2 Makani 8
8
Milimo imwi Solomoni njaakacita
1 #
1 Bam 9:10
Lino kumamanino aamyaka iili makumi obile, Solomoni naakamana kuyaka iŋanda ya-Jehova aŋanda yakwe mwini, 2Solomoni wakayaku lula minzi Huramu njaakamupa akukazika bana ba-Israyeli mulinjiyo.
3 #
My 13:21; 2 Sam 8:3 Alimwi Solomoni wakaya ku-Hamati-Zoba akuuzunda. 4#1 Bam 9:17Nkabela wakayaka Tadimori munkanda, aminzi yoonse yaziyobwedo njaakayaka kuHamati. 5Alimwi wakayaka Betihoroni wakujulu a-Betihoroni wakunsi, minzi miyumu iyakali amalambo amilyango aminkulu, 6#Jos 15:11a-Baalati, aminzi yoonse yaziyobwedo Solomoni nzyaakajisi, aminzi yoonse yankalaki zyakwe, aminzi yamabbiza, akufumbwa cintu moyo wa-Solomoni ncowakayanda kuyaka mu-Jerusalemu amu-Lebano amunyika yoonse yabwami bwakwe. 7#1 Bam 9:20; Matl 10:15; 15:18; Dt 7:1Bantu boonse ibakasyeede baba-Hiti aba-Amori aba-Perizi aba-Hivi abaJebusi, ibatali ba-Israyeli, 8bana babo ibakasyeede munyika, bana baIsrayeli mbubakabula kunyonyoona, aba Solomoni wakabapa cibbalo. Mbubacibede asunu. 9#Kul 19:5; Dt 23:19; Lev 25:39; Gal 4:28,31Pele akati kabantu ba-Israyeli katakwe Solomoni ngwakanjizya mubuzike kukubeleka milimo yakwe. Bakaba basilumamba bakwe abasilutwe bakwe abapati bankalaki zyakwe abasimabbiza bakwe. 10#1 Bam 5:16; 9:23; 2 Mak 2:18Nkabela basilutwe bamwami Solomoni bakali myanda yobile amakumi osanwe. Mbombabo ibakeendelezya bantu.
11 #
1 Bam 3:1; 7:8; 9:24 Lino mwana musimbi wa-Farao, Solomoni wakamugwisya mumunzi wa-Davida akumuleta kuŋanda njaakamuyakila, nkaambo wakati, Mukaangu takonzyi kukala kulindime muŋanda ya-Davida mwami wa-Israyeli, nkaambo mpolisika ibbokesi lya-Leza alasalala.
12Elyo Solomoni wakapaizizya Jehova zipaizyo acipaililo ca-Jehova ncaakayakide kunembo lyalukonkono. 13#Kul 29:38; My 28:3-26; 29:1; Kul 23:14; Dt 16:16; 1 Bam 9:25Buzuba bumwi abumwi kwakapaizigwa mbubonya mbukweelede, mbuli mbwaakalailila Musa kumakani aamasabata, amapobwe aamwezi mupya, amapobwe otatwe aamumwaka, nkukuti ipobwe lyazinkwa zitakwe bumena apobwe lyansondo apobwe lyazilao. 14#1 Mak 24:1; 2 Mak 5:11; 31:2; Lk 1:5,8; 1 Mak 25:1; 9:17; 26:1; 2 Sam 23:2Mbubonya mbwaakalailila Davida wisi wakabamba inkamu zyabapaizi mumilimo yabo, aba-Levi abalo kuti bacite milimo yabo yakutembaula akukutauka kubusyu bwabapaizi, mbubonya mbukweelede buzuba bumwi abumwi, abasikulindila milyango bakabikilwa mulyango umwi aumwi, nkaambo kakuti mbuboobo mbwaakalailila Davida muntu wa-Leza. 15Teebakaluba mulao wamwami ngwaakalailila bapaizi aba-Levi kumakani oonse akumakani aaziyobwedo,
16Aboobo milimo yoonse ya-Solomoni yakamana, kuzwa kubuzuba bwakubika matalikilo aaŋanda ya-Jehova mane lumwi yakamana kuyakwa. Iŋanda ya-Jehova yakamaninina kuyakwa.
17 #
1 Bam 9:26; Dt 2:8; 2 Bam 14:22 Elyo Solomoni wakaya ku-Ezioni Geberi aku-Eloti kumuuma walwizi mucisi ca-Edomu. 18#1 Bam 9:27; 2 Mak 9:10,13; Matl 10:29; Job 22:24; Is 13:12Nkabela Huramu wakamutumina maato abasimilimo ibakabwene milimo yalwizi kumaanza aabalanda bakwe, Lino bakaya boonse antoomwe abalanda ba-Solomoni, basika ku-Ofiri, bagwisya nkuko matalenta aangolida aali myanda yone amakumi osanwe, akwaaleta kumwami Solomoni.
Currently Selected:
2 Makani 8: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
