Saumu 59
59
Osewomatoh Ritonõpo a
Tawi nymerohpyry, inekarohpyry eremiaketõ tuisary a, soutatu tõ tonyohse ahtao Sauu a Tawi tapyĩ taka Tawi etapatohme.
1Ritonõpo Jesemy kypynanohko jepetõkara winoino!
Kuewomako japoiry se exiketõ winoino.
2Kypynanohko orutua kõ popyra exiketõ winoino;
kuewomako jetapary se exiketõ winoino.
3Ritonõpo Jesemy, eneko ke!
Jeraximãko mã toto jetapatohme.
Orutua komo, imehnõ ryhmary se exiketomo,
osenetupuhnõko mã toto japoiry poko.
Yrome yyrypyry pokoino pyra,
popyra jehtopõpyry pokoino pyra roropa,
4zae pyra jehtoh pokoino pyra,
atarypõko mã toto japoitohme.
5Ritonõpo Jesemy, Jamihmehxo Exikety,
owõko ty jakorehmatohme! Eneko, Ritonõpo,
Izyraeu tõ Esemy!
Apakako opoetory tõ kara wãnohtohme,
enupunara exiko mokaro, ewokananõ poko te,
popyra exiketõ poko, enara.
6Tykohmãse ahtao oehnõko ropa mã toto
kaikuxi tõ samo, pata poro ytoytõko mã toto.
7Tõmirykõ ke imehnõ enaroximãko mã toto,
tytapemakẽ samo; imehnõ eunohnõko:
“Yna omiry onetara imehnõ mana,” ekarõko toh mã repe.
8Yrome omoro, Ritonõpo, mokaro poko
exianãko mase;
mokaro emero opoetory tõ kara poihtõko mase.
9Ritonõpo, torẽtyke pyra ase ajamitunuru
enetuputyryke ya; jesaryme jamihmã roropa mase.
10Ypyno oexiryke, Ritonõpo, oehnõko mase
oseporyse ymaro;
jepetõkara poremãkapory enepõko ya mase.
11Ritonõpo, jepetõkara onenahkara exiko,
ypoetory tõ wenikehpyra ehtohme
popyra mokaro ehtoh poko! Ritonõpo yna Ewomane,
mya toto aropoko ajamitunuru ke, iporemãkako toto.
12Tahxime jepetõkara otururuhtao,
iirypyryme mã toto.
Ah tapoisẽme nexĩ toto aepyryparykohtao!
Popyra ehtoh enehpõko mã toto imehnõ pona,
ajohpe oturũko roropa mã toto;
13naeroro mokaro enahkapory se ase oya
zehno awahtao, tonahkase toto ehtohme.
Mame tuaro exĩko mã toto:
Ritonõpo Izyraeu tõ Esẽme mana,
sero nono põkõ porehme esẽme roropa mana.
14Tykohmãse ahtao jepetõkara oehnõko ropa mã toto,
pata poro ytoytõko mã toto kaikuxi tõ samo.
15Kaikuxi tõ sã ytoytõko mã toto pata tõ poro,
tonahsẽ zupĩko, xitãko tonahsẽ ipune pyra ahtao.
16Yrome eremiãko ase ajamitunuru poko.
Tõmehse ahtao eremiãko ase ypyno oehtoh poko.
Jewomaneme toehse mase, jesaryme jamihmã mase
popyra ehtoh toehse ahtao.
17Oya, Ritonõpo, eremiãko ase oeahmaryme!
Omoro mase jesary jamihmãme,
omoro mase Ritonõpo, ypyno Exikety.
Currently Selected:
Saumu 59: apy
Highlight
Share
Copy
Want to have your highlights saved across all your devices? Sign up or sign in
©2017, Wycliffe Bible Translators, Inc.
