2 Makani 11
11
Roboamu mbwaakaleka kulwisya ba-Israyeli
1 #
1 Bam 12:21
Mpawo Roboamu naakasika ku-Jerusalemu, wakayobolola musyobo wa-Juda amusyobo woonse wa-Benjamini, basilumamba basalidwe bali zyuulu zili mwaanda azyuulu zili makumi aali musanu aatatu, kuti bakalwisye ba-Israyeli akuboozezya Roboamu bwami. 2#Dt 33:1; 1 Sam 2:27; 1 Bam 12:22-24; 2 Mak 8:14; 12:15; 1 Tim 6:11Pele ijwi lyaJehova lyakasika kuli-Semaya muntu wa-Leza, lyakati, 3Ambila Roboamu mwana wa-Solomoni mwami wa-Juda aba-Israyeli boonse bamuzisi zyaJuda a-Benjamini kuti, 4Mbuboobu mbwaamba Jehova. Mutayi kuyoolwisya bana bakwanu ba-Israyeli pe, Amuboole umwi aumwi kuŋanda yakwe, nkaambo aya makani akazwa kulindime. Mpawo bakaswiilila ijwi lya-Jehova akuleka kuya kuyoolwisya Jeroboamu.
Amwi makani aabwami bwa-Roboamu
5Lino Roboamu kakala mu-Jerusalemu, Nkabela wakayaka minzi yakuvuna mucisi ca-Juda. 6#Matl 35:19; 1 Sam 17:12; Mt 2:1; Bab 15:8; 1 Mak 4:31; 2 Sam 14:2; 2 Mak 20:20; Neh 3:5; Jer 6:1; Am 1:1Wakayaka Betelehemu, a-Etamu, a-Tekowa, 7aBetizuri, a-Soko, a-Adulamu, 8a-Gati, a-Maresa, a-Zifi, 9a-Adoraimu, a-Lakisi, a-Azeka, 10a-Zora, a-Ajaloni, a-Hebroni. Eyi yoonse minzi yakuvuna mucisi ca-Juda amucisi ca-Benjamini. 11Wakayumya zivunisyo, alimwi wakabika basilutwe mulinjiyo, aziyobwedo zyazilyo azyamafuta azyawairu. 12Alimwi muminzi yoonse wakabika intobo amasumo akwiiyumya loko, Aboobo wakavuba Juda a-Benjamini.
13Lino bapaizi aba-Levi ibakali mucisi coonse ca-Israyeli bakainka kulinguwe kuzwa kumasena oonse. 14#My 35:2; Jos 21:20-42; 1 Bam 12:28-33; 2 Mak 13:9Nkaambo ba-Levi bakasia tunzuunzi twabo azyaabilo zyabo, bakaakukala kucisi ca-Juda aku-Jerusalemu, nkaambo Jeroboamu abana bakwe bakabatanda kuti batabelekeli Jehova limbi milimo yabupaizi. 15#1 Bam 12:31; 13:33; 14:9; Hos 13:2; Lev 17:7; Dt 32:15-17; 1 Kor 10:20; Ciy 16:14; 1 Bam 12:28Wakalibikila bapaizi bakuzilundu ababasikazwa ababoombe mbaakacita. 16#2 Mak 15:9; 30:11; Int 69:32Abalo boonse ibakabika myoyo yabo kukuyandaula Jehova Leza wa-Israyeli bakabatobela kuzwa kumisyobo yoonse ya-Israyeli, bakeza ku-Jerusalemu kuti bapaile Jehova Leza wabamawisi. 17#2 Mak 12:1; Hos 6:4; Mt 13:18Aba bakaletela bwami bwa-Juda inguzu, aboobo bakayumya Roboamu mwana wa-Solomoni myaka yotatwe, nkaambo myaka yotatwe bakeenda munzila ya-Davida ayaSolomoni.
18Lino Roboamu wakakwata Mahalati mwana musimbi wa-Jerimoti mwana wa-Davida awa-Abihaili mwana musimbi wa-Eliabu mwana wa-Jese; 19#1 Bam 15:2nkabela wakamuzyalila bana, Jeusi, a-Semariya, a-Zahamu. 20Alimwi kusule wakakwata Maaka mwana musimbi wa-Abisalomu, Ngonguwe wakamuzyalila Abija, a-Atai, a-Ziza, a-Selomiti. 21Nkabela Roboamu wakayandisya Maaka mwana wa-Abisalomu kwiinda banakazi bakwe boonse abasimamambe bakwe boonse, nkaambo wakakwata banakazi bali ikumi amusanu abatatu abasimamambe bali musanu aumwi, alimwi wakazyala bana balombe bali makumi obile amusanu abatatu abana basimbi bali makumi aali musanu alimwi. 22#Dt 21:15-17Nkabela Roboamu wakabika Abija mwana wa-Maaka kuti abe silutwe mupati akati kabanyina, nkaambo wakali kuyeeya kumupa bwami. 23#Dt 17:17; 1 Bam 11:3Alimwi wakacita cabusongo kukumwaisya bana bakwe kuminzi miyumu yoonse yaku-Juda ayaku-Benjamini. Wakabapa malelo manji akubayandawida banakazi.
Currently Selected:
2 Makani 11: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.