उत्पत्ती 15
15
अब्राम आ आल
उत्पत्ती १७:-
1मिनु नोले परमप्रभु यावेमी अब्राम कली ङोमु खोदेंशो पा कोंइतीक कोंइदा बाक्त। मिनु मेकोमी अब्राम आ नें थिशा “अब्राम महिनो। गो इ कली कोव़नन। शुश आसीक गेनन” देंमाक्त। गन्ती २४:४,१६; भजन संग्रह ३:४ 2तन्न अब्राममी “आं कली मार गेनीनी ङा? आं के आल मबाक्नीम। आ अङस ताइब दमस्कस ङा एलीएजर दुम्ब। 3गे आं कली तमी तौ मगेयीनी। मुल आं खिंम जरमेशो वाइलम आं अङस ताइब दुम्त” देंमाक्त। 4मिनु परमप्रभु यावेमी लेंशा “मेको मुरुम इ अङस मताइब। इ आंम रां ङा इ तौमी इ अङस ताइब” देंमाक्त।
5मिनु मेकोमी अब्राम कली ताम्बु रे ग्रुंइशा “सरीङ गे कोव़ङो, सोरुल आन कली हिक्को। मेको हिक्ने चाप्नेवे? गिश बाक्मा, इ चच युइ यो मिश दुम्नीम” देंमाक्त। उत्पत्ती २२:१७; प्रस्थान ३२:१३; ब्यवस्था १:१०; हिब्रू ११:१२ 6मिनु अब्राममी परमप्रभु यावे आ लोव़ थमा सुदा बाक्त। मिनु परमप्रभु यावेमी अब्राममी थमा सुइश्शो तशा “ठीक पाइब मुर का बाक्त” दे तुइक्ता बाक्त। रोमी ४:३-५; याकूब २:२३
7मिनु लेंशा अब्राम कली “गो परमप्रभु यावे नङ। गो एको रागी इ कली गेचा कली कल्दी ङा ऊर सहर रे ग्रुंइताक्न” देंमाक्त। उत्पत्ती ११:३१; प्रस्थान ३:१४; यसैया ४५:५; यूहन्ना ८:२४-२९ 8मिनु अब्राममी “परमप्रभु, परमप्रभु यावे, आं के रागी दुम्ब, दे दोपा तुइक्नुङा ङा?” दे हिल्लो पवा बाक्त। 9मिनु मेकोमी “आं कली बर्स सां ङा बी का, बर्स सां ङा क्यारश का, बर्स सां ङा सांड का, ढुकुर का परवा आ चाइक्ब का चाक्ती” देंमाक्त। 10मिनु अब्राममी मेको नेल्ल चाक्शा क्योरशा, फेके पा रिक्शा, फेके का एर गे, फेके का ओंथ गे पा वोदा बाक्त। ढुकुर नु परवा चहिं फेके मसेला बाक्त, येरमीया ३४:१८-१९ 11मिनु ठेयब चिक्बपुकी मेको श्ये तशा, जुक्तमे बाक्त। तन्न अब्राममी “हाइ हाइ” दे ग्रीशा खेरमी बाक्त।
परमप्रभुमी कबल पशो
12मिनु नां रिक्चावानु, अब्राम मारेइ मतुइक्चा ङा पा निन्द्रा पवा बाक्त। मिनु शुश हिंचा माल्शो आ एर ओंथ नेल्ल छिङछिङ दुम्माक्त। उत्पत्ती २:२१; १सामुएल २६:१२; यसैया २९:१० 13मिनु मेकोमी अब्राम कली “इ तौ चच युइ अर्को रागीमी अर्को रागी ङा मुर दुम्नीम। मेकेर बाक्मानु, वाइलीम वाइल यो दुम्नीम। मेकेर ४ सहे बर्स सम्म श्येत जाइनीम। प्रस्थान १:१३; प्रस्थान १२:४०; प्रेरित ७:६ 14गो चहिं मेको आन बाक्शो रागी ङा मुर आन कली निसाफ पा सजाइ गेनुङ। मारदे हना इ मुर आन कली वाइलीम वाइल सेल्नीम। मिनु नोले इ मुरपुकीम मेको आन मारेइ मारेइ लाइश्शा, मेको रागी रे ग्रूशा लाइनीम। प्रस्थान ३:२१-२२; प्रेरित ७:७ 15गे चहिं थुं नाइश्शा इ किकी पिपी आन बाक्तीक लाइनेवे। शुश बर्स दुम्शा बेक्नेवे। उत्पत्ती २५:७-८ 16इ मुरपुकी ४ पाला नोले ला एकेर लेश्शा जाक्नीम। मारदे हना एमोरी आन मरिम्शो पशो मनुप्शो बाक्त” दे परमप्रभु यावेमी देंमाक्त। प्रेरित ७:७ 17मिनु नां रिक्शा, छिङछिङ दुम्शा नोले मी ब्रशो चुप्लु का ग्रूमाक्त। मिनु ब्रशो तोव़शी का मेको श्ये आ एर ओंथ गाक्माक्त। प्रस्थान १९:१८ 18मेको नाक्ती परमप्रभु यावेमी अब्राम नु कबल पशा “मेको रागी इ चच युइ आन कली गेनुङ। मेको इजीप्त ङा ठेयब खोला रे युफ्रेटीस सम्म बाक्ब। उत्पत्ती १२:७; १राजा ८:६५; १राजा ५:१ 19मेकेर बाक्बपुकी केनी, केनीज्जी, कादमोनी, 20हित्ती, परिज्जी, फाइम, 21एमोरी, कनानी, गिरगाशी नु यबुसी आन रागी नेल्ल इ कली गेनुङ” दे अब्राम कली लोव़ गेशा, कबल पवा बाक्त।
Currently Selected:
उत्पत्ती 15: susz
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
