Exodo 10:21-23

Nagtaram an KAGURANGNAN ki Moises, “Unata paitaas an saimong kamot tanganing magkaigwa nin mahibog na kadikloman na matahob kan daga nin Egipto, sarong kadikloman na mamamatean kan gabos.” Kaya itinaas ni Moises an saiyang kamot, asin nagdiklom an Egipto sa laog nin tolong aldaw; dai nagkahirilingan an mga Egipcio asin dai nin siisay man na nakahale sa saiyang namumugtakan. Alagad maliwanag sa lugar kan mga Israelita.