Bǐbɛ́mɛ 6:1-4

Bǐbɛ́mɛ 6:1-4 FON13

Hwenu e gbɛtɔ́ lɛ́ɛ jɛ kún gba jí ɖo ayǐkúngban ɔ́ jí ɔ́, nǔɖíɖó e ɖo sɛ́xwé lɛ́ɛ mɔ ɖɔ vǐ yětɔn nyɔ̌nu lɛ́ɛ nyɔ́ ɖɛkpɛ ɖésú, bɔ yě kpɔ́n éé jló yě lɛ́ɛ ɖo nyɔ̌nuví énɛ́ lɛ́ɛ mɛ bó da. Ée yě bló mɔ̌ ɔ́, Mawu Mavɔmavɔ ɖɔ émí kún ná jó gbɛtɔ́ nyi gbɛ káká sɔ́yi ó, ɖó nǔ e yě wa nyi do ɔ́ wú. Agbaza kpowun wɛ gbɛtɔ́ nyí; xwe kantɔn (120) jɛ́n é ná nɔ́ nɔ gbɛ xɔ. Ée vǐ nǔɖíɖó e ɖo sɛ́xwé lɛ́ɛ tɔn lɛ́ɛ ɖó xó xá vǐ nyɔ̌nu gbɛtɔ́ tɔn lɛ́ɛ ɔ́, yě ji vǐ nú yě. Vǐ énɛ́ lɛ́ɛ wɛ nyí gbɛtɔ́ sakasaka e tíin ɖo ayǐkúngban ɔ́ jí hwenɛ́nu lɛ́ɛ. Yě wɛ nyí ahwanfuntɔ́ syɛ́nsyɛ́n hwexónu tɔn lɛ́ɛ; yě lɛ́ kpo ɖo ayǐkúngban jí káká jɛ égbé.

Read Bǐbɛ́mɛ 6

Listen to Bǐbɛ́mɛ 6