Saumu 52
52
Zae Ritonõpo mana, kypyno xine roropa
Tawi nymerohpyry toytose Toeke etomita ahtao tuisa Sauu a ekarose Tawi ytotopõpyry poko Apimereke a.
1Oty katoh epyrypãko mah popyra oehtoh poko,
orẽpyra exikety?
Kypyno xine Ritonõpo ehtoh
anamonohpyra mana jũme.
2Atamorepãko mase imehnõ ryhmary poko;
taerẽ exikety sã onuru mana.
Ike imehnõ enekunohnõko mase, ajohpe õmiry exiryke.
3Popyra ehtoh sehxo mase kurãkõ se hkopyra,
ajohpe ehtoh sehxo roropa mase,
zae omi se hkopyra mase.
4Ajohpe exikety, imehnõ ryhmary
sehxo mase õmiry ke!
5Morara exiryke jũme oenahkãko Ritonõpo mana;
ãpoĩko mana, jarãnaka oemãko mana atapyĩ tae;
sero nono isene exiketõ esary po
oenahkãko Ritonõpo mana.
6Moro enẽko zae Ritonõpo omipona exiketõ mana,
enaromỹke exĩko mã toto;
opoihtõko mã toto, ynara ãko:
7“Enetoko ke mokyro mã Ritonõpo onyripyra
towomaneme; yrome orẽpyra tõsekarose ynororo
itamurume tymõkomoke toexiryke, tõsewomary tukuhse ynororo zae pyra toehtoh poko.”
8Yrome oriwera zoko sã ase ahtãko
Ritonõpo tapyĩ myhto;
ypyno aexiry enetupuhnõko ase,
jũme ypyno exikehpyra mana.
9Ritonõpo, oeahmakehpyra ase onyrityã pokoino;
opoetory tõ ẽpataka kure oehtoh ekarõko ase.
Currently Selected:
Saumu 52: apy
Highlight
Share
Copy
Want to have your highlights saved across all your devices? Sign up or sign in
©2017, Wycliffe Bible Translators, Inc.
