हिब्रू 11:24-27
हिब्रू 11:24-27 SUSZ
मिनु मोसा मोपा कोल्शा ठेयब दुम्शा, परमप्रभु यावे कली थमा सुइश्शा, मार पवा बाक्त देंशा हना “मुल ङा मेरे फाराओ आ तमी आ तौ मदुम्नुङ, आं मुर नु लाइनुङ” दे लमाक्त। पापीपुकी नु काथा बाक्शा, सुख जचा क्येङा परमप्रभु यावे आ मुर नु बाक्शा, श्येत जशा बाक्चा योव़तु। मारदे हना इजीप्त ङा शोंप नु मान तशा यो मारेइ मसुइक्थु “ख्रीस्तमी श्येत जशो खोदेंशो पा श्येत जचा थमा ङा शोंप नु मान बाक्ब, दे मिम्ताक्व। मिनु नोले इनाम यो तांइसीब” दे तुइश्शा थमा सुइश्शो बाक्माक्त। “मतांइसीब परमप्रभु यावे कली मिक्चीम तशो खोदेंब पा आं नेक्थान ताइनुङ” दे थमा सुइश्शा, पिपी गाइश्शो तशा यो महिंथु, इस्राएली आन कली इजीप्त रे ग्रुंइशा लाइक्मी बाक्त।
Bible App
Bible App for Kids
