2 Samuele 8
8
Davida mbwaakazunda zisi zimwi zyeengelede
1 #
2 Sam 7:9; 21:15-22; 1 Mak 18:1 Lino nicakaba ciindi, Davida, wakasaala ba-Filisti akubazunda, elyo wakanyanzya bwami bwamunzi mupati kumaanza aaba-Filisti. 2#My 24:17; 1 Sam 14:47; Int 60:8; 72:10Alimwi wakasaala ba-Moabu, nkabela wakabeeleka antambo, wakabalazika ansi, Wakeeleka milongo yobile kuti ijayigwe amulongo omwe kuti kaupona. Aboobo ba-Moabu bakaba bazike ba-Davida akuleta mutelo. 3#2 Sam 10:6; Matl 15:18Alimwi Davida wakazunda Hadadezeri mwana wa-Rehobu, mwami wa-Zoba, naakali kuya kuyooboozya nyika yakwe yakulwizi. 4Nkabela Davida wakajata kulinguwe basimbizi bali cuulu amyaanda iili musanu aibili, abasikweenda amaulu bali zyuulu zili makumi obile, elyo Davida wakatyola mazwi aambizi, pele wakaleka imbizi zyanola zili mwaanda. 5Mpawo ba-Aramu baku-Damasko bakeza kuzoogwasya Hadadezeri mwami wa-Zoba, pele Davida wakajaya akati kaba-Aramu bantu bali zyuulu zili makumi obile azibili. 6Nkabela Davida wakabika basilumamba mucisi ca-Aramu cakuDamasko, aboobo ba-Aramu bakaba bazike ba-Davida akumuliya mutelo. Nkabela Jehova wakazundya Davida koonse nkwaakaya. 7Lino Davida wakabweza intobo zyangolida nzibakajisi balanda ba-Hadadezeri, wakazileta ku-Jerusalemu. 8Akwalo ku-Beta aku-Berotai, minzi ya-Hadadezeri, Davida wakabweza mukuba munji loko.
9Lino Toi mwami wa-Hamati, naakamvwa Davida mbwaakakoma impi yoonse ya-Hadadezeri, 10wakatuma mwanaakwe Joramu kumwami Davida, kuti akamujuzye akumusangalazya nkaambo kamakani aya aakulwana a-Hadadezeri akumuzunda, nkaambo kakuti Toi kajisi inkondo zinji nzyaakalwana a-Hadadezeri. Nkabela Joramu wakaletelezya zintu zyangolida azyansiliva azyamukuba, 11#1 Bam 7:51; 1 Mak 18:11; 22:14-16; Mik 4:13; Ciy 21:24elyo zintu ezi azyalo mwami Davida wakazisalazizya Jehova, antoomwe angolida ansiliva nzyaakasalazya kuzisi zyoonse nzyaakakoma, 12ku-Aramu, aku-Moabu, akubana ba-Amoni, akubaFilisti akuba-Amaleki, azisaalo nzibakasaala kuli-Hadadezeri mwana, waRehobu mwami wa-Zoba. 13#Int 60:1; 2 Bam 14:7Nkabela Davida wakalijanina impuwo naakaboola kuzwa kukukoma ba-Aramu mumumpata wa-Munyo naakajaya bantu bali zyuulu zili ikumi amusanu azitatu. 14#Matl 27:29; My 24:18; Int 37:28; 121:8; 145:20Alimwi wakabika impi mucisi ca-Edomu. Mucisi coonse buyo ca-Edomu wakabika impi, aboobo baEdomu boonse bakaba bazike ba-Davida. Nkabela Jehova wakazundya Davida koonse koonse nkwaakaya.
Basinkuta ba-Davida
15Mbuboobo Davida mbwaakaba abwami bwaba-Israyeli boonse, nkabela Davida wakali kubeteka bantu bakwe boonse cakululama. 16#2 Sam 19:13; 1 Bam 4:3Nkabela Joabu mwana wa-Zeruya kali musololi wampi, a-Josafati mwana wa-Ahiludi nguwakali kulemba makani, 17#1 Mak 24:3a-Zadoki mwana wa-Ahitubi a-Ahimeleki mwana wa-Abiyatara kabali bapaizi, a-Seraya kali mulembi, 18#1 Mak 18:17; 1 Sam 30:14a-Benaya mwana wa-Jehoyada kali silutwe waba-Kereti aba-Peleti, abana ba-Davida kabali bapaizi.
Currently Selected:
2 Samuele 8: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
