Efesasi 1:18-21 Apaipa ali'ka halesanake'a kakai'kaleka visaya yafe ke hu'nana vaya'moki henaka'a va'yi hisea yana apame'atiti hu'a akeva hu'naya ya'mo aepa'a afi'a alakepa hisaya yafe kafine'koe. Kakaeya Yisasife af | Anumaya Kotiꞌa Saufa Lamiꞌnea Ke (INO)

Efesasi 1:18-21 INO

Apaipa ali'ka halesanake'a kakai'kaleka visaya yafe ke hu'nana vaya'moki henaka'a va'yi hisea yana apame'atiti hu'a akeva hu'naya ya'mo aepa'a afi'a alakepa hisaya yafe kafine'koe. Kakaeya Yisasife afi'a apaipafi male'naya vayafe “Nakaeya vaya mai'netapa lusi amuse nehaya yana fate akufa ya lapate'noe.” hu'ka hu'nana ke afi'a alakepa hu'a afisae hu'na kafine'koe. Apa'kaeya ma ya afisaya yafe kafine'koe mi'ko afina kakaeya lo'kiya'kamo'a Yisasife afita laipafi male'nona vaya'mokita laipafi hane'neno laya nehea yafe afisae. Ani lo'kiya yana lusi ya'kefaketa lakaeya ohapalikune. Ani lo'kiya'kaleti Kalaisi'a fali'nike'ka Anumaya Kotika fali'neapati ali'ka hetitete'ka avale'ka asaka hu'ka kaya lamaka aupalika ala vaya mai'nayateka ate'nanakeno ko'ku'napi kakaeya'ae mai'ne. Ani lo'kiya'ka afi'a alakepa hu'a afisae hu'nae nakaeya kafine'koe. Kalaisi'a ko'ku'napi mai'neno mi'ko ala kava vayama'a ko'ku'napi mai'naya vaya'ae mopale mai'naya vaya'ae Anumaya Koti kayo kayo vaya'ae Sata afe'yaka'ae apa'ki hane'nea vaya'ae meni afina mai'naya vaya'ae henaka'a fole aisaya vaya'ae Kalaisi'a mi'ko kava vaya'aina apa'kaseno ala kava Ve'ka mai'ne.

Read Efesasi 1