MATA 17

1Kuudu ɔ̧t nɔɔn-gbunu Yeesu loo Piyɛr , Yakuba hi yɛ̧ɛ̧tɔ Yohana ka̧hi a ga̧a̧t za hɔɔt ha mukya̧,

2da zɛmr muulɔ a hi lɔlgbarɔ, muutɔ gaa an ɔ̧ti, gbandilɔ buu fɛr an lɛlgaalɛ. 3Kuudu walɛsɛrɛ wɔ hi gbɛn Bɛtya̧a̧kɛŋkya wɔrkɛ amntɛ wɔ Eliya hi Muusa hi ya̧a̧book hi Yeesu. 4Yɔ Piyɛr gbɛn anbɔ ma raa Yeesu

a Waar i, yɔ wɛ gi dihɛ, bɛɛrɔ, gi ha̧a̧mɔ be ɗuks duul taarɛ, gbunu mɔnɛ, zaa gbunu Muusa ɔnɛ, zaa gbun be Eliya ɔnɛ.

5Yɔ gi ya̧a̧boosig te, kuus gaati zaa yaatihi, hi wɛɛ hi lag ya̧a̧ za booy a kuus bɔ gedu

a yɛrɛ gi waa be wal yɔ ha̧a̧b ge hi kpoos be sɛw giya. Hat be sɛw gi a ge. Kɛmsinɛge!

6Yɔ walɛsɛrɛ ɔ̧ɔ̧ wɔ hi lag ya̧a̧boon bɔrɔ anbɔ hoob gi ha̧a̧hi ha̧a̧ltɔnɔ, hi gbuut a hɛbtdi. 7Yeesu sɔɔz ki̧i̧hi raahi

a bɔ hoob gi ha̧a̧nɛ, ɗukin ha.

8Yɔ hi pɛɛ lɔlya̧ wɛɛha hi gbɛ̄n doo za gɛ be, gɛ Yeesu gi gbunu. 9Yɔ hi wɛɛ hi sizig a ga̧a̧t bɔ hage Yeesu raahi anyɔ lɛ,

a hinyɔ nɛ gbɛnɔ bɔnɛ fɔks doo za, nɛ a̧a̧ nɛ buudu gi tuur an Za̧a̧n Waa bɔ gi rɛmlɔ gi ɗund a wɔrkɛ teesdu.

10Walɛ-sɛrɛ wɔ hi wɛɛ hi war Yeesu

a nɔ Bɛtmaakdɔkya wɔ hi dɔko a gi an Eliya gi zaa ket nɔ?

11Gii goohi

a Eliya gi zaako an gi gɛms hin sɛw kete. 12Yɛrɛ Eliya bɔ za̧a̧nɔ zaaza ma hɛw, wɛɛ dood hí mɛ̄ɛg gɛ be, hi gɔsig hinyɔ ha̧a̧hi. Hí wɛ̍ɛ̍ hi ha̧a̧n Za̧a̧n Waa bɔ ya̧a̧r anbɔ be.

13Walɛsɛrɛ ɔ̧ɔ̧ wɔ hi kɛm gɔ ma a gisihi book Yohana Bɛtmɛm Hotingoya bɔ dɔgl ɔ̧ɔ̧nɛ.

14Yɔ Yeesu tuur hi walɛsɛrɛ ɔ̧ɔ̧ a dood saal lɛl wɔ hi gi ge, wal za zaa a ge zagl gi muutdu, 15raage

a Waar i, mɛɛsum waa be wal ya̧a̧rɛ, gin zulnɔɔ, wɛɛ kosgumn gig tɔk ha̧a̧ltɔnɔ. Gɔ matig a laa du be, mɛm du be, 16be kamzig a walɛsɛrɛ mɔ wɔ hi, hi ɗɛ̄ɛg za̧a̧sig gɛ.

17Yeesu goo

a hey! nɛɛ dood ha̧a̧l wɔ nɛ waak a ɔ̧ti gi zulɛ nɛ ta̧a̧ ɗɔbsig gɛ, be kɔm ɔ̧t baari hi nɛɛ an be mɔm dɔgl nɛ nɔ? Kamsinbe waa bɔ hɛdi. Hi kamsig waa bɔ.

18Wɛɛ ya̧a̧l loorɛha̧a̧l bɔ gi waa bɔ muul du, loorɛha̧a̧l bɔ tuu ɔɔ waa bɔ ɓɔrbɔ. 19Walɛsɛrɛ wɔ hi sɔɔz Yeesu ge mukya̧ hi warige

a winɛ ri wi ɗɛɛ loorɛha̧a̧l bɔrɔ tuusig gɛ nɔ?

20Wɛɛ goohi

a ɗɔbsig nɛ kooda. Be dɔksin rɔbo a à nɛ gin nɛ ɗɔbsig nɛ an sitahi lɛŋksɛ, nɛ wɛɛ nɛ raa ga̧a̧t yɛrɛ a ha̧sum hɛdi mɔ rek hɔ, hinza yɔ ɗɛ̄ɛ̄nɛ gɛ, ga̧a̧t bɔ yɔ ha̧a̧sɔ. [ 21Yɛrɛ loorɛha̧a̧l wɔrɔ lab gɔ hi tuusihi hi Bɛt zɔ̧ki hi hinlilki kpɔd. ]

22Ɔ̧tzayɔ Yeesu hi walɛsɛrɛ wɔ hi gi lɛlgbun a Galile hɛbt du, Yeesu dɔgsihi:

a Za̧a̧n Waa bɔ gi gaay ma a dood naandu 23an hi gbɔŋge, gi rɛml gi ɗund a ɔ̧t taasimɛ.

Yɔ walɛsɛrɛ wɔ hi lag anbɔ kpoosya̧ ɗɔb ha̧a̧ltɔnɔ.

24Yɔ Yeesu hi walɛsɛrɛ ɔ̧ɔ̧ wɔ hi rek hi tuur a Kapɛr-nayum, Bɛtluk tooszekya wɔ hi sɔɔ a Piyɛr dɔŋdi hi warige

a ɗɛnt nɛ bɔ gɔ too Bɛtluk toos gɛ ya?

25Piyɛr

a hɔɔ, gɔ gi tookto ro!

Yɔ Piyɛr gi gulk a luk du Yeesu baar warige

a Simɔŋ, mɔ mɔkig nɔ? Waar ɛ gbɔlɛ wɔ a waal du dihɛ hi lootig hin hi tɛŋko, zaabe an toosɛ a bɔ ge nɔ? Hɛbtwaat gi gaak ya? Zɛ̧nɛ wɔ hi fu̧u̧z hɛbt za dɔɔm hii ya ri?

26Piyɛr ta̧a̧

a dood zaadɛ wɔ hi fu̧u̧z hɛbt za dɔɔm hii gɔ gi tooko.

Yeesu raa

a nɛ gi gi anbɔ, hɛbtwaat wɔ hi taa tooko. 27Yɛrɛ an bɔwɛ nɔɔsihi kpoosɛ, rekum a mɛmbal du mɔ gbal galo, dut biitir bɔ gɔ mɔ wa̧a̧ mɔ aa ya̧a̧ɔ mɔ́ zɛm tus gaat gbun yɔ gɔ gi rii toos benɛ hi mɔnɛ gedu, mɔ loo mɔ kamz mɔ gaahi.

Currently Selected:

MATA 17: NTD

Highlight

Copy