អេភេសូ 3:14-21 ហេតុនេះហើយបានជាខ្ញុំក្រាបថ្វាយ‌បង្គំ ព្រះ‌បិតា ដែលជាប្រភពនៃក្រុមគ្រួសារទាំងអស់ ទាំងនៅស្ថានបរម‌សុខ* ទាំងនៅផែនដី សូមព្រះអង្គមេត្តាប្រោសឲ្យបងប្អូន មានកម្លាំងមាំ‌មួនផ្នែកខាងក | ព្រះគម្ពីរភាសាខ្មែរបច្ចុប្បន្ន ២០០៥ (គខប)

អេភេសូ 3:14-21 គខប

ហេតុនេះហើយបានជាខ្ញុំក្រាបថ្វាយ‌បង្គំ ព្រះ‌បិតា ដែលជាប្រភពនៃក្រុមគ្រួសារទាំងអស់ ទាំងនៅស្ថានបរម‌សុខ* ទាំងនៅផែនដី សូមព្រះអង្គមេត្តាប្រោសឲ្យបងប្អូន មានកម្លាំងមាំ‌មួនផ្នែកខាងក្នុងជម្រៅចិត្ត ដោយព្រះ‌វិញ្ញាណរបស់ព្រះអង្គ តាមសិរី‌រុងរឿងដ៏ប្រសើរបំផុតរបស់ព្រះអង្គ។ សូមព្រះ‌គ្រិស្តគង់នៅក្នុងចិត្តបងប្អូនដោយជំនឿ និងសូមឲ្យបងប្អូនបានចាក់ឫសយ៉ាងមាំ‌មួនក្នុងសេចក្ដីស្រឡាញ់ ដើម្បីឲ្យបងប្អូនមានសមត្ថ‌ភាពអាចយល់ រួមជាមួយប្រជា‌ជនដ៏វិសុទ្ធ*ទាំងមូល នូវទទឹង បណ្ដោយ ជម្រៅ និងកម្ពស់ គឺឲ្យបងប្អូនស្គាល់ព្រះ‌ហឫទ័យស្រឡាញ់របស់ព្រះ‌គ្រិស្ត ដែលប្រសើរហួសពីការយល់ឃើញរបស់មនុស្ស ដើម្បីឲ្យបងប្អូនបានពោរ‌ពេញដោយគ្រប់លក្ខណ‌សម្បត្តិរបស់ព្រះ‌ជាម្ចាស់។ ព្រះ‌ជាម្ចាស់អាចធ្វើអ្វីៗទាំងអស់ហួសពីសេចក្ដីសុំ និងហួសពីអ្វីៗដែលយើងនឹកគិត ដោយ‌សារឫទ្ធា‌នុភាពរបស់ព្រះអង្គដែលបំពេញសកម្ម‌ភាពនៅក្នុងយើង សូមលើកតម្កើងសិរី‌រុងរឿងរបស់ព្រះអង្គក្នុងក្រុម‌ជំនុំ និងក្នុងព្រះគ្រិស្ត‌យេស៊ូ នៅគ្រប់ជំនាន់ អស់‌កល្បជាអង្វែងតរៀងទៅ។ អាម៉ែន។

Read អេភេសូ 3

Listen to អេភេសូ 3