2 Samuele 4
4
Isiboseti mbwaakajayigwa
1Lino Isiboseti mwana wa-Saulo naakamvwa kuti Abineri wafwa muHebroni, maanza aakwe akali kukompama, abalo ba-Israyeli boonse bakazingwa. 2#Jos 9:17; 18:25Nkabela Isiboseti mwana wa-Saulo wakali abantu bobile basilutwe, izina lya umwi kali Baana, amweenzinyina kali Rekabu. Bakali bana ba-Rimoni waku-Bceroti, bana ba-Benjamini, (nkaambo Beeroti ulaambwa mbuli munzi wamucisi ca-Benjamini. 3#Neh 11:33Nkabela bana ba-Beeroti bakalongela ku-Gitaimu, nkukonya oko nkubacibede asunu mbuli bazwakule).
4 #
2 Sam 9:3; 1 Sam 29:1; 1 Mak 8:34 Lino Jonatani mwana wa-Saulo wakali amwana uulemene maulu. Oyu mwana kajisi myaaka yosanwe yakuzyalwa naakasika makani aalufu lwa-Saulo a-Jonatani ku-Jezreeli. Elyo muleli wakwe wakamubweza, wakacija, nkabela mbwaakabindeene kucija, mwana wakawida ansi, aboobo wakalemana. Izina lyakwe kali Mefiboseti. 5Lino bana ba-Rimoni waku-Beroti, Rekabu a-Baana, bakaya izuba nilyakali amutwe, bakasika kuŋanda yaIsibosete ciindi ncaakalede abulo naakali mukulyokezya kulyokezya kwasikati. 6#Bab 5:25; Int 147:14; 2 Sam 2:23; 3:27Lino mulindizi waŋanda wakali kubeeta bulotwe, elyo wakalala, wakoona, nkabela mpawo Rekabu a-Baana munyina bakanjila cakuumuna. 7#1 Sam 17:54; 31:9; Mt 14:11Elyo nibakanjila muŋanda, wakalilede abulo muŋanda yakoona, nkabela bakamuyasa, bakamujaya akumukosola mutwe. Mpawo bakabweza mutwe wakwe, bakeenda munzila ya-Araba masiku oonse, 8#1 Sam 19:2; 23:15; 25:29bakaleta mutwe waIsibosete kuli-Davida ku-Hebroni. Lino bakaambila mwami kuti, Langa! Ngooyu mutwe wa-Isibosete mwana wa-Saulo sinkondonyoko, nguwenya iwakali kuyandaula buumi bwako. Jehova sunu wabeteka mwami simalelo wesu makani aakwe kuli-Saulo akubana bakwe. 9#Matl 48:16; 1 Bam 1:29; Int 31:7; 103:4; 106:10Mpawo Davida wakavwiila Rekabu a-Baana munyina, bana ba-Rimoni waku-Beeroti, wakati, Mbubonya mbwali muumi Jehova, ngonguwe iwakavuna buumi bwangu kumapenzi oonse, 10#2 Sam 1:1-16ciindi eco ncindakaambilwa kuti, Saulo wafwa, elyo oyo iwakandilwiida wakali kuyeeya kuti wandetela makani mabotu, pele mebo ndakamujata, ndakamujaya nkukonya oko ku-Zikilaga. Mbuboobo mbundakamulumbwida makani aakwe. 11#Matl 9:5,6Sa taciindi kubija cintu eci cakuti bantu basizibi balijayide muntu uululeme kuŋanda yakwe abulo bwakwe mwini? Sa nsyeelede kumupa mulandu wabulowa bwakwe akumugwisya anyika? 12#2 Sam 3:32Mpawo Davida wakalailila balombe bakwe kuti babajaye, nkabela bakabakosola maanza azituta, bakabaanzika kumbali aziba lyamuHebroni. Elyo mutwe wa-Isibosete bakauzika kumavwiko aa-Abineri mu-Hebroni.
Currently Selected:
2 Samuele 4: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
