Dànì Kèhoį̀wo 10
10
Dǫ łǫ xàgeèɂaa
1Dıı godı dek'eèhtł'èe sìı Noah weza Shem, Ham eyıts'ǫ Jafet gıgodıì hǫt'e: Tı dèè goteètł'ı tł'axǫǫ̀ ededı̨ sı gıza łǫ gòı̨lè.
Jafet got'ı̨į̀
2Dıı Jafet weza agı̨ı̨t'e: Gomer, Magog, Madaı, Javan, Tubal, Meshek eyıts'ǫ Tıras.
3Dıı Gomer weza agı̨ı̨t'e: Ashkena, Rıfat eyıts'ǫ Togamah.
4Dıı Javan weza agı̨ı̨t'e: Elısha, Tarshısh, Kıtım eyıts'ǫ Rodanım. 5(Dǫ tıcho gà nàgedèe sìı eyı dǫ haàtłǫǫ gıts'ıhɂǫ̀ǫ-dǫǫ̀ agı̨ı̨t'e. Hazǫǫ̀ edenèk'e, gıts'ǫ dǫ xàgeèɂaa ta edèot'ı̨ xè łą̀ą nàgedè, eyıts'ǫ edeyatıì k'ę̀ę̀ gogede.)
Ham got'ı̨į̀
6Dıı Ham weza agı̨ı̨t'e: Kush, Mızram, Put eyıts'ǫ Kanan.
7Dıı Kush weza agı̨ı̨t'e: Seba, Havılah, Sabtah, Ramah eyıts'ǫ Sabteka.
Dıı Ramah weza agı̨ı̨t'e: Sheba eyıts'ǫ Dedan.
8Kush Nımrod wetà hǫt'e. Ekò k'e Nımrod dıı nèk'e eghǫǫ-dǫǫ̀ nàtsoo elı̨į̀ ajà. 9Gots'ǫ̀ K'àowo nadąą̀ nàzèe-dǫǫ̀-deè ı̨lè, eyıt'à dıı hats'edı, “Nımrod lanì gots'ǫ̀ K'àowo nadąą̀ nàzèe-dǫǫ̀-deè elı̨,” ts'edı. 10Nımrod, Shınar nèk'e k'àowo elı̨ ekò wets'ǫ kǫ̀godeè t'akwełǫ̀ǫ̀ gòı̨làa sìı dıı hagìyeh ı̨lè: Babylon, Erek, Akad eyıts'ǫ Kalneh. 11Nımrod eyı nèk'e gots'ǫ Asyrıa nèk'e ts'ǫ̀ k'àowo elı̨į̀ ajà. Ekǫ kǫ̀godeè Nıneveh, kǫ̀godeè Rehobot-Ir, kǫ̀godeè Kalah, 12eyıts'ǫ kǫ̀godeè Resen gòhtsı̨. Eyı sìı kǫ̀godeè Nıneveh eyıts'ǫ kǫ̀godeè nechàa Kalah wege gòı̨ɂà hǫt'e.
13Mızram wets'ǫ dıı dǫ xàgeèɂaa agı̨ı̨t'e: Lud got'ı̨į̀, Anam got'ı̨į̀, Lehab got'ı̨į̀, Naftuh got'ı̨į̀, 14Patrus got'ı̨į̀, Kasluh got'ı̨į̀ (eyı dǫ xàgeèɂaa gots'ǫ Fılıstea got'ı̨į̀ gǫ̀hłı̨), eyıts'ǫ Kaftor got'ı̨į̀. Eyı dǫ xàgeèɂaa hazǫǫ̀ sìı Mızram gots'ǫ dǫ agı̨ı̨t'e.
15Kanan t'akwełǫ̀ǫ̀ weza sìı Sıdon wìyeh, eyıts'ǫ dıı dǫ haàtłǫǫ xàgeèɂaa sìı Kanan wets'ıhɂǫ̀ǫ-dǫǫ̀ agı̨ı̨t'e: Het got'ı̨į̀, 16Jebus got'ı̨į̀, Amor got'ı̨į̀, Gırgash got'ı̨į̀, 17Hıv got'ı̨į̀, Ark got'ı̨į̀, Sen got'ı̨į̀, 18Arvad got'ı̨į̀, Zemar got'ı̨į̀, eyıts'ǫ Hamat got'ı̨į̀.
Eyı tł'axǫǫ̀ Kanan gots'ǫ dǫ xàgeèɂaa sìı eyı nèk'e hazǫǫ̀ ts'ǫ̀ agejà. 19Eyıt'à gınèè sìı kǫ̀ta Sıdon gots'ǫ kǫ̀ta Gerar gots'ǫ̀ nıɂà, eyıts'ǫ kǫ̀ta Gaza haı̨wa ts'ǫ̀, eyıts'ǫ kǫ̀ta Sodom, kǫ̀ta Gomorah, kǫ̀ta Admah, eyıts'ǫ kǫ̀ta Zeboyım gots'ǫ̀ nıɂà, eyıts'ǫ kǫ̀ta Lasha haı̨wa ts'ǫ̀ gınèè nıɂà hǫt'e.
20Eyı dǫ haàtłǫǫ xàgeèɂaa sìı Ham wets'ıhɂǫ̀ǫ-dǫǫ̀ agı̨ı̨t'e. Edèot'ı̨ k'ę̀ę̀ gıızì gǫ̀hłı̨ eyıts'ǫ hazǫǫ̀ edeyatıì k'ę̀ę̀ gogede, eyıts'ǫ hazǫǫ̀ edenèk'e nàgedè.
Shem got'ı̨į̀
21Jafet wechı Shem ededı̨ sı weza łǫ gòı̨lè. Shem, Eber weza hazǫǫ̀ gogha gıcho hǫt'e.
22Dıı Shem weza agı̨ı̨t'e: Elam, Ashur, Arfakad, Lud eyıts'ǫ Aram.
23Dıı Aram weza agı̨ı̨t'e: Uz, Hul, Geter eyıts'ǫ Meshek.
24Arfakad, Shelah wetà hǫt'e, eyıts'ǫ Shelah, Eber wetà hǫt'e.
25Eber weza nàke gǫ̀hłı̨: Įłè Peleg wìyeh. Ekò k'e dǫ ełets'ǫǫ̀ agejà t'à hawìyeh adlà. Peleg wechı Joktan wìyeh.
26Dıı Joktan weza agı̨ı̨t'e: Almodad, Shelef, Hazavet, Jerah, 27Hadoram, Uzal, Dıklah, 28Obal, Abımel, Sheba, 29Ofır, Havılah eyıts'ǫ Jobab. Eyı hazǫǫ̀ Joktan weza agı̨ı̨t'e.
30Gınèè sìı kǫ̀ta Mesha gots'ǫ kǫ̀ta Sefar ts'ǫ̀ nıɂà ı̨lè. Ekǫ sa kàɂàa ts'ǫnèe shìh deèla nèk'e agǫ̀ht'e.
31Eyı dǫ haàtłǫǫ xàgeèɂaa sìı Shem wets'ıhɂǫ̀ǫ-dǫǫ̀ agı̨ı̨t'e. Edèot'ı̨ k'ę̀ę̀ gıızì gǫ̀hłı̨ eyıts'ǫ hazǫǫ̀ edeyatıì k'ę̀ę̀ gogede, eyıts'ǫ hazǫǫ̀ edenèk'e nàgedè.
32Eyı hazǫǫ̀ Noah weza gıts'ıhɂǫ̀ǫ-dǫǫ̀ agı̨ı̨t'e. Hazǫǫ̀ gıcho gıızì k'ę̀ę̀ ełek'èdaà gıadè. Tı dèè goteètł'ı tł'axǫǫ̀ eyı dǫ xàgeèɂaa haàtłǫǫ sìı hazǫǫ̀ nèk'e ts'ǫ̀ ehkègı̨ı̨de.
Currently Selected:
Dànì Kèhoį̀wo 10: DNT08
Highlight
Share
Copy
Want to have your highlights saved across all your devices? Sign up or sign in
Tlicho Genesis and New Testament © Canadian Bible Society 2003, 2008.
