaba lusuko munyika yoonse ya-Egepita, akuba zilonda zitulaula mibili yabantu ayabanyama mucisi coonse ca-Egepita. 10#Ciy 16:2Elyo bakabweza itwe lyaciko, baakwiima kubusyu bwa-Farao, nkabela Musa wakalyuululula kujulu, mane lyakaba zilonda zitulaula mibili yabantu ayabanyama boonse. 11#2 Tim 3:9Abalo basimabibo bakakacilwa kwiima kubusyu bwa-Musa nkaambo kazilonda, nkaambo zilonda zyakalibajisi basimabibo aba-Egepita boonse. 12#Kul 4:21; 7:14; 8:32; 10:1,20; 14:8; Dt 2:30; Jos 11:20; Is 63:17; Joh 12:40; Rom 9:18; Jak 1:13-16; Kul 4:21Nekubaboobo Jehova wakayumya moyo wa-Farao, nkabela wakakaka kubaswiilila, mbubonya mbuli Jehova mbwaakaambila Musa.

Ba-Egepita mbubakawidwa civulamabwe ciyoosya

13 # Kul 8:20 Lino Jehova wakaambila Musa kuti, Fuma cifumo ukaime kubusyu bwa-Farao, ukamwaambile kuti, Mbuboobu mbwaamba Jehova Leza waba-Hebrayo. Leka bantu bangu, baye, bandikombe. 14#Dt 3:24; 33:26; 2 Sam 7:22; 1 Mak 17:20; Int 71:19; 86:8; Is 45:5-25; Jer 10:6,7Nkaambo ciindi ecino ndaamba kukutumina mapenzi aangu oonse, yebo abalanda bako abantu bako, kuti muzibe kuti taakwe uukozyene ambebo munyika yoonse. 15#Kul 3:20Nkaambo nendakayanda nendakakonzya kutandabika ijanza lyangu akukuumya bulwazi, yebo abantu bako, elyo nowakanyonyooka. 16#Rom 9:17; Tus 16:4; 1 Pet 2:9Nekubaboobo nciconya eci ncindakakubusizya, kuti nkakutondezye inguzu zyangu, kukuzibya izina lyangu munyika yoonse. 17Ucilisumpwida bantu bangu kukutabaleka kuti baye. 18Bona! Junza mbuli eno njoowisya civulamabwe cipati loko, Eco tacina bwenwe mucisi ca-Egepita kuzwa kumatalikilo aaco kusikila sunu. 19Lino tuma, ukalete iŋombe zyako azyoonse nzojisi musokwe. Bantu boonse abanyama boonse bajanwa musokwe, na teebaletwa kumaanda, bayoowidwa civulamabwe, aboobo bayoofwa. 20Lino kufumbwa muntu akati kabalanda ba-Farao iwakayoowa ijwi lya-Jehova wakayobolola balanda bakwe aŋombe zyakwe kumaanda. 21Pele kufumbwa iwatakabika moyo wakwe kujwi lya-Jehova wakasia balanda bakwe aŋombe zyakwe musokwe.

22 # Ciy 16:21 Lino Jehova wakaambila Musa kuti, Tandabika ijanza lyako kujulu, kuti kube civulamabwe munyika yoonse ya-Egepita, ciwide bantu aŋombe amisamu yoonse yamusokwe munyika yoonse ya-Egepita. 23#Jos 10:11; Int 18:13; 78:47; Is 30:30; Ezk 38:22; Ciy 8:7Mpawo Musa wakatandabika musako wakwe kujulu, nkabela Jehova wakapa mizumo acivulamabwe, awalo mulilo wakakalaba ansi. Jehova wakawisya civulamabwe anyika ya-Egepita. 24#Ciy 8:7; 16:21Kwakaboneka civulamabwe, amulilo uuvwelene acivulamabwe, civulamabwe cipati loko, Kacitanabwenwe cili boobu mucisi coonse ca-Egepita kuzwa kuciindi eco nicakaba cisi. 25#Int 105:33Elyo civulamabwe cakanyonyoona zintu zyoonse zyamunyika ya-Egepita, zyoonse izyakali musokwe, bantu abanyama boonse, amisamu yoonse yamusokwe, zyoonse buyo civulamabwe cakazinyonyoona, amasamu oonse aamusokwe cakaavwinyauna. 26#Kul 9:4,6; 11:7; Is 32:18,19Mucisi ca-Goseni luzutu, bana ba-Israyeli mobakakede, kamutakwe civulamabwe.

27 # Kul 10:16; 2 Mak 12:6; Int 129:4; Dan 9:14 Mpawo Farao wakatuma, waita ba-Musa a-Aroni, wabaambila kuti, Ciindi ecino ndabisya. Jehova uliluleme, anukuti mebo abantu bangu twabisya. 28#Kul 8:8,28; 10:17; Inc 8:24Amukumbile kuli-Jehova, nkaambo mizumo yavulisya, acivulamabwe. Ndamuleka, kuti mwiinke. Tamukooyookala limbi pe. 29#1 Bam 8:22,38; Int 143:6; Is 1:15; Int 24:1; 1 Kor 10:26Elyo Musa wakamwaambila kuti, Ndazwa buyo mumunzi, ndatandabika maanza aangu cakukomba Jehova, elyo mizumo ilaleka, acalo civulamabwe cilamana, kuti uzibe kuti nyika yoonse njiya-Jehova. 30#Is 26:10Nekubaboobo yebo abalanda bako, ndizi kuti tamuyoowi Jehova Leza. 31#Rut 1:22; 2:23(Butonge bwakanyonyooka, alyalo bbaale, nkaambo bbaale lyakalijisi makunka, abwalo butonge kabujisi maluba. 32Pele bulotwe teebwakanyonyooka, naaba maila, nkaambo kazitana kumena.) 33#Kul 8:12Elyo Musa wakazwa kuli-Farao, wazwa mumunzi, watandabika maanza aakwe cakukomba Jehova, nkabela mizumo acivulamabwe zyoonse zyakaleka, ayalo imvula yakaleka kuwa ansi. 34Pele Farao naakabona kuti imvula yaleka acivulamabwe amizumo, wakapilukila kububi alimwi akuyumya moyo wakwe, walo abalanda bakwe. 35Moyo wa-Farao wakayuma. Takwakaleka bana ba-Israyeli kuti baye, mbubonya mbuli Jehova mbwaakaamba kumulomo wa-Musa.

Currently Selected:

Kulonga 9: Ibbaib63

Highlight

Copy