Colosenses Colosensesdih jwĩ tʉ́i beh joyát pínah naáwát
Colosensesdih jwĩ tʉ́i beh joyát pínah naáwát
¿Déhe tigaá daácniji? Pablo, Dios ã jib bohéát tʉ́ʉtni nin nʉ́odih ãt daacáp wʉt jĩ. Pablo ded pah ã jʉmatdih chah jéihíhna, Romanosdih jwĩ tʉ́i beh joyát pínah naáwátdih ñi eneé.
¿Detdih ãt daácji? Colosas tʉ́tchidih moón Jesúíhwãdih Pablo nin nʉ́odih ãt daác wahap wʉt jĩ. Colosas tʉ́tchi Asia baácboó jʉmni, bʉʉ́h bʉʉgní tʉ́tchi ãt jʉmʉp wʉt jĩ. Pablojeh queétdih Jesúíh doonádih ãt bohécap wʉt jĩ. Biíh Jesúíhboó, Épafras wʉ̃t jʉmni, queétdih ã naáwáchah, ĩt jepahap wʉt jĩ. Pablo Éfeso tʉ́tchiboó tres jópchi ã bohénachah, Épafras Jesúsdih ãt jepahap wʉt jĩ. Pánihna, Pablo ã bohéniji ãt jʉmʉp wʉt jĩ. (1.7-8; Hch 19.10)
¿Dedmant, débólih cah, ãt daácji? Chah jéihnit “Pablo Roma tʉ́tchi nemat mʉʉ́boó jʉmnit, jópchi 60 (Jesús ã wʉnat tʉ́ttimah 27 jópchi tʉ́ttimah) nin nʉ́odih ãt daác wahap wʉt jĩ”, ĩ niíj jenah joiná caá.
¿Dedé pínah tigaá ãt daácji? Épafras queétdih Jesúíh doonádih ã naáwát tʉ́ttimah, bitaboó ĩ pebhna jʉibínit, queétdih ĩt yee bohénap wʉt jĩ. Pánihna, Épafras Pablo pebhboó jʉibínit, caandíh ã naáwáchah, ĩ yee bohéátdih yoobáát tʉ́ʉt niijná, Pabloboó queétdih nin nʉ́odih ãt daác wahap wʉt jĩ.
Colosenses ded pah ã jʉmat:
1. Pablo ã daác jwíihat (1.1-14)
a. Queétdih ã tʉ́yat tʉ́ʉtat (1.1-2)
b. Diosdih “Tʉ́ini caá”, niijnít, queétdih ã ʉʉ́bát (1.3-14)
2. Jesucristo chah ã jʉmat (1.15-23)
3. Pablo Jesúíhwãdih ded pah bʉ́dí ã teo wʉ̃hat (1.24–2.7)
4. Jesús biícdih jʉmnit, cã́acwãjeh ĩ wʉtatdih jepahcat caá náahap (2.8-23)
5. Jesúíhwã caandíh jepahnit, ded pah jwĩ tʉ́i chãjat (3.1–4.6)
6. Pablo ã pée tʉ́yat tʉ́ʉtat (4.7-18)
Currently Selected:
Colosenses Colosensesdih jwĩ tʉ́i beh joyát pínah naáwát: cbv
Highlight
Share
Copy
Want to have your highlights saved across all your devices? Sign up or sign in
© 2004, 2008, Wycliffe Bible Translators, Inc. All rights reserved.