1 Makani 5
5
Bana ba-Rubeni
1 #
Matl 29:32; 49:3; 35:22; 48:15 Lino mbaaba bana ba-Rubeni, mwana mutaanzi wa-Israyeli. (Nkaambo ngonguwe iwakataanguna kuzyalwa, nekuba kuti wakacita bumambe amukawisi, aboobo bulemu bwamwana mutaanzi bwakanyanzigwa kulinguwe akupegwa bana ba-Josefa mwana wa-Israyeli. Nciceceo ncatalembelwi mubusena bweelede bwamwana mutaanzi, 2#Matl 49:8; My 2:3; 7:12; Int 60:7; 108:8; 78:68-71; Jer 23:5,6; Mik 5:2; Mt 2:6Juda nguwakajata inguzu kwiinda babunyina, alimwi munyungu zyakwe momwakazyalwa musolozi, nekubaboobo Josefa nguwakapegwa bulemu bwamwana mutaanzi). 3#Matl 46:9; Kul 6:14; My 26:5Bana ba-Rubeni mwana mutaanzi wa-Israyeli mbaaba: Hanoki, a-Palu, Hezroni, a-Karmi. 4Abana ba-Joeli: wakazyala Semaya, iwakazyala Gogo, iwakazyala Simeyi, 5iwakazyala Mika, iwakazyala Reaya, iwakazyala Baala, 6#2 Bam 15:29; 16:7iwakazyala Beera, ngonguwe Tigilati Pilneseri mwami wa-Asuri ngwaakatola mubuzike, kali silutwe waba-Rubeni. 7Ababunyina anzubo zyabo, mbubalembedwe mubbuku lyabansiku, mbaaba: mutaanzi kali jeyeli, aZekariya, 8#Jos 13:15a-Bela mwana wa-Azazi mwana wa-Sema, mwana wa-Joeli, ngonguwe iwakakede ku-Aroeri akusikila ku-Nebo aku-Baalameoni. 9#My 32:1,33,42; Jos 22:9; Lwi 4:1; Mik 7:14Alimwi wakakala kujwe mane kusikila kumagolelo aankanda okuno kutala lyamulonga Firate, nkaambo iŋombe zyabo zyakavula kucisi ca-Gileadi, 10#Matl 25:12Nkabela mumazuba aa-Saulo bakalwisya ba-Hagiri, babazunda akukala muzilao zyabo moonse mucisi cili kujwe lya-Gileadi,
Bana ba-Gadi
11 #
Jos 13:11,24,25 Lino bana ba-Gadi kabakede bubambene abo munyika ya-Basana mane kusikila ku-Saleka. 12Joeli kali mutaanzi, a-Safamu wabili, a-Janai, aSafati, munyika ya-Basana, 13Ababunyina baluzubo lwawisi mbaaba: Mikayeli, a-Mesulamu, a-Seba, a-Jorai, a-Jakani, a-Ziya, a-Eberi, bantu bali musanu ababili. 14Mbaabo bana ba-Abihaili mwana wa-Huri mwana wa-Jarowa mwana wa-Gileadi mwana wa-Mikayeli mwana wa-Jesisai mwana wa-Jado mwana wa-Buzi. 15Ahi mwana wa-Abidieli mwana waGuni kali silutwe waluzubo lwabo, 16#1 Mak 27:29; Lwi 2:1; Is 35:2; 65:10nkabela bakakala mu-Gileadi, amuBasana amutunzuunzi twawo amumacezezyo oonse aa-Sarani mane kusikila kumagolelo aawo, 17#2 Bam 15:5; 14:16,28Boonse bakalilembedwe mumazuba aa-Jotamu mwami wa-Juda amumazuba aa-Jeroboamu mwami wa-Israyeli.
Ba-Rubeni, ba-Gadi aba-Manase mbubakazunda nyika
18Lino bana ba-Rubeni aba-Gadi acisela camukowa wa-Manase kabajisi baalumi basintaze ibakali kusama intobo amapanga akulapula mata, bacenjede loko munakani aankondo, bantu bali zyuulu zili makumi one azine amyanda iili musanu aibili amakumi aali musanu alimwi, boonse basilumamba. 19#Matl 25:15; 1 Mak 1:31Nkabela bakalwisya ba-Hagari, a-Jeturi a-Nafisi a-Nodabu, 20#Int 9:10; 20:7,8; Jer 17:7,8elyo bakagwasigwa, aboobo ba-Hagari aboonse mbobakali abo bakaabwa mumaanza aabo, nkaambo mukati kankondo bakakwiilila Leza, nkabela wakabaswiilila ambuli mbubakali kumusyoma. 21Lino bakasaala imbono zyabo, inkamele zili zyuulu zili makumi osanwe, azyuulu zili myanda yobile amakumi osanwe zyambelele, ambongolo zili zyuulu zyobile, abantu bali zyuulu zili mwaanda. 22#Dt 20:1,4; Jos 10:42; 2 Mak 20:15; Rom 8:31; 2 Bam 15:29; 17:6Nkaambo banjibanji bakajayigwa, nkaambo inkondo yakali ya-Leza, Elyo bakakala mumwenya wabo mane kusikila kuciindi cabuzike.
Bapati ba-Manase. Bantu mbubakatolwa mubuzike
23Lino bana bacisela camukowa wa-Manase bakali banji loko, bakali kukala moonse munyika kuzwa ku-Basana akusikila ku-Baala Herimoni aku-Seniri akucilundu ca-Herimoni, 24Mbaaba bapati banzubo zyabo: Eferi, a-Isi, a-Elieli, a-Azrieli, a-Jeremiya, a-Hodaviya, a-Jadieli, Boonse bakali baalumi basintaze, basimpuwo, bapati banzubo zyabamawisi.
25 #
Dt 32:15; Is 1:4; Jer 5:7 Pele bakabisizya Leza wabamawisi akuya butobela ba-Leza babantu banyika Leza mbaakataanguna kunyonyoona kubusyu bwabo. 26Elyo Leza wa-Israyeli wakabusya moyo wa-Puli mwami wa-Asuri amoyo wa-TigilatiPilineseri mwami wa-Asuri, nkabela ba-Rubeni aba-Gadi acisela camukowa wa-Manase bakabatola boonse mubuzike, babasisya ku-Hala aku-Habori aku-Hara akumulonga Gozani, nkubacibede asunu.
Currently Selected:
1 Makani 5: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
