Filibai 2:6-8

Kale aka madák bakan tadongin danim be aka Got so kal biyámsa ade aka atin Got alata. Bude afan ilim abin abem makuw teinámin, kata aka alam aket uyo abin abem bo kudálono, kalese. Kata aka naka kanodin kinim buyo kalese bá, aka alami abin abem kaw tam uyo kadis kudá nada aket tet dau madák kinim nulutaw kei nada wok fakudin kinim kal wakuduse. Wanang kinim ika atamomo, aka sák kinim madik ilitaw ka. Akeisidiw. Kale aka alam win uyo kufodin banim keidano, Got weng bakodaw, “kaba kudalaw kinim ita kanbidokabiw.” Akane, aka Alaw weng kidilaw nada madák tada kinim ika anew yak as dawing dákamin dim dawti sil biki atin fatom leiw so keidawiw fikalese kala.