Esita 3
3
Hamani ulasumpuzigwa
1 #
My 24:7; 1 Sam 15:8 Kwakali kusule kwazeezi kuti mwami Ahasuera wakasumpula Hamani mwana a-Hamedata mu-Agagi, wakamubika wamukazika kunembo ajulu lyabasimutwenyina boonse. 2#Es 2:19; Matl 41:42; Dt 25:19; Flp 2:10; Kul 1:17; Int 15:4Lino boonse bazike bamwami bakakede mukati ka-Mulyango wamwami bakamukotamina akumuvundamina Hamani, nkaambo mboboobu mwami mbwaakalailila anguwe, Pele Moodekai wakakaka kumukotamina akumuvundamina. 3Aboobo bazike mukati ka-Mulyango wamwami bakati kuli-Moodekai, Uzangilanzi kucilaililo camwami? 4Buzuba abuzuba bakaamba obo kulinguwe pele takwakabaswiilila, Elyo bakamwaambila Hamani kuti babone na uyoozumizya kucita kwa-Moodekai na pe; mbokuli Moodekai wakabaambilide kuti wakali mu-Juda. 5#Es 5:9; 1:12; Job 5:2; Tus 12:16; Dan 3:19Pele Hamani nekuba kuti wakakalala na wabona kuti Moodekai takwakamukotamina na kumuvundamina, 6#Int 83:4wakacitabuluzya kumujaya walo alike. Bakamwaambila mukowa wakwe, elyo wakalibambila kufwidilizya boonse ba-Juda bakali mubulelo boonse bwa-Ahasuera, mukowa woonse wa-Moodekai.
Cilaililo cakaamba lufu lwaba-Juda
7 #
Es 9:24; Mt 27:35; Inc 1:26 Mumwezi wakutaanguna, mwezi uutegwa Nisani, mumwaka wakumi mwiibili wamwami Ahasuera, bakawaala nkakata iitegwa “puri” buzuba abuzuba amwezi amwezi kusikila yakawa mubuzuba bwakumi mwaatatu bwamumwezi wakumi mwiibili, mwezi uutegwa Ada. 8#Ezr 4:13; Inc 16:20Elyo Hamani wakati kumwami Ahasuera, Nkuuli mukowa uumwayikidwe akwaandaanisigwa akati kamikowa yamuzisi zyoonse zyabulelo bwako; milao yabo ilyaandeene ayeeyo yamikowa yoonse imwi; tabateeleli milao yamwami; aboobo takweelede kuti mwami alikataazye ambabo. 9Kuti kazumina mwami, cilaililo kacilembwa caamba kufwidilizigwa kwabo, elyo ime ndilapa mpondo zyansiliva zili zyuulu zyone zyazyuulu kulibasimali bamwami bazibike muciyobwedo camali cabwami. 10#Matl 41:42; Es 8:2,8Elyo mwami wagwisya nsale kumunwe wakwe akumupa Hamani mwana a-Hamedata, sikulwanya ba-Juda, 11Wakati mwami kuliHamani, Mali aako nsiayandi; kocita mboyanda kumukowa oyo, bali mujanza lyako.
12 #
Es 8:8-10; 1:22; 1 Bam 21:8; Dan 6:8 Elyo, mubuzuba bwakumi mwaatatu wamwezi mutaanzi, balembi bamwami bakaitwa, lugwalo lwakabambwa mbuli mbwaakalailila Hamani, lwakubeendelezi bamwami, kubami bazisi, akulibasimutwe bamikowa yoonse kalulembedwe cisi coonse mubulembo bwaco amukowa woonse mululimi lwawo; lwakalembwa muzina lyamwami Ahasuera akusimbwa alusimbo lwamwami. 13#Es 8:10-12; Rom 3:15; Is 10:6Zilaililo zyakatumwa abasimposo kuzisi zyoonse, kuti banyonyoonwe, akujayigwa, akufwidilizigwa ba-Juda boonse, basankwa abanene, bana abakaintu, mubuzuba bomwe buyo, buzuba bwakumi mwatatu bwamwezi wakumi aibili, mwezi uutegwa Ada, lukono lwabo kalusaalwa. 14#Es 8:13,14Majwi aamucilaililo aeelede kuya kuzisi zyoonse, akutuminwa maleya mumikowa yoonse: bantu bakeelede kulibambila kubuzuba obo. 15#Matl 37:24,25; Int 14:4; Tus 30:20-22; Hos 7:3; Am 6:6; Mt 14:6; Es 8:15; Tus 29:2Basimposo bakazwa kufwambaana, mbuli mbwaakaamba mwami, acalo cilaililo cakaambwa mubuleya mu-Susa munzi wamwami; elyo mwami a-Hamani bakakala kukulya, pele munzi wa-Susa wakaintizigwa.
Currently Selected:
Esita 3: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
