SALMOS 116
116
Wocolix i yʌlʌ Dios cha'an ma'anic tsa' chʌmi
1Mij c'uxbin c Yum come tsi' yubibeyon coración che' bʌ tsac pejca ti wocol t'an.
2Mi' yubibeñon coración.
Jini cha'an mi caj c chʌn pejcan che' cuxulon to.
3Colelix c chʌmel, tsa' cʌn jujch'iyon.
Tsac cha'le bajq'uel che' bajche' jini woliyo' bʌ ti chʌmel.
Cabʌl tsa cubi wocol, ch'ijiyem jax c pusic'al.
4Tsa' caji c pejcan lac Yum ti' c'aba'.
Awocolic c Yum, coltañon.
5Uts lac Yum, toj ja'el.
Mi' p'untañonla lac Dios.
6Lac Yum mi' cʌntan jini p'ump'uño' bʌ.
Che' an cabʌl c tic'lʌntel tsi' coltayon.
7La' sujticon ti pejtelel c pusic'al ba' mij c'aj co,
Come c Yum tsi' wen pʌsbeyon i yutslel.
8Tsa' loc'sayon ba' colel c chʌmel,
Tsa' sujcubeyon i ya'lel c wut.
Tsa' p'ʌtesa coc che' colel c yajlel.
9Mi caj cajñel ti' tojlel lac Yum che' cuxulon to wʌ' ti pañimil.
10Ba' ora woliyon ti cabʌl wocol tsac chʌn ñopo Dios.
11Tsa cʌlʌ xlotob pejtel winicob,
Come tsac lon ña'ta mach lajmicon.
12¿Pero wʌle chuqui mi mejlel cʌq'uen lac Yum
Cha'an pejtelel i yutslel tsa' bʌ i pʌsbeyon?
13Mi caj c ch'ʌm jini taza i yejtalʌch j coltʌntel.
Mi caj c pejcan c Yum, come p'ʌtʌl i c'aba'.
14Ya' ti' tojlel i cha'ano' bʌ
Mi caj c ts'ʌctesan c t'an tsa' bʌ c sube c Yum.
15Lac Yum mi' wen p'untan i cha'ano' bʌ che' mi' chʌmelob.
16C Yum, a winicon. Mi caj c yumañet come tsa' jitiyon.
17Mi caj c subeñet wocolix a wʌlʌ che' mi cʌq'ueñet tsʌnsʌbil bʌ a majtan.
Mi caj c pejcañet ti a c'aba'.
18Ya' ti' tojlel pejtel i cha'año' bʌ
Mi caj c ts'ʌctesan c t'an tsa' bʌ c sube c Yum
19Ya' ti' pam i yotot lac Yum, ti' yojlil Jerusalén.
¡Aleluya!
Currently Selected:
SALMOS 116: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.
