2 Makani 16
16
Asa mbwaakalwisya Basa mwami wa-Israyeli
1 #
1 Bam 15:17; 2 Mak 15:9 Lino mumwaka wamakumi otatwe amusanu aumwi wabwami bwaAsa, Basa mwami wa-Israyeli wakeza kuzoolwisya ba-Juda. Nkabela wakayaka Rama kuti atazumizyi muntu naba omwe kunjila nanka kuzwa kuli-Asa mwami wa-Juda. 2Mpawo Asa wakagwisya insiliva angolida muziyobwedo zyaŋanda ya-Jehova amuŋanda yamwami, watuma kuliBenihadadi mwami wa-Aramu iwakakede ku-Damasko, wati, 3Kuli cizuminano akati kesu, mebo ayebo, ataata auso, Bona! Ndakutumina insiliva angolida. Koya, ukamwaye cizuminano cako ncotangene a-Basa mwami wa-Israyeli, kuti andileke. 4Elyo Benihadadi wakaswiilila majwi aamwami Asa, watuma basilutwe bampi nzyaakajisi kuyoolwisya minzi yaba-Israyeli, nkabela bakazunda Iyoni, a-Dani, a-Abelimaimu, aminzi yoonse yaziyobwedo mucisi ca-Nafitali. 5Lino Basa amvwe buyo, wakaleka kuyaka Rama, akulesya milimo yawo. 6Elyo mwami Asa wakeza aba-Juda boonse, nkabela bakagwisya mabwe aa-Rama, azisamu zyawo, Basa nzyaakali kuyasya, baziyasya Geba a-Mizipa.
Hanani mbwaakatapatila Asa
7 #
1 Bam 16:1; 2 Mak 19:2; 20:34; Int 146:3-6; Is 31:1; Jer 17:5; Ef 1:12,13 Lino kuciindi eco Hanani sicilengano wakasika kuli-Asa mwami waJuda, wamwaambila kuti, Mbubonya mbuwakasyoma mwami wa-Aramu akutasyoma Jehova Leza wako, nciceeco impi zyamwami wa-Aramu ncizilobokela kumaanza aako. 8#2 Mak 14:9; 12:3Sa ba-Kusi aba-Lubi teebakali impi impati? Sa teebakajisi inkalaki zinji abasimbizi banji loko? Pele mbuwakasyoma Jehova, wakabaaba mumaanza aako. 9#2 Mak 6:20; Job 34:21; Tus 5:21; 15:3; Jer 16:17; 32:19; Zek 4:10; Heb 4:13; 1 Pet 3:12; 1 Sam 13:13; 1 Mak 21:8; Jer 5:21; Mt 5:22; 1 Kor 15:36; 1 Bam 15:32Nkaambo Jehova, meso aakwe alalanga-langa moonse munyika, kuti aliyumye kukugwasya abo balulama mumoyo kumeso aakwe. Lino wacita bufubafuba mumakani aya, nkaambo kuzwa sunu ulajana inkondo. 10#2 Mak 18:26; Jer 20:2; Mt 14:3Mpawo Asa wakanyemena oyo sicilengano, wamubika muŋanda yaziliba muntolongo, nkaambo wakamukalalila nkaambo kamakani aya. Nkabela Asa wakapenzya abamwi bantu kuciindi eco nciconya,
Asa mbwaakafwa
11Lino makani oonse aa-Asa, mataanzi amasyaalizi, alilembedwe mubbuku lyabami ba-Juda aba-Israyeli. 12#Dt 28:22; Jer 17:5Elyo mumwaka wamakumi otatwe amusanu aine wabwami bwakwe Asa wakaciswa kumaulu. Wakaciswa loko, nekubaboobo mukuciswa kwakwe takwakabika moyo wakwe kuli-Jehova, pe, wakaubika kubananga. 13Elyo Asa wakabikwa mukabanda antoomwe abamawisi. Wakafwa mumwaka wamakumi one aumwi wabwami bwakwe. 14#Matl 50:2; Mk 16:1Bakamuzika mucizikilo ncaakalisida mumunzi wa-Davida, nkabela bakamuoneka abulo ibwakazwide misamu atununkilizyo ntubakabamba basimisamu, alimwi bakamutentela tununkilizyo tunji loko.
Currently Selected:
2 Makani 16: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.