យ៉ូប 25
25
ប្រសាសន៍លើកទីបីរបស់លោកប៊ីលដាដ: អំណាចរបស់ព្រះជាម្ចាស់
1លោកប៊ីលដាដ ជាអ្នកស្រុកស៊ូអា ពោលឡើងថា៖
2«ព្រះជាម្ចាស់មានអំណាចគ្រប់គ្រង
ព្រះអង្គគួរឲ្យស្ញែងខ្លាច
ព្រះអង្គតាំងឲ្យមានសេចក្ដីសុខសាន្ត
នៅលើស្ថានដ៏ខ្ពស់បំផុត។
3គ្មាននរណាអាចរាប់ចំនួនកងពល
របស់ព្រះអង្គបានទេ
ពន្លឺរបស់ព្រះអង្គចាំងដល់មនុស្សគ្រប់ៗគ្នា។
4ដូច្នេះ តើមនុស្សអាចតវ៉ាថាខ្លួនសុចរិត
នៅចំពោះព្រះភ័ក្ត្រព្រះជាម្ចាស់បានឬ?
តើអ្នកដែលកើតចេញពីស្ត្រីអះអាងថា
ខ្លួនបរិសុទ្ធដូចម្ដេចកើត?
5នៅចំពោះព្រះភ័ក្ត្រព្រះជាម្ចាស់
សូម្បីតែព្រះច័ន្ទក៏បាត់រស្មី
ហើយហ្វូងតារាក៏មិនភ្លឺទៅហើយ
6ចុះចំណង់បើមនុស្សដែលមិនខុសពីដង្កូវ
ហើយកូនមនុស្សដែលមិនខុសពីជន្លេន
តើគេរឹតតែអន់យ៉ាងណាទៅទៀត!»។
Currently Selected:
យ៉ូប 25: គខប
Highlight
Share
Copy
Want to have your highlights saved across all your devices? Sign up or sign in
Khmer Standard Version © 2005 United Bible Societies.
