Daniel 12
12
1Den e tempu ei, Mikael,#Hudas 9; Revelashon 12:7 e gran angel, protektor di bo pueblo, ta aparesé. Ta kuminsá un temporada di ansha. For di tempu ku nashonnan ta eksistí na mundu, nunka no tabatin un temporada asina.#Mateo 24:21; Marko 13:19; Revelashon 7:14; 12:7 Pero den e tempu ei, tur esnan di bo pueblo ku nan nòmber ta skibí den buki di Dios, lo salba. 2Hopi di esnan ku ta sosegá den graf, lo lanta; algun di nan pa biba te den eternidat, algun otro pa ta despresiá i detestá pa semper.#2 Makabeonan 7:9,14,23; Mateo 25:46; Huan 5:29 3Hendenan huisioso lo bria manera splendor di firmamentu i esnan ku a trese hopi hende den kaminda di Señor lo ta radiante pa semper, manera strea na shelu.#Sabiduria 3:7; Mateo 13:43
4Pero abo, Daniel, tene e palabranan akí sekreto. E buki mester keda seyá#Revelashon 22:10 te ora e fin yega. Hopi hende lo studi'é i konosementu lo oumentá.”
5E ora ei ami, Daniel, diripiente a mira dos persona mas pará, un na kada banda di e riu. 6Un di nan a puntra e hòmber, ku tabatin un paña di lenen bistí i ku tabata riba awa di e riu: “Kuantu tempu e kosnan ekstraordinario akí lo dura?” 7E ora ei mi a tende e hòmber riba awa di e riu i ku e paña di lenen bistí, hura ku su dos mannan na laria pa Esun ku ta biba pa semper:#Revelashon 10:5 “Un temporada, mas dos temporada, mas mitar temporada.#Daniel 7:25; Revelashon 12:14 Ora poder di e pueblo santu ta kompletamente destruí, e ora ei ta bini un fin na tur e kosnan akí.”
8Mi a tende sí loke el a bisa, pero mi no a komprondé nada i mi a puntra: “Mi shon, kon e kos akí lo kulminá?” 9El a kontestá: “Bai numa, Daniel, pasobra e buki ta keda seyá i e kontenido ta keda sekreto te ora e fin yega. 10Hopi hende lo ta purifiká pa medio di e pruebanan, pero e malbadonan ku no tin komprondementu, lo sigui kometé maldat.#Revelashon 22:11 E hendenan huisioso sí lo komprondé loke Dios ke di nan. 11For di e momento ku nan pone fin na sakrifisio diario i lanta un kos repugnante ku ta trese destrukshon,#Daniel 9:27; 11:31; 1 Makabeonan 1:54; 2 Makabeonan 6:2; Mateo 24:15; Marko 13:14 lo pasa 1290 dia. 12Felis esun ku perseverá te ora e 1335 dianan pasa. 13Pa loke ta trata abo, Daniel, sigui te final; lo bo bai sosegá i, ora e temporada akí pasa, lo bo lanta pa risibí loke Dios a destiná pa bo na fin di tempu.” ’
Currently Selected:
Daniel 12: BPK13
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
