Luk 3
3
JON NYAANGƗT MBUTNDƗ
1Njambwi nyan Tabirias Sisa naambi taamba vɨli kiyeli tambanat vɨga lɨndɨ. Judia walɨnja nɨma kɨpma kat vɨga la njambwi nyan Pontias Pailat. Galili walɨnja nɨma kɨpma kat vɨga la njambwi nyan Herot. Herotna yakwa nyan Filip kava vɨlɨlɨk kat vɨga lɨndɨ. Ndɨ Ituriagwi Trekonaitis kat vɨga lɨndɨ. Abilini walɨnja kava kat vɨga la nyan Laisenias. 2Judana njambwi nɨmba God kat kwunatɨga nɨmba vɨlɨlɨk palɨ. Mbɨla sɨ Anaso Kaiafas. Wan njɨmbla God Sekaraiana nyan Jon kat wandɨ. Wandɨ, Jon ndinyangu lapman kwo kavamba yiga lɨndɨ. 3God wandɨ maa kwo kava kwagalalaa Jodan walɨnja ndandangɨ wayat yindɨ. Yiga mbutndɨ. Kavle maawut kwagalalaa mandɨt kupi maawupmba lɨga ngu yagungweyan God ngwutna kavle vat sɨlɨmbwigiyandɨ waa mbutndɨ. 4Jon mbuta nyaangɨt tamba la profet Aisaia ndɨ tamba kɨta vat pɨlɨwutndɨ. Kupma pɨlɨwutndɨ.
Kɨta nyan kwo kavamba lɨga laataa nyaangɨt mbukiyandɨ.
Njambwi nyan yaiga yambɨ kwunak ngwula waa bukiyandɨ.
Ngu lɨga kava kava ngɨni tagula kɨpmat tɨgiyandɨ.
5-6Nduwi tɨga kava nduwi ndandɨ, apma savagu kɨpma tɨgiyandɨ. Sɨvi vita lɨga yambɨ ngɨni apma vat tɨgiyandɨ. Nɨma kambat tɨga yambɨ ngɨni savagu lɨgiyandɨ.
Ngɨni God ndinyangu kat kwunatndeya vak ndinyangu aywaa vɨgiyandi
waa tamba pɨlɨwutndɨ Aisaia.
7Nɨma sakwat nɨmba ngu yaguvat Jon kat yandi. Yandi maa ndi kat mbutndɨ. Ngwuk apma nɨmba ana ngwuk. Ngwuk kamboyna nyangu vla lɨgangwuk. Ngɨni yaiga kavle vak kat vaaka lɨga wun kat yangwuk. 8Kavle maawut kwagalalaa apma kupi maawupmba yelavɨka lɨngweyan apma vapmba yiga alɨ ngwuk. Ngwuk kupma yelavɨka lɨgangwuk. Nɨn Ebrahamna nyangu nɨn. Ngi kat tɨga kavle savle yiga yetɨneyan God nɨn kat ana kai waigandɨ waa yelavɨka lɨgangwuk. Wupma ke yelavɨka. Ana nglaatndɨ. Kavle savle yiga yetɨngweyan God ngwuk kat kai walaa kan tɨga kambak kwutndɨ mala Ebrahamna nyanguat tɨgiyandi. 9Kavle mi vɨtɨga nyan vɨp mɨna lɨgandɨ. Avɨmba ngwuk. Apma mɨ sɨk kwalapma mi aywaa vɨtaa yamba yaagindɨ, vɨkiyandɨ waa mbutndɨ Jon.
10Mbutndɨ mala nɨma sakwat nɨmba ndɨ kat wagalandi. Anda apma njɨvwa kwutaa apma vat kwo lɨgiyanɨn waa ndɨ kat wagalandi. 11Wagalandi mala ndi kat wandɨ. Waavwi vɨlɨlɨk tɨga nyan nat nyan waavi lapman tɨga nyan kat agwi. Kɨgɨnda lɨga nyan kɨgɨnda lapman tɨga nyan kat vɨlaa agwi waa wandɨ Jon. 12Takis sanya klalɨga nɨmba ngu yaguvat Jon kat yalaa wagalandi. Sɨmogwi lɨga nyan nɨn angambak yigiyanɨn waa wagalandi maa Jon ndi kat wandɨ. 13Ngwuk kiap waa sakwapmba mɨna klaigangwuk takis sanya. Mandɨp wata kwuleiga sɨkwupmak klalɨngweya waa Jon ndi kat wandɨ. 14Soldia ndɨ kat wagalandi. Nɨn angamak yigiyanɨn waa wagalandi maa Jon ndi kat wandɨ. Ngwuk wata woseka waga ndi kat viyaga nat nɨmbana nda sɨkwupmak walɨngweya. Ngwuk kat pe kwindi, ngiyambak waa awa waa wandɨ Jon.
15Nɨma sakwat nɨmba Jon kat vɨlaa mandɨp mandɨp yelavɨka lɨndi. Ndɨ nɨn kat kwunakiya nyan anagandɨ waa maawupmba yelavɨka lɨndi. 16Yelavɨka lɨnja vak wutaa Jon ndi kat wandɨ. Wun nɨma njɨvwa ana kwutɨgowun. Ngwuk kat ngu yagua njɨvwa mat njɨvwat. Ngɨni yaiga nyan wuna njambwi nyanat. Wun apma nyan ana wun. Ndɨna man suna yaaw ana alɨpsɨga njalakiyowun. Apma nyan mɨna njalakiyandɨ. Wuna kwupmba ngɨni yaiga nyan wandɨ mala Godna waagan ngwuk kat tavigiyandɨ. Tayindɨ mala kɨsɨk yamba vɨka ngɨlɨndaya vak ngwutna kavle vat ngɨlɨgiyandɨ. 17Ngɨni yaiga nyan yuwi sɨk kwutɨga nyan vla lɨgandɨ. Sɨla sɨlak klalaa yiga yuwi sɨk sɨka yiga ngaymba yisolɨgandɨ. Ndɨna ava ndɨna sɨmbɨ sɨka nɨma vat vɨtɨga yamba yisolɨgandɨ.
18Ndina kavle maawut kwunapmak Jon nɨma sakwat nyaangɨt mbutɨndɨ. Ndi kat apma nyaangɨt mbutɨndɨ.
HEROT JON KAT KALABUS KWUTNDƗ
19Wan kɨpmana njambwi nyan Herot ndɨna yakwa nyana taagwa Herodias vanyangɨka klandɨ maa Jon ndɨ kat kavle vat yimɨn, mɨn kavle vat yilɨga nyan mɨn waa wandɨ. 20Herot ya kavle vat nɨma sakwatna. Nat kavle vat yiga Jon kat kalabus kwutndɨ.
TAT JON KALABUS YILAPMAN TƗGA JISAS KAT NGU YAGUNDƗ
21Jon nɨma sakwat nɨmba kat ngu yagulaa Jisas kat yagundɨ. Yagundɨ maa Jisas God kat wagalalɨndɨ maa nyinangwut yambɨ kwandɨ. 22Wungi yambɨmba Godna waagan ngaga yandɨ. Namiyo saava klalaa yandɨ, vɨndi. Vɨlaa nyinangwupmba lɨga kwundi wutndi. Mɨn wuna apma nyan mɨ. Mɨn kat wun solat sɨlɨgowun waa wandɨ kwundi.
JISASNA YELANGƗ NƗMBANA SƗ
23Jisasna naambi ndumi vɨli kiyeli tamba vɨli tɨndɨ, njɨvwa kwupmat laatndɨ. Ndɨ Josepna nyana waa nɨma sakwat nɨmba yelavɨka lɨndi. Wan nyan Josep ndɨna nyaek Hilai.
24Hilaina nyaek Matat
Matatna nyaek Livai
Livaina nyaek Melkai
Melkaina nyaek Melkai
Jananina nyaek Josep
Josepna nyaek Matataias
25Matataiasna nyaek Emos
Emosna nyaek Neam
Neamna nyaek Eslai
Eslaina nyaek Nagai
Nagaina nyaek Meat
26Meatna nyaek Matataias
Matataiasna nyaek Semem
Sememna nyaek Josek
Josekna nyaek Joda
Jodana nyaek Joanan
27Joanana nyaek Resa
Resana nyaek Serababel
Serababelna nyaek Sialtiel
Sialtielna nyaek Nerai
Neraina nyaek Melkai
28Melkaina nyaek Edai
Edaina nyaek Kosam
Kosamna nyaek Elmedam
Elmedamna nyaek Ea
Eana nyaek Josua
29Josuana nyaek Eliesa
Eliesana nyaek Jorim
Jorimna nyaek Matat
Matatna nyaek Livai
Livaina nyaek Simion
30Simiona nyaek Juda
Judana nyaek Josep
Josepna nyaek Jonam
Jonamna nyaek Eliakim
Eliakimna nyaek Melia
31Meliana nyaek Mena
Menana nyaek Matata
Matatana nyaek Netan
Netana nyaek Devit
Devitna nyaek Jesi
32Jesina nyaek Obet
Obetna nyaek Boas
Boasna nyaek Salmon
Salmona nyaek Nason
Nasona nyaek Aminadap
33Aminadapna nyaek Admin
Admina nyaek Anai
Anaina nyaek Hesron
Hesrona nyaek Peres
Peresna nyaek Juda
Judana nyaek Jekop
34Jekopna nyaek Aisak
Aisakna nyaek Ebraham
Ebrahamna nyaek Tera
Terana nyaek Neho
Nehona nyaek Serak
35Serakna nyaek Kiya
Kiyana nyaek Pelek
Pelekna nyaek Iba
Ibana nyaek Sila
Silana nyaek Kenan
36Kenana nyaek Afaksat
Afaksatna nyaek Sem
Semna nyaek Noa
Noana nyaek Lemek
Lemekna nyaek Metusala
37Metusalana nyaek Inok
Inokna nyaek Jeret
Jeretna nyaek Mahalalil
Mahalalilna nyaek Kenan
Kenana nyaek Inos
38Inosna nyaek Set
Setna nyaek Adam
Adamna nyaek God.
Currently Selected:
Luk 3: ian
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
