2 Ba-Korinto 13
13
Makani aakumamanino
1 #
Dt 17:6; 19:15; Mt 18:16; 1 Tim 5:19 Lino ndwatatu ndwenza kumuswaya, Makani oonse aleelede kukosolwa kumilomo yabakamboni bobile na botatwe, 2Ndakamucenjezya kale nindakaliwo kuluswayo lwangu lwabili, nkabela lino ndamucenjezya alimwi nkentana kusika, inywe nimwakacita kale zibi abamwi boonse, kuti ciindi ncenti boole alimwi nsikooyoomufwida insoni pe. 3Nkaambo kakuti muli mukuyandaula citondezyo cakuti Kristo nguuamba mulindime, Walo takompeme akati kanu pe, ngusinguzu akati kanu. 4#Flp 2:7,8Nkaanlbo nikuba kuti wakabambulwa aciingano cabukompami, sunu muumi kunguzu zya-Leza. Nkabela lino aswebo tuli mbuli nguwe kubukompami bwesu, nekubaboobo kunguzu zya-Leza tuzooba abuumi mbubonya mbuli nguwe kumeso aanu. 5#1 Kor 11:28Amulisukusye nubeni na muliimvwi mulusyomo, amulilingule nubeni, Sa tamumvwisyi kuti Kristo ulamukalila mukati? Ikuti kwatanooli boobo, muli batakete. 6Pele ndasyoma kuti mulaziba kuti swebo tatuli batakete pe. 7Lino tulakumbila kuli-Leza kuti mutaciti zibi niziba ziniini. Teensi kwaamba kuti swebo tuboneke mbuli batambulika. Tulayanda kuti nywebo mucite kabotu nikuba kuti swebo tuli batakete, 8#1 Kor 13:6Nkaambo tatukonzyi kucita cintu cakulwisya lusinizyo pe, tuleelede kulugwasya. 9Nkaambo myoyo yesu ilikondedwe na muli bayumu nywebo, nikuba kuti swebo tubeni tulikompeme, Cintu ncituyandisya nceeci, nkuti buumi bwanu bubambwe kabotu. 10#2 Kor 2:3; 10:8,11Cintu ncindamulembela boobo nentawo nceeci, nkuti ciindi ncenti sike nsiyandi kubelesya bwami bwangu cabukali, Nkaambo obo bwami mbwaakandipa Mwami mbwakuyaka, tabweensi bwakumwaya pe.
11 #
Flp 4:4; Rom 15:33 Lino bakwesu, ndamana. Kamusyaala kabotu. Amubambe kabotu buumi bwanu. Amupangike myoyo yanu kumajwi aangu. Amube amoyo omwe mukale caluumuno, nkabela Leza siluyando siluumuno ulakala anywe. 12#1 Kor 16:20Amujuzyanye alumyontano lusalala, 13Basalali boonse balamujuzya.
14Luzyalo lwa-Mwami Jesu Kristo aluyando lwa-Leza aluswaanano lwa-Muuya Uusalala zibe anywe nyoonse.
Currently Selected:
2 Ba-Korinto 13: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
