ទំនុកតម្កើង 34:4-11 ខ្ញុំបានអង្វរព្រះ‌អម្ចាស់ ព្រះអង្គក៏ឆ្លើយតបមកខ្ញុំវិញ ព្រះអង្គបានរំដោះខ្ញុំឲ្យរួចពីការភ័យខ្លាច ទាំងអម្បាល‌ម៉ាន។ អ្នកណាសម្លឹងឆ្ពោះទៅព្រះអង្គ អ្នកនោះនឹងបានពោរ‌ពេញទៅដោយអំណរ | ព្រះគម្ពីរភាសាខ្មែរបច្ចុប្បន្ន ២០០៥ (គខប)

ទំនុកតម្កើង 34:4-11 គខប

ខ្ញុំបានអង្វរព្រះ‌អម្ចាស់ ព្រះអង្គក៏ឆ្លើយតបមកខ្ញុំវិញ ព្រះអង្គបានរំដោះខ្ញុំឲ្យរួចពីការភ័យខ្លាច ទាំងអម្បាល‌ម៉ាន។ អ្នកណាសម្លឹងឆ្ពោះទៅព្រះអង្គ អ្នកនោះនឹងបានពោរ‌ពេញទៅដោយអំណរ ហើយនឹងមិនខកចិត្តសោះឡើយ ។ មនុស្សទុគ៌តស្រែកអង្វរព្រះ‌អម្ចាស់ ព្រះអង្គទ្រង់ព្រះ‌សណ្ដាប់ពាក្យគេ ហើយសង្គ្រោះគេឲ្យរួចផុត ពីគ្រោះកាចទាំងប៉ុន្មានផង។ ទេវតារបស់ព្រះ‌អម្ចាស់ថែ‌រក្សាការពារ អស់អ្នកដែលគោរពកោតខ្លាចព្រះអង្គ ហើយរំដោះពួកគេឲ្យរួចពីគ្រោះថ្នាក់។ ចូរពិសោធមើលដោយខ្លួនឯងចុះ ដើម្បីឲ្យដឹងថាព្រះ‌អម្ចាស់ មានព្រះ‌ហឫទ័យសប្បុរសដ៏លើស‌លុប! អ្នកណាពឹងផ្អែកលើព្រះអង្គ អ្នកនោះមានសុភមង្គលហើយ!។ អ្នករាល់គ្នាដែលជាប្រជា‌រាស្ត្រព្រះអង្គអើយ ចូរគោរពកោតខ្លាចព្រះ‌អម្ចាស់ ដ្បិតអ្នកដែលគោរពកោតខ្លាចព្រះអង្គ នឹងមិនខ្វះអ្វីឡើយ។ អ្នកមាន អាចជួបប្រទះនឹងការអត់ឃ្លាន ខ្វះខាតចំណីបរិភោគ តែអស់អ្នកដែលស្វែងរកព្រះ‌អម្ចាស់ នឹងមិនខ្វះអ្វីសោះឡើយ។ កូនចៅអើយ ចូរនាំគ្នាមក ហើយស្ដាប់ពាក្យខ្ញុំ ខ្ញុំនឹងបង្រៀនអ្នក ឲ្យស្គាល់អំពីការគោរពកោតខ្លាចព្រះ‌អម្ចាស់។

Read ទំនុកតម្កើង 34

Listen to ទំនុកតម្កើង 34