Madiu 10

Yesu 'ina tononoyao 'adi esanao

(Maki 3:13-19; Luke 6:12-16)

1 # Mk 6:7; Lu 9:1 Yesu 'ina tononoyao site tuwelo 'ibwauyedi ga loina be waiwai 'i'ebwa'edi be 'enega sawesawediya yaluyaluwa bi'i tomota 'ediyega sida ula apwesedi be le'oasa be neneta tomota 'ediyega sida giebobo'anedi. 2Tonono nidi 'adi esanao getedi: Nugana Saimoni, tauna sieesena Pita, ta tasina Anidulu, be Yemesa ta tasina Yoni, taudi tamadiya Sebedi, 3be Pilipi be Batolomiu be Tomasi be Madiu, tauna takisi 'ana to'ewa, ta wate mali Yemesa tauna Alipio natuna, be Tadiasi, 4ta wate mali Saimoni, tauna togewana sinabwana 'ebeloina manuna, be Yudasa Isikaliota, tauna ma'etamo Yesu 'ida sipupuye.

Yesu 'ina tononoyao 'idi paisewa

(Maki 6:7-13; Luke 9:1-6)

5Yesu site tuwelo nidi 'iloinedi ga 'ietunedi, 'igwae, “Geya'abo taudi nigeya me Yudia 'ediya watautauya, ta wate geya'abo Samelia 'asanao 'ediya walugulugu, 6#Yel 50:6; Md 15:24ta esi sipi kwanikwanidi 'ediya watatauya, taudi nate 'ida bodao me Isileli, 7be 'ediya wasimana apwesa 'aene Yaubada 'ina loina ni'atu 'imai saba. 8Tole'oasao wagiebobo'anedi be tomwawasa wagietoolodi be tolepeloyao wagie'esasedi, ta wate yaluyaluwa bi'i tomota 'ediyega waula apwesedi. Yaubada 'ina oboboma ni'atu 'i'ebwaya daisimi, 'enega 'omi wate 'ilobwenemi be wada 'ebwayadaita tomota 'ediya.

9“Ta 'imi sakowasi 'enaya geya'abo 'eisa mani 'imi tana 'ediya wausausa 'abwaga manuna. 10#1 Ko 9:14; 1 Ti 5:18Geya'abo wate tana wa'ewa'ewa. Geya'abo watei 'ami 'oama 'eluwena, nai 'ami 'aelawa 'eluwena, nai 'imi 'etoguna 'eluwena wa'ewa'ewadi, manuna topaisewa 'ana masula sawesawenaya be 'iloba.

11“Ta 'eguma 'asa sinabwana nai gidalina 'ena walulugu, wa'ebesa nugana yaita 'ina bubuna bobo'ana, 'enega 'enaya wae'owaga 'ana laba sena nina wapilisine. 12Ta 'abo 'ebweu anuwa 'ena walulugu, nugana wada lokagutoki 'ediya, 13ta 'abo susu nidi 'idi bubuna bobo'ana waenima lotunedi be waona obobomedi, ta 'abo 'idi bubuna to'umalina geya'abo 'imi enimalotuna be 'imi onaoboboma 'ediya wamudamudali.

14 # Gu 13:51, 18:6 “Ta 'abo nigeya 'ebweu yaita 'i'au'au'ewami 'ina anuwaya, nai 'imi ona nigeya 'inoonoi, 'asa nina 'enega waapwesa be 'aemiyega nedila waloutuutu yauledi 'idi senaya, nate 'ebe'ita toni'asao 'ediya, be muliyega 'asa nina wapilisine. 15#Nug 19:24-28; Yu 1:7Ona'ai'aila, ma'etamo bwa'omatana 'ana tuta 'enaya, taudi 'asa nidi siguitoyasemi loina sinabwa wawasae siloba, ta nigeya nadigega me Sodoma be me Gomola 'adi loina.

'Elouya matadiya manuna

(Maki 13:9-13; Luke 21:12-17)

16 # Yo 10:12; Gu 20:29 “Wanuwa'i'isi 'aene 'abo'agu yaetuetunemi 'omi nadigega sipi panapanaisimi watautauya kedewa bosasa gamwagamwanidiya, 'enega 'ilobwenemi be wada nuwasinapu mwata 'atuwa, ta esi wada bubuna nuwana bunebune 'atuwa.

17“'Enega wa'ita'i'isimi, manuna tomota 'etamo sitauyemi etala manuna, be anuwa tapwalolo 'ediya 'etamo sisapisapimi, 18#Gu 25:23be si'au'ewami be sitauyemi toloinao ta kiniyao matadiya be sie'ewami manuna 'omi 'aene 'igu bodao, ta teteligu 'ediya wada simane, be wate sena apwesa tomoteninao 'imi simana sida nono.

19“Ta 'abo matadiya sietoolomi geya'abo wa'ate'atesa'ala be 'aene mwa'adega wada ona'esa, manuna 'etamo tuta nina 'ena Yaubada 'imi ona 'i'ebwa'emi, 20#Yo 14:26ta nigeya 'aene 'omi waonaona ta Yaubada yaluyaluwana 'emiyega 'ionaona.

21“Ta wate tuta simeemai 'ediya tomota 'idi susu solanaya losaiya 'ida apwesa manugu, nate tai tasina 'isipupuyei be siloemwawasi. Nadigega wate tamana natuna 'ida sipupuyei be siloemwawasi. Wate gogama sinadiyao be tamadiyao sida etalauwaledi be siloemwawasidi. 22#Md 24:9, 13; Yo 15:18-21Ta tomota maibo'adi sida etalauwalemi manuna 'omi 'aene 'agu toemisao. Ta 'abo yaisigedi sie'alama'i'ita be sitoolopa'ala ga 'ana laba tuta 'ana 'ebe losalowa 'enaya, gwausowala ataya sida loba.

23“Ta 'eguma 'ebweu sena 'ena siunuunumi wadedena mali 'asa 'enaya. Ona'ai'aila, ma'etamo geya'abo 'asa maibo'ana Isileli solanaya waguiguinuwa egumwali ta 'abo'agu Tomota Natuna#10:23 Tomota Natuna: Yesu tauna 'ieesena The Son of Man, 'ana mwalatoi tomota tuga. Yesu taunamo 'ieesena Tomota Natuna, ta 'ina e'itao 'ediyega tomota simwalatonina 'aene tauna To'etoseyana Keliso. yailama.

24 # Yo 13:16 “Tomuliya nigeya sawesawenaya be 'ina toe'ita 'isinabwasine. Nadigega wate topaisewa nigeya sawesawenaya be 'ina 'inapwana 'iloine. 25#Md 12:24Ta esi bobo'ana 'eguma 'aene 'omi 'agu tomuliyao ta 'abo'agu taeleleleya. Manuna 'abo'agu tonianuwa, ta 'abo ni'atu sieesegu Bielisibubi,#10:25 Bielisibubi: Yaluyaluwa bi'iyao 'idi 'inapwana, 'ebe matauta ta to'umalina, tauna Seitani 'ana tolema, nai Seitani tauna. Lowa me Ekiloni sibwagobwago 'enaya. 'omi 'igu bodao 'etamo si'awato'umali wawasaemi.

Matauta manuna

(Luke 12:2-9)

26 # Mk 4:22 “'Enega geya'abo wamatamatautedi, manuna yage nidi kwaikwaiyidi ma'etamo Yaubada 'igieapwesedi be sida lomatana'i. 27'Enega to'ase guguyoi 'ena yasimanedi 'emiya, 'asiyataya wada simanedi tomota yaudi 'ediya ta to'ase yae'awa sayasayaena 'emiya wada simana apwesedi 'imi bwaima etanidiyega.

28 # Ye 4:12 “Ta taudi oomi siloeloemwawasi geya'abo wamatamatautedi, manuna taudi oomi namo sawesawenaya be siloemwawasi, ta yaluyaluwami geya'abo. Ta esi Yaubada wada mataute, manuna tauna sawesawenaya be 'asagabugabu 'enaya oomi ta yaluyaluwami 'iloemwawasa luwedi.

29“'Ebe'ita gete, 'abo bedinegwa 'eluwa tagimwanedi 'adi maisa toea 'ebweuna namo, ta esi Yaubada 'i'ita'i'isidi, be 'abo 'ebweuna 'imwamwawasa nate Tamamina 'ina nuwanuwa 'enega. 30Ta 'anabwa'ayoi nigeya sawesawenaya be 'uya'uya wasawa 'ebweu deba 'enaya, Yaubada 'adi yau 'imwalamwalatonidi. 31#Md 6:26'Enega geya'abo wa'ate'ate sa'ala, manuna 'omi Yaubada 'ina yage sinabwana, ta bedinegwa nigeya yage sinabwana.

32“'Abo yaisigedi manugu sisisimana tomota matadiya, 'etamo galewaya 'abo'agu wate manudi yada simana Tamagu matanaya. 33#Mk 8:38; 2 Ti 2:12Ta 'abo yaisigedi sieyaseyaseyegu tomota matadiya, 'abo'agu wate ma'etamo galewaya Tamagu matanaya yaeyaseyaseyedi.

Nigeya egosigosiyana yame'eme'e ta losaiya esi

(Luke 12:51-53, 14:26-27)

34“Geya'abo wanuwena 'aene 'igu mai bale'uya 'enega nuwasiwalowa waloba. Nigeya sa'i, ta losaiya esiya. 35'Igu mai manuna tai tamana 'ida etalauwale, ta wate waine sinana 'ida etalauwale, ta waine lawana 'ida etalauwale, 36ta tai 'ina susu sida etalauwale.

37“Ta 'abo yaita tamana be sinana 'iobobomedi sinabwana ta 'abo'agu gidalina, tauna nigeya sawesawenaya be 'imuliyegu. Ta 'abo yaita wate natuna me'olotona nai mewainena 'iobobome sinabwana ta 'abo'agu gidalina, tauna nigeya sawesawenaya be 'imuliyegu. 38#Md 16:24-25; Mk 8:34-35; Yo 12:25Ta 'abo yaita yawasina nigeya 'itagwatagwalei be 'imwamwawasa kelose 'enaya, nadigega 'abo'agu, tauna nigeya sawesawenaya be 'imuliyegu. 39Ta 'abo yaita tauna yawasina manuna 'iguiguinuwa, ma'etamo 'ida loseye; ta 'abo yaita yawasina 'iloseye manugu, ma'etamo yawasi bobo'ana 'ilobalima.

Pali manudi

(Maki 9:41)

40 # Mk 9:37; Ga 4:14 “Ta 'omi 'abo yaita 'i'au'ewami, 'abo'agu be 'agu Toetune wate 'i'au'ewema. 41Be 'abo 'oyo palopita 'u'au'ewa 'ina epalopita manuna, ma'etamo palopita 'ana pali 'uda loba. Ta 'abo 'oyo tai bobo'ana 'u'au'ewa 'ina etai bobo'ana manuna, ma'etamo tai bobo'ana 'ana pali 'uda loba. 42#Md 25:40Ta 'abo 'oyo bwasi gonitu 'agu toemisa auwauna 'ebweu 'ena 'u'ebwaya, yaeonayo ma'etamo 'amu pali bobo'ana 'uloba.”

Currently Selected:

Madiu 10: dob

Highlight

Copy