PROVERBIOS 29
29
1Jini mach bʌ anic mi' ñoj jac' i tic'ol anquese cabʌl mi' tijq'uel mi caj i bʌc' jilel. Ma'anix i ts'ʌcal. 2Che' mi' cha'leñob yumʌntel jini tojo' bʌ, tijicña i pusic'al winicob x'ixicob. Che' mi' cha'leñob yumʌl jini sajtemo' bʌ, wocol jax mi' yubiñob winicob x'ixicob. 3Jini ch'iton winic mu' bʌ i mulan i cʌntesʌntel mi' ñuq'uesʌben i pusic'al i tat. Jini mu' bʌ i taj i yixic mi' cʌlʌx jisan i chubʌ'an. 4Jini rey mu' bʌ i cha'len toj bʌ meloñel mi' xuc'chocon i yumʌntel. Jini cabʌl bʌ mi' c'ajtin tojoñel yic'ot i majtan taq'uin mi' yotsan ti pobre i lumal. 5Jini mu' bʌ i lotin yambʌ cha'an mi' yʌsan ti mulil woli' yʌq'uen chij ti' yoc yilal. 6Jini xjontolil mi' yajlel ti' mul che' bajche' ti yac. Ma'anic chuqui mi' bʌc'ñan jini toj bʌ. Tijicñayʌch i pusic'al. 7Jini toj bʌ mi' coltan jini p'ump'un bʌ woli bʌ i tic'lʌntel. Jini jontol bʌ ma'anic mi' p'is ti' wenta. 8Jini xwajleyajob mi' xic'ob ti mich'ajel i pi'ʌlob ti tejclum ti mojt ti mojt cha'an mi' contrajiñob i bʌ. Jini año' bʌ i pusic'al mi' lajmesañob leto cha'an mi' cʌyob i mich'ajel. 9Mi tsa' ochi ti meloñel jini am bʌ i pusic'al yic'ot jini tonto bʌ, mach lajmic jini leto mi ti tse'ñalic mi ti mich'ajelic. 10Jini stsʌnsajob mi' ts'a'leñob jini toj bʌ. Jini tojo' bʌ mi' ñopob i coltan. 11Jini tonto bʌ mi' yʌc' ti tsictiyel pejtelel i mich'ajel. Jini wen bʌ i pusic'al che' jach ñʌch'ʌl mi' cʌytʌl. 12Mi woli jach i ñop lot jini am bʌ i ye'tel jontolob pejtel i winicob. 13Jini p'ump'un bʌ yic'ot jini mu' bʌ i tic'lan mi' q'uelob i bʌ. Lajal tilem ti Dios i cuxtʌlel. 14Xuc'ul mi caj i yajñel ti' buchlib ti pejtelel ora jini rey mu' bʌ i mel ti uts'at jini mach bʌ añobic i chubʌ'an. 15Cha'an ti asiyal yic'ot ti tsico' pusic'al mi' julel i pusic'al ch'iton. Jini che' jach bʌ mi' colel mi caj i yʌc' ti quisin i ña'. 16Che' mi' wa'chocontelob jini xjontolilob mi' yutsi p'ojlel jontolil. Jini tojo' bʌ mi caj i q'uelbeñob i yujtibal i p'ʌtʌlel. 17Aq'uen i tsico' pusic'al a walobil. Che' jini mux i yʌq'ueñet a c'aj a wo. Mux i tijicñesʌbeñet a pusic'al. 18Ya' ba' ma'anic sub t'an mi' cha'leñob bajche' jach yomob winicob x'ixicob. Tijicña jini mu' bʌ i jac' mandar. 19Mach cojic jach ti t'an mi' julel i pusic'al mozo, che' yujilix chuqui yom i yum pero mach yomic i yʌc' ti' pusic'al. 20¿A cʌñʌ ba winic mu' bʌ i bʌc' jʌmtech i t'an che' woli' cʌntesʌntel? Ñumen p'ump'un jax jini winic bajche' jini tonto bʌ. 21Jini mozo che' jach bʌ mi' colel ti' yotot i yum mux i yʌq'uentel i chubʌ'an i yum che' mi' chʌmel. 22Jini mich' bʌ mi' tech a'leya. Mi' tech cabʌl wocol jini yujil bʌ mich'ajel. 23Jini mu' bʌ i chañ'esan i bʌ mi cajel i q'uejlel ti pec'. Jini mu' bʌ i peq'uesan i bʌ mi cajel i q'uejlel ti ñuc. 24Jini mu' bʌ i coltan xujch' woli' sʌt i bʌ. Che' mi' pʌjyel ba'an am bʌ i ye'tel ma'anic mi' wis sub chuqui mi' ña'tan. 25Majqui jach mi' bʌc'ñan winicob x'ixicob mach librejic. Chucul ti yac yilal. Jini mu' bʌ i xuc'chocon i bʌ ti lac Yum añʌch i coltʌntel. 26La com lac tajben i yutslel i pusic'al am bʌ i ye'tel cha'an mi' melonla ti toj, pero jiñʌch lac Yum mu' bʌ i melonla ti jujuntiquilonla. 27Jini toj bʌ ts'a' mi' q'uel xjontolil. Che' ja'el jini sajtem bʌ ts'a' mi' q'uel jini toj bʌ.
Currently Selected:
PROVERBIOS 29: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.