MARKUS Mejô yʼatataʼa
Mejô yʼatataʼa
E bôte benyin be nga tili bekalate be Mbamba Foé, Mark e nye a nga tili nyô a dañ étun. A bôt abui ba simesane fe na nye a nga taté tili a ba bevok be nga tili e mvuse jé.
Mark a ne wua ya be Mbamba Foé belal ya ôsu ba loobane na ñyenane fufulu. Mejô mé ya atataʼa, Mark a liti na Yésus a ne Mone Zambe (1:1,11,11; 3:11; 9:7 akk). Mbamba Foé nyô a ne Mbamba Foé Yésus Krist, a ne fe Mbamba Foé Zambe (1:14).
Kalate Mark a liti abui bebebela a beta be mam ya ényiñ Yésus aval ane ésaé Yôanes Babtist, nduane Yésus e mendim me Yordan, ngule jé ya loone bôt be bo beyéʼé bé a kañete Mbamba Foé, a yeʼele bôt, a saé akon meval meva, a ve bôt bidi, a bo bitua bi mam akk. Tame lañe ngume kalate Mark, wo ye yen mam malé mese été.
Beta ngab baa ya kalate wé été
Mark a liti aval ane Yésus a ke tôbane mintaé a wu a wômô, a ke yôp. Mam mete mme ma yange nye e Yérusalém 8-16. Biyoñe biyoñe bilaa, Yésus a ye kobô beyéʼé bé ajô te, ve be teke tuʼa wôk. Beta nlô jam a ne na a dañe loon émiene na: Mone Môt, mbo ésaé, mve ényiñ ajô bôt. Ve da ajô dé e too foʼo kom, ve ndimba.
Be nga kute nye mefas éyoñ a nyiʼin e Yérusalém. Ve éyoñ a nyiineya, a nga titane bebo makit e Nda Zambe, a tôbane mewosan e nsamba bôte be Zambe ya ayoñ Israél. Eyoñ éte fe nye ke a yen afôla ya yeʼele bôte mame valé, jaʼane bôte ba wosane nye, minkunda mi bôt a beyéʼé bé bebien (11-13).
Mark a jô na:
A wo ô maneya lañ Mbamba Foé Mark a nga tili, ye wô wo meme foʼo, aval ane njôô bezimbi ya Rôme na: Bebela, Yésus ya Nazarét a ne foʼo Mone Zambe.
Currently Selected:
MARKUS Mejô yʼatataʼa: BULU09
Highlight
Share
Copy
Want to have your highlights saved across all your devices? Sign up or sign in
© LʼAlliance Biblique du Cameroun, 2009