2 Makani 22
22
Bwami bwa-Ahaziya
1 #
2 Bam 8:24; 2 Mak 21:17 Lino bantu baku-Jerusalemu bakasala Ahaziya mwanaakwe muniini kuti alye bwami bwakwe, nkaambo bana bapati boonse yakabajaya impi iyakeza aba-Arabu kumunzi. Mbuboobu Ahaziya mwana wa-Joramu mbwaakaba mwami wa-Juda. 2#2 Bam 8:26; 1 Bam 16:28; 2 Mak 21:6Ahaziya kajisi myaka iili makumi one aibili naakaba mwami, nkabela wakeendelezya mu-Jerusalemu mwaka omwe, Izina lyabanyina bakali Ataliya mwana wa-Omri. 3Nkabela wakeenda alakwe munzila zyaluzubo lwa-Ahabu, nkaambo banyina mbobakamukombelezya kucita bubi. 4#2 Mak 24:17,18; Tus 1:10; 19:27Wakacita bubi mumeso aa-Jehova mbubonya mbubakacita basiluzubo ba-Ahabu, nkaambo mbombabo ibakali kumulaya kusule lyalufu lwawisi, mbombabo bakamubisizya. 5#2 Bam 8:28Lino mbwaakatobela lulayo lwabo, wakaya a-Joramu mwana wa-Ahabu mwami wa-Israyeli kuyoolwisya Hazaeli mwami wa-Aramu ku-Ramoti-Gileadi. Nkabela baAramu bakayasa joramu, 6#2 Bam 9:15elyo wakapiluka ku-Jezreeli kuti asilikwe kuzyuumo nzyaakaumigwa ku-Rama naakali kulwisya Hazaeli mwami waAramu. Nkabela Ahaziya mwana wa-Joramu mwami wa-Juda wakeza kuswaya Joramu mwana wa-Ahabu mu-Jezreeli, nkaambo wakaciswa.
7 #
Bab 14:4; 1 Bam 12:15; 2 Mak 10:15; Int 5:10; 9:16; Am 3:6; Inc 2:23; 1 Bam 19:16; 2 Bam 9:6,7,21 Pele aya makani akazwa kuli-Leza, Ahaziya wakajana lunyonyooko mukuswaya kuli-Joramu, nkaambo naakali kuswaya oko wakainka a-Joramu kukulwisya Jehu mwana wa-Nimsi, ngonguwe Jehova ngwaakananika kuti anyonyoone luzubo lwa-Ahabu. 8#2 Bam 10:10,11Lino jehu naakali kubeteka luzubo lwaAhabu, wakajana basilutwe ba-Juda abana babakwabo Ahaziya ibakali kukutaukila Ahaziya, elyo wakabajaya. 9#2 Bam 9:27Mpawo wakayandaula Ahaziya, nkabela wakajatwa ku-Samariya, nkwaakayubide, wakaletwa kuli-Jehu akujayigwa. Bakamuzika nkaambo bakati, Ngumwana wa-Josafati, iwakayandaula Jehova camoyo woonse. Lino teekwakasyaala muntu naba omwe waluzubo lwa-Ahaziya iwakajisi inguzu zyakweendelezya cisi.
Ataliya mbwaakajata bwami
10Lino Ataliya, banyina Ahaziya, naakabona kuti mwanaakwe wafwa, wakabuka akujaya bana boonse bamwami wamusyobo wa-Juda. 11#2 Bam 11:2Pele Jehosabati mwana musimbi wamwami wakabweza Joasi mwana wa-Ahaziya, wamugwisya kumbali akati kabana bamwami ibakati jayigwe, wamubika amuleli wakwe muŋanda yakoona yamukati. Jehosabati mwana musimbi wamwami Joramu, muka-Jehoyada mupaizi, mbwaakali mucizi wa-Ahaziya, wakamuvuna kumaanza aa-Ataliya, aboobo takwakamujaya pe. 12Nkabela wakakala abo uliyubide muŋanda ya-Leza myaka iili musanu aumwi, Ataliya naakali kweendelezya nyika.
Currently Selected:
2 Makani 22: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
