2 Makani 28
28
Bwami bwa-Ahazi
1 #
2 Bam 16:2
Ahazi kajisi myaka iili makumi obile naakaba mwami, nkabela wakeendelezya mu-Jerusalemu myaka iili ikumi amusanu aumwi. Pele taakwe naakacita ziluleme mumeso aa-Jehova mbuli mbwaakacita Davida wisi. 2#Kul 34:17; Lev 19:4; Bab 2:11Wakeenda munzila zyabami ba-Israyeli, alimwi wakacitila babaala zikozyano. 3#2 Bam 23:10; Jer 7:31; Lev 18:21; 2 Bam 16:3; 2 Mak 33:6; Ezk 16:20; Mik 6:7Wakali kutenta mukuti lyamwana wa-Hinomu akutuuzya bana bakwe mumulilo mbubonya mbuli ziyanza zisesemya zyabamasi Jehova mbaakatanda kubusyu bwabana ba-Israyeli. 4Wakali kupaila akutenta tununkilizyo azipaililo zyakuzilundu akumalundu amunsi amisamu yoonse mitete.
5 #
Is 7:1; 2 Bam 16:5 Nkaambo kako Jehova Leza wakwe wakamwaaba mumaanza aamwami wa-Aramu. Oyo mwami wakamuzunda, watola bantu bakwe banji mubuzike, wabasisya ku-Damasko, Alimwi wakaabwa mumaanza aamwami waIsrayeli, ayooyo alakwe wakamuzunda luzundo lupati. 6#2 Bam 15:27; Is 9:21; Jos 23:16; Jer 2:19Peka mwana wa-Remaliya wakajaya bantu bali zyuulu zili mwanda azyuulu zili makumi obile mucisi ca-Juda mubuzuba bomwe, boonse bakali basilumamba basinguzu, Cakaba obo nkaambo kakuti bakalilekede Jehova Leza wabamawisi. 7Nkabela Zikiri, umwi wabasilumamba bacisi ca-Efraimu, wakajaya Maaseya mwana wamwami a-Azrikamu silutwe waŋanda a-Elikana ngambela wamwami.
Odedi mbwaakakambaukila ba-Israyeli
8 #
2 Mak 11:4
Lino bana ba-Israyeli bakatola mubuzike bakwabo bali zyuulu zili myanda yobile, banakazi abana balombe abasimbi, alimwi bakasaala imbono zinji kulimbabo akuleta imbono ku-Samariya. 9#Bab 3:8; Int 69:26; Is 10:5; 47:6; Ezk 25:12,15; 26:2; Ob 1:10; Zek 1:15; Matl 4:10; 11:4; Ezr 9:6; Ciy 18:5Pele kakuli umwi musinsimi wa-Jehova, izina lyakwe kali Odedi. Oyo wakalibonya kumeso aabasilumamba ibakeza ku-Samariya, wakabaambila kuti, Amuteelelel Jehova Leza wabamauso wakakalalila ba-Juda, aboobo wakabaaba mumaanza aanu, pele inywe mwabajaya cabukali bupati busika akujulu. 10#Lev 25:39; Jer 25:29; 1 Pet 4:17Mumyoyo yanu mulayeeya kuti, Tuleelede kubombya bantu ba-Juda aba-Jerusalemu, baalumi abanakazi boonse, babe bazike besu abasimamambe besu. Sa inywe nubeni tamujisi zibi nzimubisizya Jehova Leza wanu? 11#Jak 2:13Lino amundiswiilile. Amubweedezye bazike mbomusaalide akati kabakwanu, nkaambo bukali buyumu bwa-Jehova bwamubukila. 12Mpawo kwakanyampuka bantu bamwi basilutwe babana ba-Efraimu, Azariya mwana waJohanana, Berekiya mwana wa-Mesilemoti, Jehizikiya mwana wa-Salumu, a-Amasa mwana wa-Hadilai, bakakasya bantu abo ibakazwa kunkondo, 13#My 32:14; Jos 22:17bati, Tamukooniizya bazike omuno pe, nkaambo mulayanda kutupa milandu kumeso aa-Jehova atala lyazibi zyesu amilandu yesu nzitujisi kale, nkaambo milandu yesu mipati, abukali buyumu bwabukila ba-Israyeli. 14Elyo basilumamba bakasia bazike ambono nzibakasaalide mumaanza aabapati abantu boonse ibakabungene. 15#2 Bam 6:22; Mt 25:21,22; Lk 6:27; Rom 12:20; Dt 34:3; Bab 1:16Nkabela abo bantu ibaambwa kale kumazina aabo bakabuka, babweza bazike, babelesya imbono kukusamika baabo ibakabula zyakusama. Bakabasamika, bababikila insangu, babasanina, babanywisya, babananika. Elyo baabo ibakabula inguzu bakabatola ambongolo, babasisya ku-Jeriko, munzi watukunka, uubambene acisi cabo. Kuzwa oko bakapiluka ku-Samariya.
Ahazi mbwaakakumbila kugwasigwa ku-Asuri
16 #
2 Bam 16:7; Is 7:1-9 Kuciindi eco mwami Ahazi wakatumina bami ba-Asuri kuti bamugwasye, 17#Lev 26:18nkaambo ba-Edomu bakasika alimwi kuzoozunda cisi ca-Juda akutola bantu mubuzike. 18#Jos 15:22; Ezk 16:27,57Abalo ba-Filisti bakasaala minzi yatulundulundu aya-Negebi mucisi ca-Juda, bazunda Betisemesi, a-Ajaloni, a-Gederoti, a-Soko atunzuunzi twawo, a-Timna atunzuunzi twawo, a-Gimzo atunzuunzi twawo, bakala nkuko. 19#2 Mak 21:2; Kul 32:25; Ciy 3:17; 16:15Nkaambo Jehova wakabombya ba-Juda nkaambo ka-Ahazi mwami wa-Israyeli, nkaambo wakalipilinganya mubu-Juda akupapila Jehova. 20#2 Bam 15:29; 16:7-9; Is 7:20Mpawo Tiligati Pilineseri mwami wa-Asuri wakeza kulinguwe, wamupenzya buyo, tamugwasizye pe. 21Nkaambo Ahazi wakaaba imbono zyaŋanda ya-Jehova azyaŋanda yamwami azyabasilutwe, wapa mwami wa-Asuri, nekubaboobo teecakamugwasya pe.
Ahazi mbwaakabisya kumamanino aabuumi bwakwe
22 #
2 Mak 33:12; Int 50:15; Is 1:5; Jer 5:3; Hos 5:15; Ciy 16:11 Lino kuciindi camapenzi aakwe wakaindilila kubisizya Jehova, oyu mwami Ahazi. 23#2 Mak 25:14; Jer 44:17,18Wakapaila mizimu ya-Damasko iyakamuzunda, Wakati, Baleza babami ba-Aramu babagwasya. Nkabatuulile zipaizyo, bandigwasye ambebo. Pele bakamubisizya, walo aba-Israyeli boonse. 24#2 Mak 29:3,7Nkabela Ahazi wakabunganya zibelesyo zyaŋanda ya-Leza, wakosaula zibelesyo zyaŋanda ya-Leza, wajala milyango yaŋanda ya-Jehova, akulicitila zipaililo moonse moonse mu-Jerusalemu. 25Amuminzi yoonse yaba-Juda wakayaka zipaililo zyakutentela mizimu myeenzu tununkilizyo, aboobo wakakalazya Jehova Leza wabamawisi.
26 #
2 Bam 16:19,20; 2 Mak 20:34; 27:7-9 Lino makani aakwe amwi, anzila zyakwe zyoonse, zitaanzi azisyaalizi, alilembedwe mubbuku lyabami ba-Juda aba-Israyeli. 27Elyo Ahazi naakafwa, wakazikwa mumunzi, nkukuti mu-Jerusalemu, nkaambo teebakamuleta kutubanda twabami ba-Israyeli. Nkabela mwanaakwe Hezekiya nguwakalya izina lyakwe.
Currently Selected:
2 Makani 28: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.