Luk 3:4-6

Eu odi weleca je hahun madec dana Aisaia uqana bukna jaqen Jon uqa odi toodu odon: “Dana jejeg oso uqa wadauna bibili utai maadena, ‘Tibudna jic saciadoiga. Uqana jic tutuc mudeiga. Asou cunug age wa wewel tahaloqagan. Aluh benbenca aluh nagnagca eu cunug qetecebil ni tutuc migian. Jic gongin eu cunug sosolaig muduqagan. Odocob jic toni tobi eu jocosaig muduqagan. Odocob dana cajaca cunug age Anutna cahahaadec eu foqagan!’ adena,” en.