Hebreos 8

Rë zhi'n nazhon kwa'n nile' rë ngulëi' men Israel, nake nela tu xkal tsa lo rë kwa'n nile' Jesukrist lo yibë' por be

1Xid rë kwa'n kidi'zh no lo go, kwa'n más nzhakla no ne go: Kinu be tu ngulëi'ro, no Me re' Jesukrist; no nguzob Me lad direch che'n Dios, kile' Me mandad plo nzob Dios lo yibë'. 2Nak Me ngulëi' ro le'n yado' kwa'n más nazhon, yado' kwa'n mis Dios michao', no gat lë't mene. 3Rë ngulëi' ro kwa'n mizo Dios lo yizhyuo re', naki'n miza' bixa' gon, nu nzhut bixa' ma lo Dios. Kuze', nu ska Jesukrist naki'n miza' gon lo Dios. 4No chi stubi nzo Jesukrist yizhyuo nal re', orze' ni gat ñal ngak Me ngulëi', porke lo yizhyuo re' nzho la rë ngulëi' xa' niza' gon lo Dios, nela xmod nina'b ley kwa'n mila' Dios lo Muisés, 5ter nak rë zhi'n nazhon kwa'n nile' rë ngulëi' re' nela tu xkal ga', che'n rë kwa'n nzho lo yibë'; no nane be, nake kwa'n laore yi'd, porke or naga kuxkwa' Muisés yuo yid plo nidi'zh xa' kun Dios, nzhab Dios lo xa':

Biwi' par le'l lë'tsa lë' rë kwa'n milun lol, yek yi' Sinaí.

6Nal, más tsak zhi'n nazhon kwa'n nile' Jesukrist ke rë xa' nguio galo; no nu más tsak kwa'n mila' Dios di'zh par be por Jesukrist, ke lë'la kwa'n mila' Dios di'zh or galo, 7porke chi ngaya'n nambe laxto' rë men por kwa'n mila' Dios di'zh galo, orze' gat naki'ntra' ngala' Dios di'zh xtu wëlt par rë men ze', 8porke une Dios, nangont rë men che'n Me ro' Me, orze' se' midi'zh Dios lo Yech che'n Dios:

Biwi'u, lë' zhë zhin, lë' Da la di'zh xtu wëlt par rë men Israel,

mbaino par rë men Judá.

9Widi'zh kwa'n lan re' nagakte nela widi'zh kwa'n milan par rë xuz bixa', xa' nzhala,

or nguzena ya' bixa' par ngulon bixa' lazh men Egipto.

No por nangale' bixa' rë kwa'n milan di'zh lo bixa', kuze' milan bixa', nzhab Señor.

10No dispwes di rë zhë ze', nzhab Señor,

se' gak widi'zh kwa'n lan par rë men Israel;

nits ga' yo rë ley Da yek bixa',

mbaino le'n laxto' bixa' zobni'ne.

Orze' Na gak Dios che'n bixa',

no lë' bixa' gak men da.

11No gat naki'ntra' lu' bixa' lo wech bixa',

cho nak Dios,

porke rë men libe' Da,

dizde më'd win haxta men ngol.

12Por nilats laxto'n bixa',

nawi'ta kwan nak bixa',

mbaino nayotra' tsilan rë kwa'n nzë'b xki bixa'.

13Or midi'zh Dios, la' Me di'zh xtu wëlt, kure' gab, nazu'tra' kwa'n mila' Dios di'zh or galo; mbaino or nazu'tra' tu kwa'n, ngok go'x lai, kaxche'p lë'i yitlo la.

Currently Selected:

Hebreos 8: zca

Highlight

Copy