Saumu 48
48
Jerusarẽ, Ritonõpo patary
Kora tõ nymerohpyry.
1Tuisamehxo Ritonõpo mana, eahmaryme
seremiatone ipatary Xião po, esary ypy kurã po.
2Ritonõpo esary ypy kae mana, kure potu roropa;
Tuisa konõto patary poko atãkyemãko
sero nono põkõ mã toto porehme.
3Tonepose Ritonõpo a tymaro exiketõ
ewomãko mana, tapyi jamihmãkõ tao pata po.
4Imehnõ tuisa tõ tõximõse tõsetapatohkõme,
ypy Xião kararahtohme repe.
5Yrome toeporehkase toto ahtao pata pona
tõserehse toto; toepase toto enaromỹke toexirykõke.
6Tonaroxitapãse toh nexiase, taosanumase toto,
nohpo jetũ ehtoh samo enururuhtao,
7wapu ao ytoketõ samo, wapu konõto ao
tomase ahtao pohkane konõto a,
tyryrykane jamihme exikety maro.
8Ritonõpo nyrityã poko totase yna a,
seromaroro ynanenease Kuesẽkõ nyrihpyry typatary ao,
Ritonõpo Jamihmehxo Exikety.
Jũme typatary ewomãko mana.
9Ritonõpo, Atapyĩ tao osenetupuhkehpyra ynanase yna pyno oehtoh poko.
10Ritonõpo, oeahmãko ahno tõ mana emero
nono po, oesety waro onyrityã roropa
imeimehnõ nonory po porehme.
Zae rokẽ tuisame mase;
11atãkyematoko Jerusarẽ põkomo!
Ritonõpo, zae rokẽ apiakãko mase!
Naeroro atãkyematoko Juta patary tõ põkomo!
12Ritonõpo poetory tomo, ytoytotoko Jerusarẽ poro,
tapyi tõ kaetokohxo exiketõ ikuhtoko
tuhke exiry waro ehtohme!
13Pata apuru tõ enetoko kure;
soutatu tõ esary jamihmãkõ enetoko kure roropa.
Morarame ynara ãko matose
opoenomo a apakomotyamo a roropa:
14Mose Ritonõpo jũme Kuesẽkõme mana.
Zae kuarotorỹko mana jũme rahkene.
Currently Selected:
Saumu 48: apy
Highlight
Share
Copy
Want to have your highlights saved across all your devices? Sign up or sign in
©2017, Wycliffe Bible Translators, Inc.
