2 Samuele 9
9
Davida mbwaakafwida insoni Mefibosete mwana wa-Jonatani
1 #
1 Sam 20:15-17; 18:3; Tus 27:10 Lino Davida wakabuzya kuti, Sa kuciceede muntu naba omwe waluzubo lwa-Saulo ngunkonzya kufwida insoni nkaambo ka-Jonatani? 2#2 Sam 16:1; 19:17Nkabela kakuli umwi mulanda waluzubo lwa-Saulo, izina lyakwe kali Ziba, elyo oyu muntu bakamwiita kuli-Davida. Mpawo mwami wakamwaambila kuti, Sa nduwe Ziba? Wakati, Ndime, mwami. 3#2 Sam 4:4; Dt 10:15; 1 Sam 20:14; Mt 5:44,45; Lk 6:36; Tit 3:3,4Elyo mwami wakaamba kuti, Sa takuciceede muntu naba omwe waluzubo lwa-Saulo ngunkonzya kucitila buuya bwa-Leza? Nkabela Ziba wakaambila mwami kuti, Kwasyaala umwi mwana wa-Jonatani uulemene maulu. 4#2 Sam 17:27Mpawo mwami wakabuzya kuti, Uli kuli? Lino Ziba wakavwiila mwami kuti, Nkwali kuŋanda ya-Makiri mwana wa-Amiyeli mumunzi wa-Lodebara. 5Ndilyonya mwami Davida wakatuma kuyoomuleta kuzwa kuŋanda ya-Makiri mwana wa-Amiyeli mumunzi wa-Lodebara. 6Aboobo Mefibosete mwana wa-Jonatani mwana wa-Saulo wakasika kuli-Davida, nkabela wakavundama ansi akukambilila.
Lino Davida wakati, Mefibosete. Wakavuwa kuti, Ndime ndemulanda wako. 7#Matl 43:18,23; 50:21; 1 Sam 12:19-24; Jer 52:33Nkabela Davida wakamwaambila kuti, Utayoowi pe, nkaambo njanda kukucitila cabuuya nkaambo ka-Jonatani uso. Njookuboozezya myuunda yoonse ya-Saulo uso, alimwi uyoolya insima kulindime mazuba oonse. 8#1 Sam 24:14; 2 Sam 16:9Mpawo wakakotama, wakati, Akaka! Ndi buti mebo ndemulanela wako? Sa ulakonzya kulanga mubwa uufwide mbuli ndime? 9#2 Sam 16:4; 19:29; Is 32:8Elyo mwami wakaita Ziba mulanda wa-Saulo, wakamwaambila kuti, Zintu zyoonse Saulo nzyaakajisi, azintu zyoonse izyakali zyabasiluzubo bakwe, ndazipa oyu mwana wasimalelaako. 10#2 Sam 19:17Lino uleelede kulima nyika, webo abana bako abalanda bako, akutebula micelo, kuti mwami wako abe acilyo cakulya, Pele Mefibosete mwana wamwami wako uyoolya insima lyoonse kulindime.
Nkabela Ziba kajisi bana bali ikumi amusanu abalanda bali makumi obile. 11#2 Sam 16:1-4; 19:24-30; Tus 12:17Mpawo Ziba wakaambila mwami kuti, Mebo ndemulanda wako nzoocita zintu zyoonse buyo nzyandilailila mwami simalelaangu Pele Mefibosete wakali kulya kutafule lya-Davida mbuli umwi wabana bamwami. 12#1 Mak 8:34Nkabela Mefibosete kali amwana muniini, izina lyakwe kali Mika. Nkabela boonse basiŋanda ba-Ziba bakaba balanda ba-Mefibosete. 13#2 Sam 19:33,36; 2 Bam 25:29; Jer 52:33,34Aboobo Mefibosete wakakede mu-Jerusalemu, nkaambo wakali kulya insima lyoonse kutafule lyamwami, Kali cilema maulu oonse obile.
Currently Selected:
2 Samuele 9: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
