2 Makani 3
3
Intempele mbuyakatalika kuyakwa
1 #
1 Bam 6:1; 1 Mak 29:19; Joh 2:19-21; 1 Kor 6:19; Matl 22:2; 1 Mak 22:1 Lino Solomoni wakatalika kuyaka iŋanda ya-Jehova mu-Jerusalemu kucilundu citegwa Moriya, Jehova nkwaakalibonya kuli-Davida wisi, nkukonya oko kuntu Davida nkwaakabambide, mucipolelo ca-Orinani mujebusi. 2Wakatalika kuyaka mumwezi wabili mumwaka wane wabwami bwakwe. 3#1 Bam 6:2Mbuboobu Solomoni mbwaakayaka iŋanda ya-Leza: bulamfu bwayo nibwakapimwa muziyanza zyaciindi bwakali tukokola tuli makumi aali musanu alimwi, abwaamba bwayo tukokola tuli makumi obile. 4#1 Bam 6:3Alukonkono lwakunembo lyantempele, bulamfu bwalo bwakeelene abwaamba bwaŋanda ini, nkukuti tukokola tuli makumi obile, abwiime bwalo bwakali tukokola tuli mwaanda. Nkabela mukati wakaluziluluzya ingolida, ingolida loko. 5#1 Bam 6:17Alimwi iŋanda impati wakaivumbya zisamu zyamulombe akwiiziluluzya ingolida loko, nkabela alinjiyo wakacita mikunka ankeetani. 6Alimwi wakasakatizya iŋanda mabwe mayandisi, Ingolida kiili ingolida yaku-Parivaimu. 7Wakaziluluzya iŋanda yoonse ingolida, maseketi aayo azikunguzyo zyayo abwaanda bwayo amakoma aayo, alimwi abwaanda wakabeza bakerebimu.
8Lino iŋanda iisalalisya yamukati wakaicita boobu. Bulamfu bwayo bwakeelene abwaamba bwaŋanda ini, nkukuti tukokola tuli makumi obile, abwaamba bwayo bwakali tukokola tuli makumi obile, Wakaiziluluzya ingolida loko matalenta aali myanda iili musanu aumwi. 9Bulemu bwamanembe bwakali isyekeli lyomwe akati kamasyekeli aangolida aali makumi osanwe. Atwalo twaanda twakujulu wakatuziluluzya ingolida,
10 #
1 Bam 6:23
Alimwi muŋanda iisalalisya yamukati wakabeza bakerebimu bobile bazisamu akubaziluluzya ingolida. 11Mababa aabakerebimu, bulamfu bwao bwakali tukokola tuli makumi obile, Ibbaba limwi lyakerebimu litaanzi lyakali abulamfu bwatukokola tosanwe, lyakali kwaampa bulambo bwaŋanda, alyalo ibbaba limwi lyakali abulamfu bwatukokola tosanwe, lyakali kuswanana abbaba lyakerebimunyina. 12Mbubonya obo, ibaaba lyakerebimu wabili lyakali abulamfu bwatukokola tosanwe, lyakali kwaampa bulambo bwaŋanda, abbaba limwi lyakali abulamfu bwatukokola tosanwe, lyakali kuswanana abbaba lyakerebimunyina. 13Mababa oonse aabakerebimu aba akasika kubulamfu bwatukokola tuli makumi obile naakatandabede. Bakaliimvwi amaulu aabo, alimwi masyu aabo akalilangene aŋanda yamukati. 14#Kul 26:31; Mt 27:51; Heb 9:3Alimwi cisitilizyo wakacicitya masani aamabala mabala aasalala akusia amasani aatuba. Alincico acalo wakeengaenga bakerebimu.
15 #
1 Bam 7:15; Jer 52:21 Kunembo lyaŋanda wakacita minsende yobile. Bwiime bwayo bwakali tukokola tuli makumi otatwe amusanu. Alimwi atala lyamunsende umwi aumwi, wakabika ciimikilo icakali abulamfu bwatukokola tosanwe. 16Nkabela wakapanga inkeetani mucikombelo camukati, wazibika atala lyaminsende, alimwi wakafula zikozyano zyamapomegranite zili mwanda akuzibika ankeetani. 17Lino wakaimika minsende kunembo lyantempele, umwi kululyo aumwi kucimwensi. Munsende wakululyo wakaupa izina lyaJakini, ayooyo wakucimwensi wakaupa izina lya-Boazi.
Currently Selected:
2 Makani 3: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.