Acts 2

1Aman pats Pentecôte a mshké ma, ta zhé téléba a sam staƋ.

2Tsam tsam skwi ngiƋé a mshké te zhiklé, a nkuƋau ara kozlar mbia'a, a n'ndha gi téléba man ta nza te pa. 3A né'énhai, ara né'én vogwa, a ta rkè, ta kezla gèƌ, a ta nza a gèƌ ndo staƋ staƋ. 4A ndav tenga'a tèlèba n'ndha a Mèzhèɓ Zhiklè nkezla'a, a ta hüno ngèƋè a da'ai tsaƋ tsaƋ, staƋ staƋ da'ai ngiƋè, ara Mèzhèɓ Zhiklè a va na.

5Te kokwar Jérusalem ndohi Juif ta zhé, man ta gi zlau Zhiklè, man ta shké te verzi ndohi herkeda tsaƋ tsaƋ. 6Aman ta tsena ma haha, ta haya va kumba, géƋ ta ndzakaɓa, aman ta tsena staƋ staƋ a géƋé a da'ai kokwar ta. 7A ta rzl ta, a ta hur a vata, a ta gaƋa:

na, haha mé? Ndohi man ta géƋé a haha, ndohi Galilée ka ɓi Ƌé? 8A nga tsena ma tenga'a a da'ai kokwar nga éhémé? 9Parthes, Médes, Elamites, ndohi kokwar Mésopotamie, Judée, Cappadoce, Pont, Asie, 10Phrygie, Pamphylie, Egypte, Eibye ndul ndul a ma Cyrène, a ndohi man ta shké te kokwar Rome, ndohi Juif a gwoli Juif, 11a ndohi Crête a Arabes, nga tsena ara man ta gèƋè a gèƋ nrkedi Zhiklè mbia'a a da'ai nga èhèmè?

12Ta tèlèba ta rzl ta, gèƋ tenga'a ndzakaɓa, a ta goƋ a va ta:

Skwi haha a da ndikè ta ahngwa?

13Aman ndohi ngiƋè ta ngwoshè a pa, a ta gaƋa:

Ndohi haha, ndohi zom.

14A Pierre a nslambaƋa a nda tengahia 11, a nhüno man a gaƋa ta:

Kinè, ndohi Juif a ndohi kokwar Jérusalem tèlèba! I woy a i ngreda kinè skwi haha, vafa na zlembaƌ a ma ga!

15Zom a keƌ ta ndohi haha azɓai, ara man kin huro; prèk di genè ma! 16Aman nenga'a skwi man Joel, ndo nhadka ma, a ngaƋa:

17Zhiklè a gaƋa: A pats ndikèma skwai i woya man a i bèƋè Mèzhèɓ ga a géƋ ndohi tèlèba, a wudahi kinè a dalahi kinè ta da hèƋè ma Zhiklè; golahi kinè ta da rka skwi man a ma, a ndohi kinè nhala'a ta ngècè nshunè. 18A pats nasa i woy a i bèƋè Mèzhèɓ ga a géƋ ɓèlèlihi ga, ko ngura'a ko ngwoz, a ta hèƋè ma Zhiklè.

19I woya man a i ngréƋè nrkedi te zhiklè te géƋè'a, a i ngréƋè skwi t'hai t'herkeda, pombaz a vogwa, a vodzok. 20Pats a da ngwèƋè va na a ruva, a kia a da ngwèƋè va na a pombaz; te deɓa'a pats kita Bi Zhiklè a shkè, pats mbia'a a n'njèlè. 21Te deɓa'a ko wawa man a tsi rai a nzlembaƋ Bi Zhiklè, a mbél na.

22Kinè, ndohi Israel, vatsena ma ga! Yèsu ndo Nazareth, nasa ndo man Zhiklè a nfau a mizlinè a nrkedai a skwi man Zhiklè a gau a nenga'a a sam kinè (ara man kinè ba kin suna). 23Te deɓa'a, aman ta fèda a kita ma, ara Zhiklè a nhur zlèzlèa a woya a ngia'a, kin gezlala'a, a kin va ta a ri a ndohi malihai a ta keƋa'a.

24Zhiklè a nslambaƋkoƋauda, a mprokoƋauda te matakwan m'metsai. M'metsi a slaha man a ngsa ɓai. 25Aman David a goƋ a géƋ nenga'a:

Bi Zhiklè a zhè a sam di ga pèc pècèk, na zhè a tsagi ga, aman i giƋè va azɓai. 26Gar haha ndav ga langlanga'a, a i gèƋè ma mwuffè, a gèƋ man ko va ga a n'nza, a i zhèrè te ndav. 27Aman ka jèkeda ndav ga a ri a kokwar-Bim'metsi azɓai, a ka gi aman ndo ngaya nkezla'a a huslè azɓai. 28Ka ngray civèƋ nshèffè, a ka da ndha ndav ga a mwuffè a sam di ngaya.

29Kinè, dalahimam ga, i woya aman i njè kinè ma auda tèlè, a géƋ David, babab nga hala'a. 30Nenga'a ba a m'mets na, a ta ra'a. Gi dzavi nenga'a a zhè a sam nga, ha patsna. Nenga'a ndo nhadka ma, a suna Zhiklè a ngaƋa na a mbèƋè, a woya a ngi aman verzi nenga'a a nzi a géƋ sam n'nzi bi nenga'a.

31A hod ma a géƋ nslambaƋkaƋa Kristi, man a gaƋa: Zhiklè a njèkeda a sam m'metsi ɓai, a zluèƋ va nenga'a a nhusla ɓai. 32Yèsu haha, Zhiklè a nslambaƋda. Nga tèlèba ndohi malwuƋihi a géƋ skwi sa. 33Antanta ri mandi Zhiklè a nzala'a, a n'ngots Mèzhèɓ Zhiklè nkezla'a, man Bab Zhiklè a mpasla na rai, a foko nga skwi haha man kin rka'a, a kin tsena'a.

34David a nda a zhiklè ɓai. Nenga'a a ngaƋa: Bai a ngaƋa na Bi ga: nzahai a civèƋ ri mandi ga, 35ha pats man i ge ta ndohi mayamhi ngaya a skwi nfi sak ngaya. 36Gar haha ndohi lsrael tèlèba sèi da suna a vava, Zhiklè a n'nga Yèsu haha, man kin gezlala`a, a Bai a Kristi.

37Aman ta tsena ma haha, a m'mbeƋama ta ndav, a ta gaƋa na Pierre a ndohi sak ngiƋè:

Dalahimam nga, nga da gi ma kè?

38A Pierre a ngaƋa ta:

Vangwoda ndav kinè, vagu baptême staƋ staƋ tèlèba a nzlembaƋ Yèsu Kristi a mpra mali kinè, a kin ngècè Mèzhèɓ Zhiklè nkezla'a. 39Skwi man Zhiklè a mpasla kinè rai, skwi kinè, a wudahi kinè, a ndohi tèlèba man ta dra, tèlèba man Bai, Zhiklè nga, a woy a mbaba ta.

40Ma haha, a ma ngiƋè tsaƋ tsaƋ a n'ngreda ta, a mbid ta, a ngaƋa ta:

Vagu aman kin mbél kinè te ndev ndohi ambaɓihia'a haha a géƋ herkeda!

41A ndohi man ta co ma nenga'a, ta gu baptême. A ta snkè na va va. A pats nasa ndohi ngu baptêmegozhèm makar. 42A ta slebau ma ndohi sak, a to do a ma ma te pa, a ta humda va, a ta tsaka movar, a ta tsu rai. 43A zlau a ndza ta ndohi tèlèba, a ta rka nrkedi kumba, a skwi man ndohi sak ta ngreda ta tsaƋ tsaƋ.

44Aman ndohi téléba man ta co a ndav, ta nza a sam staƋ, a ta humda skwi ta tèlèba. 45Skwi tenga'a, a kolongwi tenga'a, ta preda ma, a ta kezla ta ndohi man ta ngatsa skwa ɓai. 46A nciƋ sam a nciƋ sam ta ɓiceda va a gi Zhiklè, ta mba ma ta, ta ndau skwi n'ndai a mwuffè te gi ngiƋè te gi ngiƋè, 47a ta slubordo Bi Zhiklè, a ta ngots pombai a sam ndohi tèlèba. Aman a nciƋ sam a nciƋ sam Zhiklè a mpe ta ndohi man a mbel ta a va mpi ndohi Zhiklè.

Currently Selected:

Acts 2: MAFNT

Highlight

Copy