Luˉka‸ li‸ 7:7-9

Chi hta‸ pa taw, ngaˬ lehˬ nawˬ geh lo laˬ maˇ keunˍ teh‸ dawˇ ve yoˬ. Ya‸ hkʼaˇ nawˬ tawˇ teˇ peu-eˬ ceh yaw ve ka‸, ngaˬ ve awˬ ceˬ na-e la tuˬ yoˬ. Awˬ lawn kʼo, ngaˬ lehˬ shu ve kanˇ paˆ awˬ hawˉ lo chehˇ leh, ngaˬ awˬ hawˉ lo ka‸ ma‸ yaˇ teˇ hpaˍ cawˬ ve yoˬ. Teˇ gʼaˇ hta‸, Kʼai-o teh‸ kʼoˆ piˇ ve kʼo, yawˇ kʼai ve yoˬ. Teˇ gʼaˇ hta‸, Laˬ-o‸ teh‸ kʼoˆ piˇ ve kʼo, yawˇ laˬ ve yoˬ. Ngaˬ ve awˬ ceˬ paˍ hta‸ htawˇ, Chi hta‸ te-o teh‸ kʼoˆ piˇ ve kʼo, yawˇ te ve yoˬ teh‸ kʼoˆ piˇ tcuh ve yoˬ. Tawˇ chi hta‸ Yeˍsuˆ gʼa kaˇ htaˇ yawˇ anˇ leh, yawˇ awˬ hkʼaˇ suh kʼai ve chaw awˬ moˍ lonˉ hta‸ hpfuhˆ nyi leh, Ngaˬ nawˬ hui hta‸ kʼoˆ laˇ ve, Iˉsaˍreˍlaˆ chaw awˬ hkʼaw lo ka‸ chi taw taw yonˍ ve hta‸ ngaˬ maˇ gʼa mawˬ jaw sheˍ teh‸ kʼoˆ ve yoˬ.