Luk 3:4-6

Na yé klon gdohò i sulat Isaya, satu tugad i Dwata di munan, manan, “Nun to tamlo di banwe landè to mnè ditù, manan, ‘Fatlagadyu i dalan i Amu, na tanluhyu i gumagun fagu di kafatlagadyu i ktoyu. Lnimunyu i kdee dad sbang na sandatalyu i dad bulul. Tanluhyu i dad dalan kigò, na lnimunyu i dad dalan magbang. Na teen i kdee dad to i dalan kagalwà blé Dwata.’ ” Yé ta fala fgadè Isaya di muna gablà ku Dyan.