2 Ba-Korinto 6
6
Paulo ulaamba aazitondezyo zyabuapostolo bwakwe
1 #
2 Kor 1:24; 5:20 Lino mbuli mbutuli basimulimonyina Leza, tulamukumbila, kuti luzyalo lwa-Leza ndumutambwide lutabi lwabuyo. 2#Is 49:8; Lk 4:19,21Nkaambo wati,
Kuciindi ceelede ndakakuswiilila,
Akubuzuba bwalufutuko ndakakugwasya.
Lino amubone, ciindi ceelede nkukuti sunu, abwalo buzuba bwalufutuko nkukuti sunu. 3Swebo tatubiki imfumpu niiba yomwe munzila yamuntu, kuti milimo yesu itasampauki, 4#2 Kor 4:2pele muzintu zyoonse tulatondezya kuti tuli basimilimo benibeni ba-Leza, mulukakatilo lupati, mumapenzi, mumakatazyo, mumapatizi, 5#Inc 16:23; 2 Kor 11:23-27muzyuumwa, mumaange, mumapyopyongano, mumapakasyo, mukufubwa lonzi, mumazala, 6#1 Tim 4:12mubusalazi, muluzibo, mukukazika moyo, mubuuya, mu-Muuya Uusalala, muluyandisyo lwinilwini, 7#1 Kor 2:4mumajwi aalusinizyo, munguzu zya-Leza. Tulabelesya zintu zyakulwisya zyabululami kumaanza oonse obile niliba lyalulyo niliba lyalumwensi, 8nikuba kuciindi cakulemekwa nikuba kuciindi cakuubaansigwa, nikuba kuciindi campuwo imbi nikuba kuciindi campuwo imbotu, Tulaambwa kuti mbabeji, anukuti tuli bantu benibeni, 9#2 Kor 4:10; Int 118:18Tulaambwa kuti batazibidwe, anukuti tulizibidwe kabotu. Tulaambwa mbuli bafu, anukuti tuli baumi. Tuliumidwe, nekubaboobo tatufwide. 10#Flp 4:12,13Tuliuside, nekubaboobo tuli mukukondwa lyoonse, Tuli bacete nekubaboobo tulaletela bantu banji buvubi. Tuli basikasokomwena, nekubaboobo tulivubide zintu zyoonse.
11 #
Int 119:32
Mulomo wesu wamulakamina, nuba-Korinto, moyo wesu ulijulidwe kumeso aanu. 12Teensi kulindiswe nkumusyaankene pe, mulisyaankene mumyoyo yanu nubeni. 13#1 Kor 4:14Lino ndamwaambila mbuli bana, Atupane maanza aasokwe. Anywebo amujule myoyo yanu.
Bazumini tabeelede kuvwelana abasikukomba mituni
14 #
Ef 5:11
Mutabi mimusungwa mujoko antoomwe abaabo batali bazumini mbumupambukene abo. Nkaambo bululami bulaswaana buti abusendami? Awalo mumuni ulavwelana buti amudima? 15Sa Kristo a-Beliyali balakonzya kuzuminana na? Muzumini ulijisi mwaabonzi antoomwe ayooyo uutazumini? 16#Lev 26:12; Ezk 37:27; 1 Kor 3:16; 6:19; Ezk 37:27Intempele ya-Leza ilijisi makaninzi amituni? Nkaambo swebo tuli intempele ya-Leza muumi, mbuli mbwaamba Leza kuti,
Nzookala akuya bweendeenda akati kabo,
Nzooba Leza wabo, abalo bazooba bantu bangu.
17 #
Is 52:11; Jer 51:45; Ezk 20:34,41; Ciy 18:4 Nkaambo kaako amuzwe akati kabo, mupambukane, mbwaamba Jehova. Mutaampi cintu citasalali, nenzoomutambula, 18#2 Sam 7:8,14; 1 Mak 17:13; Is 43:6; Jer 31:9; 32:38; Hos 1:10; Am 4:13nzoomubeda mbuli Usowanu, anywebo muzoondibeda bana bangu baalumi abanakazi. Mbuboobo mbwaamba Jehova Singuzuzyoonse.
Currently Selected:
2 Ba-Korinto 6: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
