Luke 4:9-12

'Enega Seitani Yesu 'i'au'ewena ga 'itauyena Yelusalema ga Anuwa Tabu tabwana 'ai'ailaya 'itu'eyena ga 'ena 'ieonena, 'igwae, “'Eguma 'oyo Yaubada Natuna, gete 'enega 'usosobu ta geya'abo 'uesiesilae, manuna Buki Tabu ni'atu 'isimana, 'igwae, ‘Yaubada 'ina aniloseyao 'ida loinedi be si'ita'i'isiyo.’ Ta 'ebweu wate 'ina ona 'igwae, ‘'Ina aniloseyao sida 'aaliyo be 'enega geya'abo 'aeyo siesiesilae gulewa 'ediya.’ Ta Yesu ona nina 'ie'isena 'igwae, “'Ebweu wate ona Buki Tabu 'ena 'imiyami, 'igwae, ‘Geya'abo 'imu 'Inapwana Yaubada 'utootoo.’