Kulonga 35
35
Bamu mbubakaleta zipo zyakuyasya cikombelo
1 #
Kul 34:32
Lino Musa wakayobolola imbungano yoonse yabana ba-Israyeli, wabaambila kuti, Ngaaya makani Jehova ngaakalailila kuti mucite, 2#Kul 20:8-11; 23:12; 31:15; 34:21; Lev 23:3; Dt 15:12-14; My 15:32; Dt 5:12; Lk 13:14Mazuba aali musanu abumwi mubeleke milimo, pele buzuba bwamusanu aabili mbobuzuba busalalisya bwa-Sa bata, buzuba bwakulyokezya bwaJehova. Kufumbwa muntu uucita milimo mulimbubo ajayigwe. 3#Kul 16:23Mutadukuli mililo mumaanda aanu oonse mubuzuba bwa-Sabata.
4 #
Kul 25:1,2 Alimwi Musa wakaambila imbungano yoonse yaba-Israyeli kuti, Ngaaya makani Jehova ngaakalailila. 5#Kul 25:2; 2 Kor 9:7Amubwezele Jehova cipaizyo akati kanu, Kufumbwa muntu uuli amoyo uuzumina aletele Jehova cipaizyo: ingolida ansiliva amukuba, 6masani aanyanzabili amasani aakamwemvwe amasani aasalala pyu, amasani aatuba aalukidwe kabotu, aboya bwampongo, 7azikanda zyabagutu zisalazidwe, amatobo, azisamu zyamuunga, 8mafuta aamalampi, misamu yamafuta aakunana ayatununkilizyo, 9amabwe aaonukusi amabwe aakusyomaika mu-efodi amusani lyakaango.
10 #
Kul 31:6; 1 Bam 7:14; Is 28:26 Alimwi kufumbwa muntu uuli amaanu akati kanu aboole kuzoobeleka milimo yoonse Jehova njaakalailila; 11#Kul 25:9; 26:1,2; 39:32-43; 40:2; Inc 7:44,45; Heb 8:2,5; 9:2-11; Ciy 21:3cikombelo atente lyaco acivumbilizyo caco, zijatilizyo zyaco aminsende yaco, minkulu yaco amisumpululu yaco azikazikilo zyaco, 12#Kul 25:10ibbokesi lyacizuminano amiziyo yalyo, acuuno caluzyalo acisitilizyo cakuvumba, 13#Kul 25:23,30; Lev 24:5,6intafule amiziyo yalyo azibelesyo zyalyo zyoonse, azinkwa zyamabonwabonwa, 14#Kul 25:31acikazikilo camalampi azibelesyo zyaco amalampi aaco, amafuta aakumunisya, 15#Kul 30:1; 37:25; 40:5; 30:23,34; 1 Sam 2:28; 1 Mak 23:13; 2 Mak 29:11; Lk 1:9acipaililo catununkilizyo amiziyo yaco, amafuta aakunana atununkilizyo tubotu, acisitilizyo camulyango kumulyango watente; 16#Kul 27:1cipaililo cazituuzyo zyakutenta, akansabwe kaco kamukuba, miziyo yaco azibelesyo zyaco zyoonse, cisambilo atako lyaco; 17#Kul 27:9zisitilizyo zyalubuwa amisumpululu yalo azikazikilo zyalo, acisitilizyo cakumulyango walubuwa; 18manembe aacikombelo amanembe aalubuwa antambo zyaco; 19#Kul 31:10; 39:1,41; My 4:5,6zikobela zyamanyengwe zyakucitya milimo yabupaizi mubusena busalala, zikobela zisalala zya-Aroni mupaizi azikobela zyabana bakwe zyakupaizya.
20Mpawo imbungano yoonse yabana ba-Israyeli yakamwaika kuzwa kuliMusa. 21#Kul 25:2; 36:2; 1 Mak 28:2,9; 29:9; Ezr 7:27; 2 Kor 8:12; 9:7Nkabela muntu umwi aumwi, na moyo wakwe wakamubusya, alimwi miyeeyo yakwe yakamuzuminizya, wakeza kuletela Jehova cipaizyo cakubelesya milimo yatente lyambunganino amilimo yalyo yoonse azikobela zisalala. 22Kwakeza baalumi abanakazi, boonse ibakayandisya mumyoyo yabo, akuleta zisita atucoco anwenwe amakwaza azintu zyoonse zyangolida. Boonse bakatuula ingolida kuli-Jehova. 23#1 Mak 29:8Alimwi kufumbwa muntu iwakajisi masani aanyanzabili, na masani aakamwemvwe, na masani aasalalapyu, na masani aatuba aalukidwe kabotu, na boya bwampongo, na zikanda zyabagutu zisalazidwe na zitobo, bakazileta. 24Alimwi kufumbwa muntu iwakakonzya kutuula cituuzyo cansiliva na camukuba wakaleta cituuzyo cakwe kuli-Jehova, Ayooyo iwakajisi zisamu zyamuunga zyakucitya milimo imwi aimwi wakazileta. 25#Kul 28:3; 31:6; 36:1; 2 Bam 23:7; Tus 31:19-24Abanakazi boonse ibakacenjede mumyoyo bakali kuluka, elyo ziluko zyabo bakazileta, masani aanyanzabili amasani aakamwemvwe amasani aasalala pyu amasani aatuba aalukidwe kabotu. 26Abanakazi boonse ibakayandisya ibakezi kuluka bakali kuluka boya bwampongo. 27#1 Mak 29:6; Ezr 2:68Abalo basilutwe bakaleta mabwe aaonukusi amabwe aakusyomaika muefodi amusani lyakaango, 28#Kul 30:23amisamu yatununkilizyo, amafuta aamalampi, amafuta aakunana, atununkilizyo tubotu. 29#1 Mak 29:9Boonse baalumi abanakazi, bana ba-Israyeli ibakayandisya mumyoyo yabo kuleta cintu cakugwasya milimo yoonse Jehova njaakalailila kucitwa kujanza lya-Musa, bakazileta camoyo woonse kuli-Jehova.
30 #
Kul 31:2
Lino Musa wakaambila bana ba-Israyeli kuti, Amubone! Jehova waita kuzina lyakwe Bezaleli mwana wa-Uri muzukulu wa-Huri, muntu wamusyobo wa-Juda. 31#Matl 41:38; Job 32:8; Tus 2:6Wamuzuzya muuya wa-Leza, busongo amaanu aluzibo lwamilimo yoonse, 32acite zintu zyeebeka zyangolida azyansiliva azyamukuba, 33agonkaule mabwe aakusyomaika, akubeza zisamu, akucita milimo yoonse yamisyobo misyobo. 34#Kul 31:6Alimwi wamupa moyo wakwiisya bamwi, walo a-Aholiabu mwana wa-Ahisamaki muntu wamusyobo wa-Dani. 35#Kul 31:3,6; 36:1,2; 1 Bam 7:14; 2 Mak 2:14; Is 28:26; Jak 1:5Wabazuzya busongo bwakucita milimo yoonse, milimo yabubezi, na milimo yakunyembanyemba, na milimo yakutunga masani aanyanzabili amasani aakamwemvwe amasani aasalala pyu amasani aatuba aalukidwe kabotu, na milimo yakuluka. Balibwene kucita milimo yoonse akupanga zintu zyoonse.
Currently Selected:
Kulonga 35: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.