SALMOS 111
111
Dios mi' cʌntan i cha'año' bʌ
1¡Aleluya! Ti pejtelel c pusic'al mic suben wocolix i yʌlʌ lac Yum ti' tojlel jini tojo' bʌ mu' bʌ i tempañob i bʌ.
2Wen ñuc i melbal lac Yum ti' tojlel pejtel mu' bʌ i cʌñob
Mu' bʌ i tajob i tijicñʌyel i pusic'al cha'an i ye'tel.
3Ti pejtelel i melbal mi laj q'uel i ñuclel i yumʌntel.
Toj mi' yajñel ti pejtelel ora.
4Tsi' yʌc'ʌ ti chʌn ña'tʌntel jini ñuc tac bʌ i melbal.
Uts lac Yum, mi' p'untañonla.
5Mi' we'san jini mu' bʌ i bʌc'ñañob.
Ti pejtelel ora mi' ña'tan jini xuc'ul bʌ i t'an.
6Tsi' tsictesa i p'ʌtʌlel ti' tojlel i cha'año' bʌ.
Tsi' chilbeyob i lum jini sajtemo' bʌ cha'an mi' yʌq'ueñob.
7Xuc'ul pejtel i melbal, toj ja'el.
Isujm pejtel i cʌntesa.
8Xuc'chocobil i t'an ti pejtelel ora.
Mi' laj ts'ʌctiyel cha'an i xuc'tilel i pusic'al yic'ot i tojel.
9Lac Yum tsi' mʌñʌ i cha'año' bʌ.
Tsi' yʌc'ʌ xuc'ul bʌ i t'an mu' bʌ i yajñel ti pejtelel ora.
Ch'ujul i c'aba', bʌc'ñʌbil ja'el.
10Jiñʌch i cajibal lac ña'tʌbal che' mi lac bʌc'ñan lac Yum.
Mi' wen ña'tañob pañimil pejtel mu' bʌ i jac'beñob i mandar.
Mux i sujbel i ñuclel lac Yum ti pejtelel ora.
Currently Selected:
SALMOS 111: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.